Ադրբեջանը հայկական գյուղերը գնդակոծում են ցերեկը, երբ երեխաները դպրոցում են. ՀԿ-ները դատապարտում են

Ադրբեջանական զորքի կողմից Հայաստանի սահմանամերձ գյուղերի քաղաքացիական բնակչության եւ հատկապես երեխաների նկատմամբ ռազմական ոտնձգությունների դատապարտման վերաբերյալ քաղաքացիական հասարակության կազմակերպությունները տարածել են հայտարարություն, որում ասվում է.

«Ս.թ. սեպտեմբերի 13-17-ն ընկած ժամանակահատվածում ադրբեջանական զինված ուժերի կողմից դարձյալ խոշոր տրամաչափի գնդացիրներից գնդակոծվել են Հայաստանի Հանրապետության Տավուշի մարզի սահմանամերձ` Չինարի, Բաղանիս, Կոթի, Վազաշեն, Ոսկեվան, Բերքաբեր, Այգեհովիտ գյուղերը, իսկ սեպտեմբերի 15-ի երեկոյան գնդակոծվել է նաեւ Վայոց Ձորի Արենի գյուղը:

Չինարի գյուղում տեղի ունեցած կրակոցների հետեւանքով վնասվել է գյուղի մանկապարտեզը, այն պաշտպանող պատը, ինչպես նաեւ քաղաքացիական բնակիչների տներ: Կոթի գյուղում վիրավորվել է քաղաքացիական անձ (Սուրեն Սեփխանյանը), վնասվել են բազմաթիվ տնտեսություններ, դպրոցների եւ մանկապարտեզների վրա կան բազմաթիվ կրակոցների հետքեր։ Տեսանյութերից ակնհայտ է, որ գնդակոծությունները կատարվում են ցերեկային ժամերին, երբ երեխաները գտնվում են դպրոցում, մանկապարտեզում կամ բակում: Այս գործողությունները վկայում են մարդու իրավունքների եւ միջազգային մարդասիրական իրավունքի նորմերի խախտումների մասին, քանի որ գնդակոծություններն անմիջականորեն ուղղված են քաղաքացիական բնակչության, մասնավորապես, երեխաների դեմ՝ նպատակ ունենալով վնաս պատճառել վերջիններիս, ստեղծել սարսափի եւ տագնապի մթնոլորտ:

Մասնավորապես, «Երեխայի իրավունքների մասին» կոնվենցիայի շրջանակներում մասնակից պետությունները պարտավորվել են հարգել միջազգային մարդասիրական իրավունքի նորմերը եւ առանձնահատուկ պաշտպանության ներքո առնել երեխաներին: Բացի դրանից, նույն նորմերի համաձայն, կրթական հաստատությունների գրավումը, ոչնչացումը կամ դրանց դիտավորյալ վնաս պատճառելը ոչ միայն արգելվում է, այլեւ ենթակա է պատշաճ իրավական ընթացակարգերով քննության:

Ուշագրավ է, որ 2017 թվականին Հայաստանը միացել է «Ապահով դպրոցների հռչակագրին», որի նպատակն է պաշտպանել կրթական հաստատությունները ռազմական հարձակումներից եւ զենքի կիրառումից։ Ըստ այդմ, Հայաստանը, ի թիվս 81 այլ երկրների, կարեւորում է երեխաների, ուսանողների եւ ուսուցիչների պաշտպանվածությունը զինված կոնֆլիկտների ժամանակ եւ դատապարտում կրթական հաստատությունների նկատմամբ ցանկացած տեսակի ռազմական ոտնձգությունները։ Հարկ է նշել, որ դեռեւս 2017 թվականին ՄԱԿ-ի Գլխավոր քարտուղար Անտոնիո Գուտերեշը, հետագայում նաեւ Երեխաների եւ զինված հակամարտությունների հարցերով Գլխավոր քարտուղարի հատուկ ներկայացուցիչը, ինչպես նաեւ Մարդու իրավունքների գերագույն հանձնակատարը կոչ են արել պետություններին ստորագրել «Ապահով դպրոցների հռչակագիրը»: Ցավոք սրտի, Ադրբեջանը մինչ օրս չի միացել «Ապահով դպրոցների հռչակագրին», ինչը վկայում է այս պետության կողմից երեխաների անվտանգության հարցերին առնչվող, միջազգային հանրության կողմից ընդունված եւ պաշտպանվող արժեքների հանդեպ վերաբերմունքի մասին։

Մենք խստորեն դատապարտում ենք յուրաքանչյուր տեսակի ռազմական ոտնձգություն քաղաքացիական անձանց եւ հատկապես երեխաների նկատմամբ, եւ հրավիրում ենք միջազգային հանրությանը գնահատական տալու նշված խախտումներին՝ գործի դնելով համապատասխան իրավական մեխանիզմները եւ բացահայտելու նմանօրինակ քաղաքականության հակահումանիստական էությունը։ Միեւնույն ժամանակ, վերահաստատում ենք մեր կամքը աշխատելու հանուն երեխաների բարեկեցության եւ անվտանգ կյանքի։

