Զորակցեք ու աջակցեք ՀՀ նոր եւ ժողովրդական կառավարությանը. կոչ Եվրամիության կառույցներին եւ միջազգային հանրությանը

Եվրոպայի Հայերի Համագումարի եւ Գերմանիայի Քյոլն քաղաքում սեպտեմբերի 2-ին կայացած խորհրդաժողովի անունից հայտարարություն է տարածվել, որում կոչ են անում Եվրոխորհրդին, Եվրոպական Պառլամենտին, եւ Եվրամիության կառույցներին զորակցել եւ աջակցել Հայաստանի Հանրապետության նոր եւ ժողովրդական  կառավարությանը, որպեսզի համերաշխության եւ սիրո հեղափոխությունը հասնի իր վերջնական հաղթանակին:

Ինչպես տեղյակ եք, Հայաստանի Հանրապետությունում սույն թվի   մայիսին տեղի ունեցավ իր նախադեպը չունեցող, եզակի, թավշյա, խաղաղ հեղափոխություն, որի ընթացքում ոչ մի կաթիլ արյուն չթափվեց եւ դրանից ծնված նոր կառավարությունը, ունենալով ողջ ժողովրդի անվերապահ աջակցությունը թե՛ Հայաստանում եւ թե՛ Սփյուռքում, այժմ եռանդուն պայքարում է կոռուպցիայի եւ բոլոր տեսակի անարդարությունների դեմ:

Մարդու իրավունքներն ու հիմնարար ազատությունները այսօր Հայաստանի նոր ու երիտասարդ կառավարության և ժողովրդի համար հիմնական արժեք են:

Եվրոպայում ապրող հայության բացարձակ մեծամասնությունը պաշտպանում է  նոր կառավարության որդեգրած ժողովրդավարական քաղաքականությունը՝ երկրի անցնցում ու սահուն աճն ու զարգացումն ապահովելու համար: Ուստի մեր ցանկությունն է, որ  իր որդեգրած համամարդկային արժեհամակարգին հավատարիմ՝ Եվրամիությունը Հայաստանի Հանրապետությանը ցուցաբերի համակողմանի աջակցություն հանուն արդարության, ազատության, ինչպես նաև երկկողմ հարաբերությունների զարգացման ու համագործակցության ամրապնդման:   

Սույն թվականի մարտին ստորագրվեց Հայաստան-Եվրամիություն համապարփակ գործակցության համաձայնագիրը եւ այժմ՝ թավշյա հեղափոխությունից հետո, բնականաբար, հարկավոր է այս գործակցությունը ավելի նոր ուժգնությամբ ու խորությամբ իրականություն դարձնել:

Հայաստանը այսօր համակողմանի  զարգացման համար Եվրամիության լայն աջակցության եւ տնտեսական ներդրումների կարիքն ունի.  առկա են կրթական, մշակութային և գիտական ասպարեզների  զարգացման բոլոր նախադրյալները, մնում է այդ պոտենցիալ ներուժը Եվրամիության աջակցությամբ դարձնել իրականություն:
Հայաստանը միշտ էլ ձգտել է իր բոլոր հարեւանների հետ ապրել հաշտ ու խաղաղ, բայց Թուրքիայի ու Ադրբեջանի ավտորիտար եւ հակաժողովրդական իշխանությունները ձեռք ձեռքի տված բացահայտ ու ծածուկ՝ վարում են հայությանը ոչնչացնելու  քաղաքականություն թե՛ Հայաստանում եւ թե՛ Լեռնային Ղարաբաղում:

Մենք ակնկալում ենք, որ Եվրամիության ղեկավարներն ու ղեկավար մարմինները Հայաստանի ու հայ ժողովրդի համար բացառիկ այս նոր ու լուսավոր պատմական ժամանակաշրջանում կցուցաբերեն անկաշառ ու համակողմանի աջակցություն եւ արդարամիտ քաղաքականություն:

Եվրոպայի Հայերի Համագումարը եւ այս խորհրդաժողովի մասնակիցները, ովքեր ներկայացնում են Եվրոպայում բնակվող հայության մեծ մասի մոտեցումներն ու կարծիքները վերոնշյալ խնդիրների շուրջ, սույն կոչով դիմում են Եվրամիության կառույցներին եւ միջազգային հասարակությանը եւ հորդորում, որ Հայաստանի Հանրապետությանը միայնակ չթողնեն ժողովրդավարական պայքարում:

Տպել
1227 դիտում

ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել. (տեսանյութ)

Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

Սահմանամերձ Բերդավան գյուղի դպրոցը, մանկապարտեզը եւ բուժկետը պաշտպանական նոր պատեր ունեն. գյուղն ավելի ապահով կլինի

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել