ՌԴ հավաքականի կազմում օլիմպիական չեմպիոնը մարզում անցկացրեց հայ պատանի ձյուդոիստների հետ

Ռուսաստանի ձյուդոյի հավաքականի կազմում Լոնդոն 2012-ի չեմպիոն, ձյուդոյի Ռուսաստանի պատանիների հավաքականի ավագ մարզիչ Արսեն Գալստյանը Հայաստանում գտնվելու առիթն օգտագործել է հայ պատանի ձյուդոիստների հետ շփվելու համար: Այսօր՝ սեպտեմբերի 27-ին, «Օլիմպավանում» մարզում անցկացրեց ՀՀ պատանիների հավաքականի հետ: Օլիմպիական չեմպիոնը նրանց հետ կսիվեց իր փորձով, օգնեց բարելավել որոշակի հնարքներ, խորհուրդներ տվեց: Լրագրողների հետ զրույցում նշեց, որ ուրախ է այսպիսի հնարավորության համար:

«Ես երբեք կողքից չեմ նայում, քանի որ խոսքն իմ հայրենակիցների մասին է: Երբ հանդիպում ենք մրցումների, հավաքների ժամանակ, շփվում ենք, փորձում ենք օգնել միմյանց: Հայաստանում եմ եւ հնարավորություն ունեցա մարզում անցկացնելու մեր հայ ձյուդոիստների համար, որպեսզի նրանք լավ արդյունքների հասնեն միջազգային ասպարեզում: Ինձ էլ շատ հաճելի կլինի տեսնել հայաստանցի օլիմպիական, աշխարհի, Եվրոպայի չեմպիոնի»,- ասաց նա:

Հոկտեմբերի 6-18-ը Բուենոս Այրեսում կայանալիք 2018 թ. պատանեկան օլիմպիական խաղերում Հայաստանը ձյուդոիստների պայքարում ներկայացնելու է Յուրի Իսրայելյանը: Արսեն Գալստյանը նրան դեռ մինչեւ այսօրվա մարզումը ճանաչելու նարավորություն է ունեցել: Տարբեր մրցաշարերում նրան տեսնելով նկատել է, որ հեռանկարային մարզիկ է:

«Այս տղային նկատել եմ տարբեր մրցումների ժամանակ: Երեւում է, որ պոտենցիալ ունի, եւ պետք է մարզվել, ջանք թափել: Առաջին հերթին, իհարկե, նրանից է կախված, թե ինչերի կհասնի»,- ասաց Գալստյանը՝ ավելացնելով, որ նա մեծ շանսեր կունենա Բունեոս Այրեսում, եթե լավ պատրաստվի:

Արսեն Գալստյանն ու Յուրի Իսրայելյանը մարզման ժամանակ

Յուրի Իսրայելյան

Պատանի ձյուդոիստները շատ ոգրորված էին օլիմպիական չեմպիոնի հետ մարզումից: Նշեցին, որ այն շատ հետաքրքիր անցավ, որ սովորեցին նրանից եւ հետագայում էլ պատրաստվում են աշխատել սովորածի վրա: Օլիմպիական խաղերին պատրաստվող Յուրան, որին Գալստյանը մարզման ընթացքում որոշ հնարքներ կատարելագործելու համար ուղղություն ցույց տվեց, ընդգծեց, որ պատասխանատու ստուգատեսից առաջ սա կարեւոր փորձ էր իր համար:

«Օլիմպիական չեմպիոնի հետ աշխատելը շատ օգտակար է, քանի որ նա բազմաթիվ փորձությունների միջով է անցել: Պետք է նայենք նրա աշխատանքին, սովորենք նրանից»,- ասաց նա՝ ավելացնելով, որ լավ մարզավիճակում է եւ օլիմպիական խաղեր է գնում ոսկու հետեւից:

Մարզմանը, բացի Գալստյանից ու հայ պատանիների գլխավոր մարզիչ, աշխարհի բրոնզե, Եվրոպայի կրկնակի բրոնզե եւ արծաթե մեդալակիր Հովհաննես Դավթյանից, ներկա էին Եվրոպայի չեմպիոն Ֆերդինանդ Կարապետյանը, ՀՀ մեծահասակների հավաքականի գլխավոր մարզիչ, Եվրոպայի չեմպիոն Արմեն Նազարյանը:

Լուսանկարները՝ «Հայկական ժամանակ»-ի

Տպել
2288 դիտում

Հրդեհ Կապանի «ՎՏԲ» բանկում. տուժածներ չկան

Քարոզչական շանտաժի մարտավարությունը

Թբիլիսին չեղարկել է դեպի Երևան թռիչքները

Հայտնաբերվել են հետախուզվողներ. նրանց մի մասն ինքնակամ է ներկայացել

Սարատովկա գյուղում բռնկված հրդեհը մարվել է (տեսանյութ)

Սպանության փորձի մեղադրանքով վնասազերծվողի մոտ հայտնաբերվել է մի ամբողջ զինանոց (տեսանյութ)

Արցախի ՊԲ հրամանատարն աշխատանքային խորհրդակցություն է անցկացրել

Վթար Կապան քաղաքում. վարորդը հոսպիտալացվել է

Մարտի 1-ին՝ ժամը 18.00-ին, Ազատության հրապարակից շարժվում ենք երթով. վարչապետ

Որոշողն Արցախի ժողովուրդն է, եւ վերջ

Մշակութային գործիչները կոչ են անում Ս. Կարապետյանին հուղարկավորել Գիտությունների ազգային ակադեմիայից

ՀՀ տարածքում կան փակ և դժվարանցանելի ավտոճանապարհներ, 2 մարզերում ձյուն է տեղում

Այս բուկլետը նաեւ լավ հուշանվեր է, սիրով կնվիրեմ. վարչապետ

Հայ-ղրղզական միջխորհրդարանական բարեկամական խմբի շրջանակում հանդիպում է տեղի ունեցել

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