Գյուղատնտեսության ոլորտում, ի տարբերություն մյուս ոլորտների, կտրուկ անկում է արձանագրվել. որն է պատճառը

01/10/2018 schedule19:20

ՀՀ ազգային վիճակագրական ծառայությունն անցյալ շաբաթ հրապարակեց այս տարվա առաջին 8 ամիսների ՀՀ սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները: Ըստ այդմ, 8 ամիսների կտրվածքով տնտեսական ակտիվության ցուցանիշը անցած տարվա նույն ժամանակահատվածի համեմատ աճել է 7.7 տոկոսով: Մակրոտնտեսական բոլոր ցուցանիշների առումով 8 ամսվա ընթացքում արձանագրվել է աճ, եւ միայն գյուղատնտեսությունում կա 1 տոկոսի անկում: Ընդ որում, ութ ամսվա ընթացքում գյուղատնտեսական արտադրանքի մեկ տոկոսի անկումը պայմանավորված է միայն անցած ամսվա՝ օգոստոսի կտրուկ անկմամբ: Ըստ ԱՎԾ-ի, օգոստոսին անցած տարվա օգոստոսի համեմատ գյուղոլորտում անկումը կազմել է 16.7 տոկոս: Սա ավելի մտահոգիչ է, երբ հաշվի ենք առնում, որ այս անկումը գրանցվել է անցած տարվա օգոստոսի համեմատ, երբ անցած տարի էլ նախորդ տարվա օգոստոսի համեմատ արձանագրվել էր էլ ավելի մեծ անկում՝ 25 տոկոս: Ըստ պաշտոնական տվյալների, 2016 թ. օգոստոսին գյուղոլորտի արտադրանքը կազմել է 165 միլիարդ դրամ, 2017-ի օգոստոսին՝ 125 միլիարդ, դրամ, այս տարվա օգոստոսին՝ 101 միլիարդ:

Ակնհայտ է, որ օգոստոսին մեր գյուղատնտեսությունը բախվում է լրջագույն խնդիրների, եւ դա դառնում է ավանդույթ: Թե կոնկրետ որն է այս «ավանդույթի» պատճառը, տեխնիկակա՞ն է, թե՞ տնտեսական, թերեւս լուրջ մասնագիտական վերլուծության կարիք ունի: Գյուղացիների պնդմամբ՝ բերքի քիչ լինելու պատճառը առաջին հերթին բնակլիմայական է. երկարատեւ ու անընդմեջ շոգը ոչ միայն խնդիրներ է հարուցում ոռոգման տեսանկյունից, այլ նաեւ ակտիվացնում բույսերի հիվանդություններն ու վնասատուներին: Դրան նպաստել էր նաեւ տաք ձմեռը, որի պայմաններում հիվանդությունների ու վնասատուների ակտիվությունը հետագայում կտրուկ աճում է: Այս պատճառներով էր նաեւ լայն սպառման մի քանի գյուղմթերքների՝ մասնավորապես լոլիկի էական թանկացումը հենց օգոստոսին: Արդյոք սա՞ է միակ պատճառը եւ արդյոք միայն բուսաբուծության ոլորտո՞ւմ է արձանագրվել այսպիսի անկում, դեռ պարզ չէ: Բացառված չէ, որ արտադրության անկում գրանցված լինի նաեւ անասնապահության ոլորտում, ինչը նույնպես պայմանավորված լինի երկարատեւ ու անընդմեջ շոգով:

Բայց այս ոլորտում խնդիրները կարող են ունենալ նաեւ տնտեսական բնույթ, կապված շուկաների, բերքի իրացման կամ ոլորտի ֆինանսական հոսքերի հետ: Մասնավորապես, պետք է վերլուծել մթերողների պահվածքը այդ ամսին, ներկրումների ծավալները եւ այլն: Իսկ այն, որ գյուղոլորտի խնդիրները արմատական լուծումների կարիք ունեն, թերեւս կասկածից վեր է: Նշենք, որ գյուղոլորտում օգոստոսին արձանագրված այս անկումը հանգեցրել է նրան, որ կտրուկ նվազել է տնտեսական ակտիվության ցուցանիշի աճի տեմպը: Եթե անցած 8 ամիսներին այդ աճը կազմել է 7.7 տոկոս, ապա օգոստոսին՝ միայն 0.6 տոկոս:

