Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Այսօր տեղի ունեցավ «Երջանկություն եւ խաղաղություն մանուկներին» խորագրով միջոցառումը՝ նվիրված Հովհաննես Թումանյանի հեքիաթի օրվան եւ Երեւանի 2800-ամյակին: Միջոցառման բացման հանդիսավոր արարողությունը տեղի ունեցավ «Խաղաղության Ծառ»-ի մոտ (Հանրապետության հրապարակ, մետրոյի «Հանրապետություն» կայարանի հարեւանությամբ):Արդեն 13-րդ տարին իրականացվող միջազագային փառատոնն իր շուրջն էր համախմբել մայրաքաղաքի բազմաթիվ երեխաների, որոնք ուրախությունից բացականչում էին՝ տեսնելով իրենց սիրելի հեքիաթների հերոսներին ու տիկնիկներին:Միջոցառմանը իր ներկայությամբ էր պատվել ՀՀ վարչապետի տիկին Աննա Հակոբյանը, որի հետ էր նրա երեքամյա դուստրը՝ Արփին:Լուսանկարում՝ ձախից Արմեն Սաֆարյան, Աննա Հակոբյան

Տիկնիկային արվեստի գործիչների միջազգային միության հայկական կենտրոնի՝ «ՅՈՒՆԻՄԱ-Հայաստանի» նախագահ Արմեն Սաֆարյանը տեղեկացրեց, որ 13 տարիների ընթացքում մոտ 70 արտասահմանյան ներկայացումներ են դիտել ՀՀ մարզերում ապրող երեխաները: Արմեն Սաֆարյանի խոսքով՝ այս տարիների ընթացքում 27 երկրներից տարբեր այցելուներ են ունեցել, իսկ այս տարի 6 տարբեր երկրներից են ժամանել Հայաստան:Միջոցառման բացման արարողությանը ներկա էին Իտալիայից, Վրաստանից, Ռուսաստանի Դաշնությունից՝ Դաղստանի եւ Տամբովի պետական տիկնիկային թատրոնների գեղարվեստական ղեկավարները, որոնք հանդես եկան ողջույնի խոսքով:

«Քանի դեռ կան տիկնիկները, տիկնիկային ժանրը՝ մեր երեխաները կզարգանան, հոգեպես կմաքրվեն, եւ տա Աստված, որ երկրագնդի երեսին ոչ մի երեխա չտեսնի եւ չիմանա պատերազմի սարսափը, իսկ մենք՝ մեծահասակներս, պետք է անենք ամեն ինչ, որպեսզի երեխան հասկանա եւ լիարժեք ապրի իր մանկությունը»,-ասաց Դաղստանի պետական տիկնիկային թատրոնի տնօրեն եւ գեղարվեստական ղեկավար Ամինադ Յախիաեւնան: Վերջինս համոզմունք հայտնեց, որ այս փառատոնը նպաստում է ե՛ւ մասնագիտական, ե՛ւ հարեւան երկրների ընկերական հարաբերությունների զարգացամանը:«Այս տարի ընդլայնել ենք աշխարհագրությունը, բացի Լոռու մարզից, նաեւ Վայոց ձորի եւ Սյունիքի մարզեր ենք գնում: Փառատոնը մեծ դեր է խաղում ոչ միայն տիկնիկային արվեստի զարգացմանը ՀՀ-ում, այլեւ այս տարիների ընթացքում տասնյակից ավելի թատրոններ են ստեղծվել միայն այս փառատոնից ոգեւորվելու շնորհիվ: Այս տարի նաեւ վարպետության դասեր ենք տալու տարբեր մարզերում եւ գյուղերում, իսկ ամենակարեւորը՝ ես կարեւորում եմ թատրոնի դերը մանուկների, քաղաքացիների զարգացման գործում»,-ասաց Արմեն Սաֆարյանը:Տիկնիկային արվեստի գործիչների միջազգային միությունը 1992 թվականից իր բոլոր միջոցառումներն ու ներկայացումներն անվճար է անում: Արմեն Սաֆարյանը վստահեցրեց, որ միությանը կից գործող «Կարապետ» տիկնիկային թատրոնը 26-րդ տարին է՝ ոչ մի տոմս երբեք չի վաճառել այցելուներին՝ շնորհիվ բարեգործների եւ բարերարների:Վերջինս նշեց, որ մշակույթի նախարարությունից մասնակի ֆինանսավորում են ստանում, իսկ մեր հարցին, թե ինչ ջանքերով է ստացվում այսքան տարի պահել նման միությունն ու խոչնդոտները հաղթահարելով՝ աշխատել, Սաֆարյանն ասաց. «24 ժամը դարձնում եմ 68, աղոթում ու գնում ենք առաջ: Ասել եմ ու էլի կասեմ՝ ոչ մի թատրոն մեզ նման չի ներգրավում ՀՀ մարզերը»:Միջոցառման մասնակիցները, տարբեր երկրների հյուրերն ու հատկապես փոքրիկները ջրեցին 13 տարի առաջ տնկված «Խաղաղության Ծառը»:

Տպել
3797 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