1.«Պահապան զարգացման հիմնադրամ»

2.«Հույսի կամուրջ» ՀԿ

3.«Հայաստանի մանուկներ հիմնադրամ»

4․«Հայաստանի մանուկներ հիմնադրամ» (COAF)

5.«ՀՕՖ-ի Երեխաների աջակցության կենտրոն հիմնադրամ»

6.«Սոցիալական արդարություն» ՀԿ

7.«Ընտանիք եւ համայնք» ՀԿ

8.«Աստացոլք» ՀԿ

9. «Տավուշի հոգեւոր վերածնունդ հիմնադրամ»

10.«Մանկական զարգացման հիմնադրամ»

11.«Լույսի աշխարհ» ՀԿ

12.«Պարգեւում ենք Ժպիտ» ՀԿ

13.«Նանե» բարեգործական միություն ՀԿ

14.«Պրոգրես» ՀԿ

15.«Համայնքի Զարկերակ» ԵՀԿ

16.«Ջահ Զարգացման Հիմնադրամ»

17.«Տարածքային զարգացման եւ հետազոտությունների կենտրոն» ՀԿ

18.«Հուսո Ճանապարհ» ՀԿ

19. «Հայ մայրեր» բարեգործական հասարակական կազմակերպություն

20․ «Փրոջեքթ Հարմոնի

21. «Տաթեւիկ» ՀԿ

22. «Վերադարձ եւ պաշտպանություն» ՀԿ

23. «Սոցիալ-հոգեբանական եւ վիճակագրական կենտրոն» ՀԿ

24. «Մեղրու կանանց ռեսուրս կենտրոն» ՀԿ

25․ «Հայկական Կարիտաս

26. «Համայնքային համախմբման եւ աջակցության կենտրոն» ՀԿ

27. «Կապանի կանանց ռեսուրս կենտրոն» ՀԿ

28. «Խարիսխ» ՀԿ

29. «Խարիզմա» ՀԿ

30. «Ընդդեմ իրավական կամայականության» ՀԿ

31. «Էմմանուել» ՀԿԵ ՀԿ

32. «Զանգակատուն» ՀԿ

33. «Արմինե» ՀԿ

34. «Առավոտ» ՀԿ

35. «Արեգունի սոցիալական զարգացման» ՀԿ

36. «Աբովյանի երեխաների աջակցության կենտրոն» ՀԿ

37. «Ֆրանս-հայկական զարգացման հիմնադրամ

38.. «ՍՕՍ մանկական գյուղե»ր

39. «Ներդաշնակ հասարակություն» սոցիալական աշխատողների ասոցիացիա

40. «Նագաշյան» երեխաների աջակցության կենտրոն

41. «Մանկական զարգացման հիմնադրամ»

42. «Հյումեն դիգնիթի ընդ փիս»

43. «Հայ ժողովրդավարական ֆորում»

44. «Կանանց ռեսուրսային կենտրոն»

Տպել
1580 դիտում

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը

ԶՈՒ գլխավոր շտաբի պետն այցելել է հյուսիսարևելյան սահմանագոտի, ստուգել պահեստավորված զինամթերքը

Վաչե Տերտերյանն ընդունել է ՅՈՒՆԻՍԵՖ-ի ներկայացուցչին

Արցախի պետնախարարի մոտ քննարկվել է զորամասերում սննդի կազմակերպման նոր ծրագիրը

Ակնհայտ էր, որ տնտեսական հեղափոխությունը ձախողված է, դրա համար էլ կառավարությանն օդ ու ջրի պես պետք է հանքի շահագործումը

Հափշտակվել է շուրջ 15 մլն դրամ. ՊՈԱԿ-ի նախկին տնօրենին մեղադրանք է առաջադրվել

Գյումրին մեծ տոնի է պատրաստվում. հյուրանոցները ծանրաբեռնված են, գնացքը կաշխատի հավելյալ չվացուցակով

Եթե ՀՀ-ին, Սեւանին, Ջերմուկին, 0.1 տոկոս վնաս կա, հանքը չի շահագործվի. Ալեն Սիմոնյան

Իմ եզրակացության վերաբերյալ երեկոյան հանդես կգամ հայտարարությամբ. վարչապետ

Պաշտպանի հանձնարարությամբ արագ արձագանքման ևս մեկ խումբ է մեկնել «Սուրբ Գրիգոր Լուսավորիչ» բժշկական կենտրոն

Ռուս սահմանապահները ձերբակալել են Վրաստանի յոթ քաղաքացու