Հապաղելու ժամանակ չկա, գործադիրը պետք է անցումային արդարադատություն իրականացնի. Ա. Ենիգոմշյան

Հետհեղափոխական ընթացքը չի կարող լինել առանց անցումային ժողովրդավարության ու արդարադատության: Հին ու նոր համակարգերի արանքում պետք է անցումային փուլ լինի: Այս մասին այսօր ասաց «Սասնա ծռեր» կուսակցության նախաձեռնող խմբի անդամ Ալեք Ենիգոմշյանը՝ «Անցումային ժողովրդավարության և անցումային արդարադատության հրատապությունը՝ վերջին զարգացումների լույսի ներքո» թեմայով ասուլիսի ժամանակ, որի բանախոսներն էին Ալեք Ենիգոմշյանը, Արեգ Կյուրեղյանը եւ Վարդան Գերավետյանը: 

«Ժողովրդի կամքով փոխվել է գործադիր իշխանությունը, բայց օրենսդիր ու դատական իշխանությունները դեռ բնավ կամ ամբողջությամբ չեն փոխվել: Այդ պատճառով, մենք՝ քաղաքացիներս, տեսնում ենք, որ ամբողջ երկիրն ու իշխանությունը գտնվում են խնդիրների առաջ»,-ասաց Ենիգոմշյանը՝ նշելով, որ օգոստոսի 17-ի մեծ հանրահավաքի ժամանակ ՀՀ վարչապետ Նիկոլ Փաշինյանը բացահայտ եւ հստակ խոսեց անցումային փուլի եւ Անցումային արդարադատության մասին, սակայն այս մեկ ամսվա ընթացքում այդ ուղղությամբ հստակ քայլեր չեն ձեռնարկվել:

«Մենք ունենք շատ խնդիրներ, եւ այս իրավիճակում խնդիրները գալիս ավելանում, կուտակվում են: Եթե չունենանք համակարգային մոտեցում, վճռականություն՝ մտքում եւ քայլերում, կոնկրետ քայլերում՝ այս դեպքում անցումային փուլի իրականացման ու հաստատման, այս մարտահրավերները կարող են ավելի լուրջ բնույթ ստանալ, եւ մենք կգտնվենք արդեն այլ իրավիճակում: Հետեւաբար՝ հապաղելու ժամանակ չկա: Նոր էջից սկսելու համար շատ կարեւոր է անցումային շրջանը»,- ասաց Ալեք Ենիգոմշյանը:

Վերջինս ասաց, որ իրենց նշած անցումային փուլում իշխանությունը պետք է զինվի լրացուցիչ լիազորություններով, իսկ այդ լիազորությունները ժողովուրդը պետք է իր ազատ կամքով շնորհի գործադիրին.

«Այդ արտակարգ լիազորությունները պետք է հաստատվեն ժողովրդի կամքով՝ ուղիղ ժողովրդավարությամբ ու հանրաքվեով, որտեղ ժողովուրդը, գիտակցելով իրավիճակը, արտակարգ լիազորություններ է շնորհում գործադիր իշխանությանը: Գործադիրը ստանձնում է օրենսդիր իշխանության որոշակի գործառույթներ, որովհետեւ հիմա օրենսդիր իշխանությունը անցյալի շարունակությունն է ու սպառնալիք է նոր Հայաստանին: Այդ լիազորություններով օժտված գործադիրը պետք է նախկին համակարգի հանցագործներին անհապաղ հայտնաբերի ու պատասխանատվության ենթարկի՝ իրավունքի ուժով»,- ասաց Ենիգոմշյանը՝ հավելելով, որ Անցումային արդարադատությունն էլ պետք է իրականացվի երդվյալ ատենակալներից ձեւավորված դատարանների միջոցով: Իսկ այդ դատարանների դատավորներին կառաջարկի կառավարությունը եւ որոնց հավանություն կտա նորից ժողովուրդը: Ենիգոմշյանը նշեց, որ այդ դատավորները պրոֆեսիոնալ իրավապահներով պետք է տան հարցի միայն իրավաքաղաքական լուծումը, եւ ոչ թե միայն իրավական կամ միայն քաղաքական:

Իսկ ինչ վերաբերում է Անցումային արդարադատության իրականացման ժամկետներին, Ենիգոմշյանն ասաց, որ այս ամբողջը պիտի լինի հստակ ժամանակացույցով, ոչ թե անսահման անժամկետ:

«Իշխանությունը պետք է ցույց տա հստակ ժամկետ, որից հետո պետք է կայանան Ազգային ժողովի արտահերթ ընտրություններ, ցանկալի է զուգահեռաբար նոր Սահմանադրություն ունենալ, ինչն անխուսափելի է, բայց դա այս փուլում ամենաէականը չէ»,- ասաց «Սասնա ծռեր» կուսակցության նախաձեռնող խմբի անդամ Ալեք Ենիգոմշյանը:

Տպել
3426 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին