Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

Ինչպես արդեն տեղեկացրել ենք, «Իմ Քայլը» դաշինքի նախընտրական քարոզարշավն ու հանրահավաքն այսօր Մալաթիա-Սեբաստիա համայնքում է:

Դաշինքի թեկնածու Հայկ Մարությանի ելույթից հետո ՀՀ վարչապետ Նիկոլ Փաշինյանը որոշ պարզաբանումներ ներկայացրեց վերջին օրերին քաղաքական մյուս ուժերի արտահայտած մտքերի ու հայտարարությունների հետ կապված:

Խոսեց նաեւ սեւերի ու սպիտակների բաժանման հայտնի արտահայտության շուրջ աղմուկի մասին:

Այնուհետ անդրադարձավ Հայաստանում արտոնյալների գոյությանը, հեղափոխությանը հաջորդած ամիսներին.

«Երբ նոր էի ընտրվել վարչապետ, հանրապետականները զանգում էին իրար ու ասում, այ մարդ մի 3 ամիս սպասեք, էս ոգեւորվածությունը կանցնի, ամեն ինչ տեղը կընկնի, այսպիսի թեզեր էին առաջ քաշում: Արդեն 3 ամիս է անցել, բայց հանրապետականների վարկանիշն այսքան ընկած երբեւէ չի եղել, իսկ հեղափոխության վարկանիշն օր օրի բարձրանում է: Ժողովուրդը տեսնում է, որ մենք չենք խաբում, մենք չենք թալանում, մենք մեր խոստումները կատարում ենք ու ժողովրդին սիրում ենք, ժողովուրդն էլ մեզ է սիրում:

Մյուս թեզը, որ վայ, անփորձ են, անփորձ կադրեր են, էս ոնց են անելու: Ես էլի եմ հայտարարել՝ Հայաստանում սկսվել է նոր կառավարում՝ ժողովրդավարական ճանապարհով: Մենք այն, ինչ արել ենք, աշխարհում չկա մի երկիր, որ այդ փորձը ունենա: Ինձ ասում էին՝ ախր հեղափոխությունը այդպես չէին անում, եթե ուզում ես անես հեղափոխություն, պետք է գնաս սրա հետ պայմանավորվես, ոստիկանության ու ԱԱԾ-ի հետ պայմանավորվես, սա անես, նա անես, որ հեղափոխությունը լինի: Ասում էին՝ առաց դրա հեղափոխություն չի լինի, տեսա՞ք ոնց եղավ:

Ընդանուր առմամբ, ես կարծում եմ, որ այո, Հայաստանն այսօր գտնվում է ժողովրդավարության աննախադեպ բարձր մակարդակի վրա: Այսպիսի մակարդակ երբեւէ տեղի չի ունեցել: Ես ասում եմ որպես մարդ, որը Երրոդ հանրապետության առաջին օրերից տեղյակ է ու որպես լրագրող լուսաբանել է ՀՀ քաղաքական կյանքը:

Հիշու՞մ եք, երբ ՀՀ-ում նոր կարգեր հաստատվեցին, որոշ անձինք ժողովրդավարությունը անվանեցին ամենաթողության սկիզբ, որովհետեւ սովոր էին, որ այդպես է լինելու: Իրականում ժողովրդավարությունը օրենքի գերակայության առումով ամենախիստ կառավարման մեթոդն է, որը ենթադրում է խստագույն կարգապահություն՝ որոշումներն ի կատար ածելիս:

Մարդիկ կան, ասում են՝ մենք հեղափոխությունը բա պաշտպանել ենք, բա պետք ա առանց համարների ման գանք քաղաքում, բա մեր քյարը ո՞րն ա: Ես քանի վարչապետ եմ, իմացեք, Հայաստանում արտոնյալ չի լինելու: Ինձ հարցնում են՝ ինչի՞ ես շատ կոշտ հայտարարություններ անում, որոշ մարդիկ անվանում են դրանք էմոցիոնալ: Ես ասեմ, Հայաստանում հաստատված ավանդույթներ կան, որոնք մենք հիմա վերացնում ենք: Ես, օրինակ, բոլոր նախարարների ու պաշտոնյաների հետ խոսում եմ դուք-ով, նրանց դիմում եմ ազգանունով, ընդհատելու համար ներողություն եմ խնդրում, մի բան հանձնարարելիս գրում եմ՝ խնդրում եմ արեք, ինձ ոմանք զարմացած նայում են, ասում են վայ, էս իրենց մտածելակերպով ասած՝ ինտելիգենտա, ես սա ասում եմ, որ մարդիկ չմտածեն, թե եթե ժպտում ենք, մենք կատակում ենք, ոչ, մենք չենք կատակում ու ով սա մոռանա, օրենքի ուժը կզգա:

