Նշանառու կրակոցներ են արձակել. Մարտի 1-ին «Չերյոմուխա-7»-ից վիրավորված քաղաքացին մանրամասներ է պատմում

ՀՀ հատուկ քննչական ծառայության պետ Սասուն Խաչատրյանն օրեր առաջ «ՀԺ»-ի հարցին ի պատասխան հայտնել էր, որ տվյալներ են ձեռք բերվել այն մասին, որ Մարտի 1-ին նշանառու կրակոցներ են եղել «Չերյոմուխայով»:

Բանն այն է, որ նախկինում չորս անձի՝ Ներքին գործերի նախարարության ծառայողների, մեղադրանք էր առաջադրվել այդ կանոններն անզգուշությամբ խախտելու համար: «Ունենք տվյալներ, որ դատաձգաբանական եւ դատաբժշկական փորձաքննությամբ են հիմնավորվել, որ եղել են նշանառու կրակոցներ «Չերյոմուխայով» եւ որեւէ անզգուշության մասին խոսք չկա: Եթե հիմնավորենք կոնկրետ անձանց՝ կրակողներին, այդ անձանց, ամենայն հավանականությամբ, կմեղսագրվի դիտավորյալ սպանությունները, որովհետեւ նշանառու կրակոցներ են արվել, անձանց երկուսինը՝ գլխի հատվածում, մեկը՝ որովայնի հատվածում»,- ասել էր Սասուն Խաչատրյանը:

Մարտի 1-ին զոհված տասը քաղաքացիներից երեքի` Տիգրան Խաչատրյանի, Արմեն Ֆարմանյանի եւ Գոռ Քլոյանի մահվան պատճառը եղել է «Չերյոմուխա-7» հատուկ միջոցը։

Ոստիկանների արձակած «Չերյոմուխա-7»-երից միայն նշված երեք քաղաքացիները չեն տուժել։ «Չերյոմուխա-7»-ից վիրավորվել է նաեւ քաղաքացի Հովհաննես Ասատրյանը։ Նա 2010 թվականին արտագաղթել է Հայաստանից՝ բնակություն հաստատելով Շվեյցարիայում: Հովհաննես Ասատրյանը էլեկտրոնային հասցեով նամակ է գրել գործը քննող ՀՀ հատուկ քննչական ծառայությանը, սակայն նրան այդպես էլ չեն պատասխանել: Ասատրյանը մեր զրույցում պատմեց, որ 20 մետր հեռավորությունից դիմահար կրակել են իր ուղղությամբ, ոչ մի անզգուշություն չի եղել:

- Պարոն Ասատրյան, կվերհիշե՞ք՝ դուք Մարտի 1-ին որտե՞ղ եք եղել եւ ինչպե՞ս եք հրազենային վիրավորում ստացել:

- Ժամը 21:30-ի սահմաններում էր, ձկան խանութի մոտ ժողովրդի հետ կանգնած՝ հետեւում էի իրադարձությունների զարգացմանը, երբ միանգամից ցավեր զգացի, մտա դալանի տակը, որ տեսնեմ՝ ինչ է կատարվում, տեսա, որ հրազենային չորս վիրավորում եմ ստացել «Չերյոմուխա-7»-ից՝ երեք հատ որովայնիս, մի հատ՝ ողնաշարի կողքը: Ես առաջիններից եմ եղել, որ վիրավորվել եմ: Հրազենային վիրավորում ստանալուց 40 րոպե հետո ինձ հազիվ հասցրել են «Էրեբունի» բժշկական կենտրոն, որտեղից էլ բան չեմ հիշում, որովհետեւ տեւական ժամանակ կոմայի մեջ եմ եղել: Կոմայից դուրս եմ եկել 14 օր հետո, մի քանի ամիս մնացել եմ Էրեբունիում: Մարդիկ լուսադեմին Ազատության հրապարակում տեղի ունեցածից հետո հավաքվել էին Ֆրանսիայի դեսպանատան մոտ, ոչ մեկ չէր էլ մտածում, որ մարդ կարող է իր ժողովրդի վրա կրակել:

