Մենք հիմքեր չենք տեսնում նոր խորհրդարանական ընտրությունների. ՀՀԿ խմբակցության ղեկավար

«Մենք հիմքեր, անհրաժեշտություն չենք տեսնում նոր խորհրդարանական ընտրությունների»,- այս մասին «Ազատություն» ռադիոկայանի հետ զրույցում ասել է ԱԺ ՀՀԿ խմբակցության ղեկավար Վահրամ Բաղդասարյանը՝ անդրադառնալով վարչապետ Նիկոլ Փաշինյանի այսօր Նյու Յորքում արած հայտարարությանը:

«Մենք ցանկացած քննարկումների պատրաստ ենք, բայց ինձ թվում է՝ մենք  Ընտրական օրենսգրքի հետ կապված քննարկումներ կունենանք, որովհետեւ մինչեւ ընտրություններ մենք ԸՕ-ն պետք է բարելավենք: Մենք ավելի շատ, ավելի կարեւոր գործեր ունենք անելու, քան արտահերթ ընտրությունների մասին մտածելը: Պետք է Ընտրական օրենսգիրքը հասցնենք ավարտուն տեսքի»,- ասել է Բաղդասարյանը:

Հիշեցնենք, որ վարչապետ Նիկոլ Փաշինյանը սեպտեմբերի 23-ի գիշերը Մանհեթնի «Յեյլ» ակումբում հայ համայնքի հետ հանդիպմանը հայտարարել է, որ Երեւան վերադառնալուն պես բանակցություններ է սկսելու ԱԺ ուժերի ղեկավարների հետ՝ խորհրդարանը ցրելու մասին:

Ինչ վերաբերում է Երեւանի ավագանու արտահերթ ընտրություններին, Վահրամ Բաղդասարյանը նշել է, որ ընտրությունների արդյունքն ավելի ընկալելի կլիներ, եթե անձամբ վարչապետի միջամտությունը չլիներ:

«Վարչապետի համար պետք է միեւնույն լինի, թե ով կլինի քաղաքապետը, որովհետեւ ինքը բոլորի վարչապետն է: Կարծում եմ՝ նույն արդյունքը նորից կապահովվեր, որովհետեւ բոլորը գիտեն, որ դա վարչապետի քաղաքական ուժն է: Վարչական ռեսուրսի մասին երբ խոսում ենք, եթե երկրի առաջին դեմքով նման հայտարարություններ արվում են, մի փոքր քաղաքական տեսանկյունից ընկալելի չէ»,- ասել է Բաղդասարյանը:

«ՀՀԿ» խմբակցության ղեկավարի խոսքով՝ ցանկալի կլիներ, որ ավագանիում ավելի շատ՝ 6-7 քաղաքական ուժ ներկայացված լիներ:

Հարցին, թե ընդունո՞ւմ է, որ Հայաստանում վերջապես տեղի ունեցան ազատ, արդար ընտրություններ, Վահրամ Բաղդասարյանը պատասխանել է. «Ցանկացած ընտրության ժամանակ նման կարծիքներ արտահայտում են: 2017 թ.-ի Ազգային ժողովի ընտրություններին նույն կարծիքն է հնչել բոլոր քաղաքական ուժերի կողմից եւ բոլոր միջազգային կառույցների կողմից»:

Երեւանի ավագանու ընտրություններին մասնակցել է ընտրողների 43.65 %-ը, ինչը, ըստ Բաղդասարյանի՝ բավականին ցածր տոկոս է:

«Գոնե 50 տոկոսից ավելի մասնակցություն պետք է լիներ, որ իմանանք, որ երեւանցիների կամքն է դա: Ընդհանուր առմամբ, ընտրողների քանակին համապատասխան արտահայտվում է այն կամքը, որն արտահայտել է: Ես ասում եմ, որ ցանկալի կլիներ ավելի շատ մասնակցությունը»,- նշեց Բաղդասարյանը:

Հարցին, թե ինչով է պայմանավորում ընտրություններին քիչ մասնակցությունը, Վահրամ Բաղդասարյանը նշել է. «Ինձ թվում է՝ խնդիրը ժողովրդի հավատն է ապագայի նկատմամբ: Ես համոզված եմ, որ ընտրողների 80-90 տոկոսը եղել է Երեւանում, եւ նրանք կարող էին մասնակցություն ունենալ: Այսինքն՝ դեռ անտարբերությունը կա: Այս ոգեւորության ֆոնի վրա պետք է նույնիսկ դրսից գային եւ իրենց քաղաքացիական պարտքը կատարեին»:

Տպել
9184 դիտում

Պարոն Էրդողան, հիմար մի՛ եղեք. հրապարակվել է Թրամփի նամակը Էրդողանին (լուսանկար)

Արծվանիկի պոչամբարում տեղի ունեցած վթարը վերացվել է. Տեսչական մարմին

ՊՆ մարդու իրավունքների եւ բարեվարքության կենտրոնի պետը հանդիպել է կին զինծառայողների հետ

Լեգենդար դարպասապահ Իկեր Կասիլյասը սրտի կաթվածից հետո կրկին մարզվում է

«Նուբարաշեն» եւ «Արմավիր» ՔԿՀ-ներում ներդրված փորձնական սննդի ծրագրից օգտվող կալանավորները մեծ թիվ են կազմում. նախարար

Ինչքան հրավիրյալների թոփ տասնյակին մոտենանք, այնքան վախերը դեպի հարգարժան գեներալներ շատ են ուղղվելու․ Անդրանիկ Քոչարյան

ԶՊՄԿ-ին պատկանող Արծվանիկի պոչամբարի խողովակաշարի վթարից արտահոսք է եղել եւ հոսքաջրերը լցվել են Ողջի գետը. Գրիգորյան

ՀՀ ԶՈՒ ԳՇ պետի գլխավորած պատվիրակությունը մեկնել է Բելառուս

Անհրաժեշտության դեպքում հրապարակային կդիմեմ Վիտալի Բալասանյանին, եթե ասելիք ունենա․ Անդրանիկ Քոչարյան

ՀՔԾ-ն քննչական գործողություններ է իրականացրել Սահմանադրական դատարանում՝ Արման Բաբաջանյանի հաղորդման հետքերով

Ձեր խնդիրները մեր մշտական ուշադրության կենտրոնում են. ինչ է քննարկվել զոհված զինծառայողների մայրերի հետ հանդիպմանը

ԵՏՄ երկրների քաղաքացիների կենսաթոշակի վճարման կարգը 2021-ին կփոխվի

Ապրիլյան պատերազմի հանգամանքներն ուսումնասիրող քննիչ հանձնաժողով է հրավիրվել վարչապետի խորհրդական Արշակ Կարապետյանը

Կարմիր բաճկոն հագնելու շուրջ վիճաբանության ժամանակ 1 անձ սպանվել էր, ևս 2-ը ստացել էին հրազենային վնասվածքներ

Մի շարք շենքերի կապիտալ վերանորոգման համար ԿԳՄՍ նախարարությանը 444 մլն դրամ կհատկացվի

Հայկ Հարությունյանի ինքնասպանության գործով վկան մի քանի օրով է լքել Հայաստանը. բազմաթիվ ապացույցներ են ձեռք բերվել

«Պետք է երաշխավորենք, որ այս գումարը դառնալու է բարձր որակի ենթակառուցվածք». 10 մլն եվրոյի դրամաշնորհ՝ գյուղոլորտին

Նայում ես ու աչքերիդ չես հավատում. Նիկոլ Փաշինյան

Կառավարությունն Արթուր Ալեքսանյանի անվան մարզադպրոցին 23.9 մլն դրամ կտրամադրի

Այսօր ՀՀԿ կենտրոնական գրասենյակ է այցելել ՀՔԾ քննիչը. Աշոտյան