Հայաստանում վարչապետի քիփ, վարչապետի մոտիկ, բաջանաղ, վարչապետենց քուչի լավ տղա, սենց բաներ չեն լինելու: Քանի ես վարչապետ եմ, այդ բաջանաղ-ախպերական կամ 50 տոկոս փայ մտնող, արագ տեմպերով միլիոնատեր դարձող ախպեր, մարդկանց ավտոների վրա քշող վարչպետի ախպոր տղա չի լինելու:

Հիմա մեզ ասում են՝ իմացեք, ձեր օգտին խորհրդարանում չենք քվեարկելու, ձեզ չենք աջակցելու, է այ քեզ բան, մի աջակցեք, ինչի մենք ձեզ երբեւէ խնդրե՞լ ենք մեր օգտին քվերկել, էդպես ժողովուրդն է ուզել»,-ասաց Ն. Փաշինյանը:

Տպել
5736 դիտում

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը

Կամ գտնվում են իրավական հիմնավորումներ, որոնցով հանքը փակվում է, կամ այդ հանքը շահագործվում է․ հանրաքվեն տարբերակ չէ

Շոգն աստիճանաբար կնվազի. եղանակը՝ Հայաստանում

Հրդեհներ Ամազոնի անտառներում. կրակը տարածվում է աննախադեպ արագությամբ

Պետական պարտքի դինամիկան թույլ է տալիս եզրակացնել, որ ռիսկերը կառավարելի են. Ջանջուղազյան

ՀՊՏՀ-ի ռեկտորի ժամանակավոր պաշտոնակատար է նշանակվել Դիանա Գալոյանը

Մեղավորության կանխավարկա՞ծ. Հերոյանը` քիլլե՞ր

Սյունիքի մարզում այրվում է մոտ 100 հա բուսածածկույթ (տեսանյութ)

Օդային աղետի պատճառների լաբիրինթոսում. անպատասխան հարցեր

Պետք է ապավինել մասնագետների փորձաքննության արդյունքներին եւ առաջնորդվել դրանցով. նախարար

Պայքար կյանքի եւ մահվան միջեվ. հրաշքի հնարավորությունը չի բացառվում

Ադրբեջանի հետ օպերատիվ կապը գործում է բավականին կայուն. ԱԳ նախարար

Այրվում է երկրագնդի ամենախիտ ու ընդարձակ անտառներից մեկը՝ Ամազոնը. Սուրենյան

Երբ Թրամփի կամ Պոմպեոյի հետ հանդիպելու պահը գա, դա կլինի. Մնացականյան

Սուրիկ Խաչատրյանի որդին՝ Տրդատ Խաչատրյանը, ճանաչվել է ոչ պիտանի զինվորական ծառայության համար

Սահմանադրական դատարանը փոխնախագահ չունի․ չի իրականացվել Սահմանադրական դատարանի մասին օրենքի պահանջը

Խոշոր հրդեհ Լոռիում. հրշեջներին հաջողվել է կանխել հրդեհի տարածումը (լուսանկարներ)

Գեղարքունիքի մարզում արձանագրվել է սիբիրյան խոցի հաստատված 8 դեպք

Կառավարությունը կսուբսիդավորի զինծառայողներին տրամադրվող հիփոթեքային վարկերի տոկոսադրույքն ու կանխավճարը

Լոնդոնն ու Բրյուսելը դեռ կարող են պայմանավորվածության հասնել Բրեքզիթի հարցում. Ջոնսոն