- Դուք տեսե՞լ եք, թե ում ձեռքին է եղել «Չերյոմուխա-7»:

- Ոստիկաներն էին, որովհետեւ դիմակներով էին, ես իրենց շատ մոտ եմ եղել, խմբով էին:

- Մինչեւ դա նրանք որեւէ բան հայտարարե՞լ են, օրինակ, որ հեռանաք տարածքից:

- Ոչ մի բան բացարձակապես, 20 մետր հեռավորությունից կրակել են:

- Պարոն Ասատրյան, դուք Մարտի 1-ի գործով տուժող եք, վերջին անգամ ե՞րբ եք հարցաքննվել:

- Մի քանի տարի առաջ եմ հարցաքննվել, քննիչներն ինձ սպառնում էին, որ չասեմ, թե ովքեր են եղել կրակոցներ արձակողները: Ով ուզել ա գան ինձ տեսնելու, վախեցրել են, որ կձերբակալեն:

- Քննիչներին, եթե ցույց տան, կճանաչե՞ք:

- Այո այո, ես շատ լավ ճանաչում եմ: Եթե չեմ սխալվում՝ գլխավոր քննիչը Վահագն Հարությունյանն էր:

- Կոնկրետ ի՞նչ սպառնալիքներ են հնչել:

- Ասում էին՝ ջահել տղա ես, չես ուզում կյանքդ շարունակվի, շատ ահավոր ձեւի սպառնալիքներ, ես էլ իրան եմ ասել ինչ-որ պետք է... Քանի անգամ էլ եկել են իմ հետեւից, միշտ ճնշել են, ես էլ թողել փախել եմ Հայաստանից:

- ՀՔԾ պետն օրեր առաջ հայտարարեց, որ ըստ փորձաքննության արդյունքների, ոչ թե անզգուշությամբ խախտվել են զենքի կանոնները, այլ նշանառու կրակոցներ են եղել:

- Լավ, ասենք անզգույշ մի հատ կրակեին, բայց ես 4 հատ հրազենային վնասվածք եմ ստացել, ինձ գլխավոր բժիշկը պատմեց, որ երբ ինձ մտցրել են վիրահատության, երեք անգամ բժիշկներին փոխել են, երեք անգամ չեն կարողացել, թունավորվել են այդ հոտից: Հիվանդանոցում ես 6 անգամ կլինիկական մահ եմ ունեցել, շատ ծանր եմ տարել, հիմա ձախ ոտքս չի աշխատում, հաշմանդամ է: Նրանք նշանառու կրակոցներ են արձակել:

- Չե՞ք պատրաստվում գալ Հայաստան:

- Հեղափոխությունից հետո 13 օրով եկել գնացել եմ, ուրախությանս չափ չկար: Ինձ ՀՔԾ-ից հաղորդագրություն էին ուղարկել, որ իբր ուզում ես՝ արի, ուզում ես՝ մի արի, ես իրանց մեյլ եմ ուղարկել, տեւական ժամանակ պատասխան չկա:

- Հետեւում եք այս գործով իրադարձություններին:

- Այո, տեղյակ եմ, բոլորն է պետք է օրենքի առաջ պատասխան տան, օրենքի առաջ հիմա բոլորն էլ հավասար են: 10 տարի շարունակ գիտեինք՝ ովքեր էին ղեկավարները, շունը շան թաթ չի կծի, դրա համար էլ չէր բացահայտվում:

Նշենք, որ «Չերյոմուխա-7»-ից վիրավորված քաղաքացիներից մեկն էլ Արթուր Մուրադյանն է. նա Հովհաննես Ասատրյանի հետ գրեթե միաժամանակ է վիրավորվել՝ կրկին Ձկան խանութի մոտ՝ ժամը 21:30-ին: Մարտի 1-ին «Չերյոմուխա-7»-ի օգտագործման կանոնները թեկուզ անզգույշ խախտելու համար որեւէ մեկը քրեական պատասխանատվության չի ենթարկվել. իրավապահները, իբր, չեն կարողացել անհատականացնել 4 ոստիկանների գործողությունները:

Տպել
4553 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության