Գյուղը պարալիզացված է, մարդիկ առանց տանիք ու պատուհան տան մեջ են գիշերում

Սեպտեմբերի 11-ին Լոռու մարզի Թումանյան, Քարինջ եւ Դսեղ համայնքներում տեղացած ձվի մեծության կարկուտի վնասները համայնքային հանձնաժողովների կողմից հաշվարկվել ու ներկայացվել են մարզպետարան: Մարզպետարանի կողմից ստեղծված հանձնաժողովը եւս հաշվարկներ է իրականացնում, որն էլ իր հերթին պետք է ներկայացվի տարածքային կառավարման նախարարություն:

Լոռու մարզպետարանի գյուղատնտեսության բաժնի պետ Արտյոմ Շահվերդյանը ՀԺ-ին հայտնեց, որ հիմնական վնասը գրանցվել է Թումանյան համայնքում ու Քարինջ բնակավայրում. «Համայնքային հանձնաժողովների ակտը ստացվել է, բայց մարզայինը դեռ ընթացքի մեջ է»,- ասաց նա՝ ներկայացնելով վնասները:

Թումանյան խոշորացված համայնքում ու նրա կազմի մեջ է մտնող Քարինջ բնակավայրում, ըստ հանձնաժողովի եզրակացության, կարկուտի հետեւանքով վնասվել է բնակելի տների ավելի քան 8260 մետր քառակուսի ազբոշիֆեր, շուրջ 6000 մետր ազբոշիֆեր էլ անասնագոմերի տանիքներից: Վնասվել են նաեւ բնակելի տների ապակիները, չբնակվող ու կից շինությունները՝ շուրջ 2000 քմ մակերեսով: Քարինջ-Թումանյան համայնքներում կարկուտի հետեւանքով վնասվել է 21 մարդատար եւ 3 բեռնատար ավտոմեքենա, 180 քմ մակերեսով ջերմոցներ, 4 արեւային տաքացուցիչներ, սատկել են թռչուններ, վնասվել են նաեւ ցորենի ցանքատարածությունները, ընկույզի ու խնձորի այգիները, քարի արտադրամասերն ու խանութները:

Բաժնի պետի փոխանցմամբ՝ Դսեղում հիմնականում վնասվել են ջերմոցային տնտեսությունները՝ շուրջ 1000 քմ մակերեսով, 9240 քմ մակերեսով էլ տան տանիքներ:

Դսեղի գյուղապետ Գառնիկ Հովսեփյանը «Հայկական ժամանակ»-ին փոխանցեց, որ կրած վնասները գումարային արժեքով չեն կարող ասել, քանի որ պետք է շուկայական գին որոշվի, եւ հետո, իրենք չգիտեն՝ կառավարությունը գումարային օժանդակություն կցուցաբերի՞, թե այլ եղանակով: Համայնքի ղեկավարը հավելեց նաեւ, որ համայնքային բյուջեից որեւէ հատկացում չի արվել, փոխարենը օգնել են ինչով կարողացել են: Համայնքի ղեկավարն ակնկալում է կառավարության աջակցությունը:

Ամենամեծ վնասները կրած Քարինջ համայնքում իրավիճակը ավելի քան լուրջ է: Կարկուտից տուժած ընտանիքներից շատերն այսօր գիշերում են տանիք ու պատուհան չունեցող բնակարաններում:

Քարինջի վարչական ղեկավար Նորիկ Մկրտումյանի խոսքով, իրենց բնակիչները «խայտառակ վիճակում են». «Մեկը վարկերով, մեկը ոսկի դնելով, մեկը ապառիկով փորձում ա մի բան անի, բայց մարդիկ կան, որ ոչինչ չունեն ու չեն արել, էլի լավ է՝ անձրեւներ չկան, թե չէ՝ չգիտեմ ինչ կլինի մեր ժողովրդի վիճակը»:

Նորիկ Մկրտումյանն ասում է, որ կարկուտից հետո գյուղում մոտ 10 տանիք հազիվ թե փոխված լինի. «Միայնակ ծեր թոշակառուներ կան, մարդիկ կան, որ տանը տղամարդ չունեն, դուք չեք պատկերացնում պարզապես իրավիճակը, մենակ բնակարաններինը 10.000 քմ մակերեսով վնասված տանիք է, դրան էլ գումարած անասնագոմերի վիճակը, մարդիկ չգիտեն՝ տան հարցը լուծեն, թե՝ գոմերի, պարալիզացված վիճակ է գյուղում»,-ասաց նա՝ նշելով, որ վերջին 50 տարում իրենք նման կարկուտ չէին տեսել. «Ես չեմ պատկերացնում, թե ինչ է լինելու, սպասում ենք, որ մարզպետարանը դիմի կառավարություն, բայց օրերն անցնում են, էդ մարդիկ մեղք են, պետությունը թող գոնե գյուղվարկով, մի ձեւով փորձի օգնի, որ պետության վրա էլ ծանր չնստի»,- ասաց նա, հավելելով, որ այս պահի դրությամբ որեւէ կոնկրետ բան չի արվել:

Մկրտումյանը հավելում է, գյուղում այսօր օրակարգային է մարդկանց ծածկով ապահովելն ու աջակցություն ցուցաբերելը:

Տպել
6971 դիտում

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ

ԱԺ խմբակցությունները, կառավարությունն ու ԲԴԽ-ն Կոռուպցիայի կանխարգելման հանձնաժողովի անդամների թեկնածուներ են առաջադրել

Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք

Վարչապետի գլխավորած պատվիրակությունը ժամանել է Փարիզ

Այսօր կարեւոր է արտագաղթը կանգնեցնելն ու այն զրոյական վիճակի բերելը. Արտակ Մարկոսյան

ԻՊ-ն ստանձնել է Ղամիշլիում հայ հոգևորականների սպանության պատասխանատվությունը

Մխիթարյանը չի եկել՝ ՀՀ ֆուտբոլի հավաքականի կողքին լինելու, որ շարունակի վերականգնումը. Corriere dello Sport

Նախագահ Արմեն Սարգսյանի հրամանագրով գնդապետ Արմեն Հարությունյանին շնորհվել է գեներալ-մայորի զինվորական կոչում