Պաշտոնական վիճակագրության մեկ ցուցանիշ եւս կարոտ է մասնագիտական վերլուծության: Խոսքը ներմուծման եւ արտահանման ծավալների մասին է: Օգոստոսին ներմուծումը անցած տարվա նույն ամսվա համեմատ աճել է մոտ 31 տոկոսով, իսկ արտահանումը՝ ընդամենը 5 տոկոսով: Արտահանման ծավալների աճի վրա վերջին շրջանում, իհարկե, ազդում է Թեղուտի հանքի շահագործման դադարեցումը, բայց դա այնքան էլ սփոփիչ չէ ներմուծման այսպիսի աճի ֆոնին: Մյուս ոլորտներում ցուցանիշները համահունչ են նախորդ ամիսների միջինին եւ կտրուկ տատանումներ չկան: 

10 օրից ՀՀ ԱՎ ծառայությունը կհրապարակի օգոստոսին վերաբերող մանրամասն տվյալներ, որոնցից ավելի պարզ կդառնան ՀՀ տնտեսությունում արձանագրվող միտումները:

Տպել
7575 դիտում

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ

Ի՞նչ է սատանիզմը. այսօր շատերն են շատերին մեղադրում սատանիստ լինելու համար

Արմեն Գեւորգյանի պաշտպանը եւս մեղադրող դատախազներին բացարկի միջնորդություն ներկայացրեց

ՀՀ ֆուտբոլի հավաքականի վիճակագրությունը Հունաստանի եւ Իտալիայի դեմ խաղերում հուսադրող չէ

Քոչարյանի պաշտպաններից Հովհաննես Խուդոյանը քիչ առաջ բացարկի միջնորդություն ներկայացրեց մեղադրող դատախազին

Հայաստանը ամենաապահով երկրներից է. 142 երկրների շարքում՝ 7-րդը

Պաշտպանության նախարար Դավիթ Տոնոյանն ընդունել է ՌԴ պատվիրակությանը. ՊՆ

Բացահայտվել է Փաստաբանների պալատի 2 անդամների կողմից առանձնապես խոշոր չափերով գումար հափշտակելու դեպք. ԱԱԾ (տեսանյութ)

ՀԱՅԲԻԶՆԵՍԲԱՆԿԸ մասնակցեց «Ստացիր կրթություն, գտիր աշխատանք, կառուցիր կարիերա» կարգախոսով աշխատանքի տոնավաճառին

Վարչապետ Նիկոլ Փաշինյանը Փարիզի Խաղաղության համաժողովի շրջանակում առանձնազրույց է ունեցել Էմանուել Մակրոնի հետ

Սրա տակ քաղաքական մանիպուլյացիաներ են. ԵՊՀ դասախոսը ուսանողական ցույցերի մասին

Ասկերանի բնակիչը ձիով պայթել է հակահետեւակային ականի վրա. տեղափոխվել է հիվանդանոց

Փարիզում գտնվող Նիկոլ Փաշինյանը այսօր եւս հանդիպել է Էմանուել Մակրոնի հետ (տեսանյութ)

Քոչարյանի եւ մյուսների գործով դատավոր Աննա Դանիբեկյանը ինքնաբացարկ չհայտնեց

Մանվել Գրիգորյանի գործը քննող դատավորը մերժեց ինքնաբացարկի միջնորդությունը

Եվրասիական տնտեսական հանձնաժողովը տեղյակ է «Սպայկա» ընկերության խնդրի մասին