Ասում են՝ Յուրան ղալմաղալ ա արել ժողովրդին ծեծելու-չծեծելու համար. հայրը պնդում է՝ որդուն ոստիկաններն են սպանել

ՊՊԾ գնդի գրավման 13-րդ օրը՝ 2016 թվականի հուլիսի 30-ին սպանված 30-ամյա ոստիկան Յուրի Տեփանոսյանի հայրը՝ Վահրամ Տեփանոսյանը, նախօրեին աղմկոտ հայտարարություն է արել դատարանում՝ նշելով, որ որդուն ոչ թե «Սասնա ծռեր» խմբի անդամներն են սպանել, այլ՝ ոստիկանները:

Ոստիկանի սպանության մեջ մեղադրվում է «Սասնա ծռեր» խմբի անդամ Սմբատ Բարսեղյանը, նա մեղադրվում է նաեւ ՊՊԾ գնդի փոխհրաձգության ժամանակ մահացած Արթուր Վանոյանի սպանության մեջ:

Յուրի Տեփանոսյանի սպանությունից հետո մշտապես «Սասնա ծռեր» խմբի անդամներն ու նրանց հարազատները հայտարարել են, թե Սմբատ Բարսեղյանը չէր կարող սպանել Տեփանոսյանին: Դեպքից հետո «Սասնա ծռեր» խմբի անդամ Վարուժան Ավետիսյանը տեղեկացրել էր, որ իրենք Յուրի Տեփանոսյանի սպանության հետ որեւէ առնչություն չունեն։ Ավետիսյանն ընդգծել էր նաեւ, որ այն վայրը, որտեղ սպանության պահին գտնվել է Տեփանոսյանը, իրենց համար տեսանելի չի եղել։ Ոստիկանության պաշտոնական հաղորդագրության համաձայն՝ Յուրի Տեփանոսյանը սպանվել էր դիպուկահարի կրակոցից։ Ոստիկանությունը նաեւ տեսանյութ եւ լուսանկար հրապարակեց ՊՊԾ գնդի տանիքից, որում պատկերված էր «Սասնա ծռեր» խմբի անդամ Սմբատ Բարսեղյանը: Ոստիկանության հրապարակած տեսանյութն ու լուսանկարը եւս քննարկումների մեծ ալիք բարձրացրեց:

Ըստ դատաբժշկական փորձաքննության՝ Յուրի Տեփանոսյանի մահը վրա է հասել ողնուղեղի դիֆուզ վնասվածքային ախտահարումից՝ ողնաշարի պարանոցային հատվածի եւ գանգի դիմային հատվածի համակցված հրազենային, գնդակային, կույր վիրավորում ստանալու հետեւանքով, որն էլ գտնվում է ուղղակի պատճառական կապի մեջ՝ մահվան հետ: Հատկանշական է, որ բացի հրազենային վիրավորումից, Յուրի Տեփանոսյանի մարմնի վրա հայտնաբերվել է նաեւ սալջարդ, որը եւս պատճառվել է կենդանության օրոք՝ մահվանից անմիջապես առաջ սուր եզր ունեցող կույր առարկայով: Այս վնասվածքն առողջության համար թեթեւ վնասի հատկանիշներ չի պարունակել:

Վահրամ Տեփանոսյանը երեկ մեր զրույցում պնդեց իր այն հայտարարությունը, որ որդուն ոստիկաններ են սպանել:

- Պարոն Տեփանոսյան, դուք երեկ հայտարարեցիք, որ ձեր որդուն ոստիկաններ են սպանել, պնդո՞ւմ եք ձեր հայտարարությունը:

- Միանշանակ՝ այո:

- Նախաքննական մարմնին ավելի վաղ հայտնե՞լ եք այս մասին:

-Ո՛չ, դրա հերթն էլ կհասնի, մի անհանգստացեք:

- Ինչո՞ւ չեք հայտնել, ձեզ ստիպե՞լ են լռել:

- Երկու տարի է՝ ղեկավարությունը չէր փոխվել, լրիվ ուրիշ վիճակ էր, հիմա ղեկավարությունը փոխվել է, պետությունն եկել է այն վիճակին... արդեն բոլոր քարտերը ջրի երես են դուրս եկել, «Սասնա ծռերին» բաց են թողել, ո՞ր մի հանցագործին են բաց թողնում:

- Օրինակ, ձեր որդու սպանության մեջ մեղադրվողն ազատ չի արձակվել:

- Ախր իմ տղուն ըտեղ սպանող չկա, իմ տղու հաշվով ոչ մեկ չի նստելու, դա միանշանակ ասում եմ ու կասեմ, որ անմեղ մարդ չդատվի: Էդ Սմբատ Բարսեղյան բան տենց մարդիկ չկան, լրիվ ուրիշ այլ մարդիկ են, որովհետեւ իմ ապացույցները, ժողովրդի ապացույցները ցույց են տալիս, որ դա լրիվ տենց չի: Դատարանը կորոշի, դատարանում ելույթ կունենամ, նոր էքսպերտիզա պիտի բացեն, ինչ թուղթ կա՝ դատավորին պիտի ասենք՝ լրիվ ճղի թափի, բոլորը շինծու է, շինծու, նման բան չկա:

- Այսինքն՝ դուք պնդում եք, որ ձեր որդուն Սմբատ Բարսեղյանը չի՞ սպանել:

- Ոչ, միանշանակ ո՛չ, ես իմ գլխով, կյանքով պատասխան կտամ, տենց բան չկա, դա մտքիցդ հանի: Մնացածը դատը կլինի, դատարանում կիմանաս:

- Պարոն Տեփանոսյան, այսինքն՝ դուք մինչ հեղափոխությունը վստահություն չունեի՞ք, որ ձեր հայտարարությանը ոստիկանների մասով ընթացք կտրվի:

- Այն ժամանակ ուրիշ ոստիկաններ էին, հիմա լրիվ ուրիշ ոստիկաններ:

- Ըստ էության, նույն ոստիկաններն էլ շարունակում են ծառայել:

- Կարող ա՞ ելույթ ունենային ու ասեին, որ մեր ոստիկանները Յուրի Տեփանոսյանին խփել են: Օրը ցերեկով 18 հազար միլիցու մեջ տղուս խփեն գլխից, ոչ մեկ չտեսնի՞, տեսնողներ չի կարող չլինել, երեւի վախեցել են ու հիմա չեն գալիս, խղճի խայթ չունեն, որ գան ասեն՝ հա ախպեր ջան, էս ոստիկանն ա խփել, ուրեմն վախեցրել են, որ նրանք էլ չեն գալիս ելույթ ունենում:

- Ովքե՞ր են, մասնավորապես վախեցրել «վկաներին» ձեզ հայտնի՞ է:

- Ոչ, դե դատարանը կորոշի: ԱԱԾ-ն, նոր ոստիկանապետը լավ կաշխատեն, գործը կբացվի, բոլորս էլ կիմանանք:

- Նոր ոստիկանապետը ՊՊԾ գնդի գրավման ժամանակ պատանդառվել էր:

- Եթե իրենց պետք լիներ զոհ տալու, Յուրոյին չէին խփի, կխփեին պալկովնիկ, կխփեին գեներալ, իմ տղես էլ ավտոյի մեջ, ի՞նչ իմացան Յուրոն ավտոյի մեջ որ մասն ա նստած, պլյոնկեքը մուգ 100 տոկոսանոց: Ավտոն էլ կա, կարող եմ բերեմ ապացուցեն:

- Ձեզ հայտնի է՞, այդ օրը ձեր որդին՝ Յուրի Տեփանոսյանը, մյուս ոստիկանների հետ խնդիրներ ունեցե՞լ է, թե՞ ոչ:

- Ասում են, որ Յուրան ղալմաղալ ա արել ժողովրդին ծեծելու-չծեծելու համար, հետո իրեն ասել են՝ գնա նստի ավտոն, ղալմաղալ մի արա, տենց են ասում, մեղք չեմ առնում: Էդ հեռավորության վրա որ շառ են անում Սմբատ Բարսեղյանի վրա, հենց հիմա ավտոն բերեմ, Սմբատ Բարսեղյանին էլ հանեմ կռիշը, ասեմ՝ քեզ ավտոմատ եմ տալիս, դե խփի մեջը նստած մարդուն: Չի երեւում մեջը, ոչ մի բան չի երեւում, հիմա դու տեսնո՞ւմ ես՝ ես որտեղ եմ կանգնած, որտեղից եմ խոսում: Ի՞նչ իմացան՝ որտեղ էր նստած, հետո տղաս ավտոն չէր քշում, տեղը փոխել էր, ուրիշ տեղ էր նստել, մեծ հարցեր կան, էդ դատարանում կորոշվի: Ես մեղք չեմ առնում, շառ անելը դա աշխարհի ամենավատ բանն ա, ոնց որ եկեղեցի քանդելը:

- Ձեր այս հայտարարությունը համընկավ ՀՀ հատուկ քննչական ծառայության պետ Սասուն Խաչատրյանի օրեր առաջ հնչեցրած այն հայտարարության հետ, որ Մարտի 1-ի արյունալի իրադարձությունների ժամանակ զոհված Տիգրան Աբգարյանին սպանել են հատուկ ջոկատայինները: Արդյո՞ք սա է ձեզ դրդել ձեր որդու գործով փակագծեր բացել:

- Ես մարտի 1-ի գործերի հետ գործ չունեմ, ես մեղք չեմ առնում իմ կյանքում: Ես ոչ մի բանը ճիշտը չգիտեմ, երբ իմանամ, անպայման կասեմ: Իմ տղու գործը պետք է բացեն, դնեն սեղանին, պիտի բացվի էս գործը, դա անհնար բան է: Անմեղ մարդու տանեն դնեն հողը...Երեխեքին էլ վերցնելու եմ բերեմ, որ նայեք տեսեք արժե՞ր, որ էս երեխեքը անհեր մեծանան... հայը հային խփի, տենց բան ո՞վ ա տեսել:

- Ասացիք՝ ապացույցներ ունեք, հիմա չե՞ք հրապարակում:

- Ոչ, թող մնա դատարանում, արդեն ջղայնացա, այսքանով սահմանափակվենք:

ՀՀ գլխավոր դատախազի խորհրդական Գոռ Աբրահամյանից այսօր հետաքրքրվեցինք՝ սպանված ոստիկանի հոր հայտարարությունը քննվու՞մ է, թե՞ ոչ: Ի պատասխան Աբրահամյանն ասաց. «Նշված քրեական գործի նախաքննությամբ ձեռք բերված ապացույցների բավարար համակցությամբ պարզվել են Յուրի Տեփանոսյանի մահվան հանգամանքները: Ներկայումս այդ գործով ընթանում է դատական քննություն, որի շրջանակներում ապացույցները դեռեւս չեն հետազոտվել: Վահրամ Տեփանոսյանն այդ քրեական գործով ունի տուժողի իրավահաջորդի դատավարական կարգավիճակ եւ անձամբ կամ ներկայացուցչի միջոցով օգտվում է այդ կարգավիճակից բխող իրավունքներից: Դատավարության ընթացքում, իրացնելով իր իրավունքները, նա հնարավորություն ունի լիարժեք մասնակցելու ողջ գործընթացին: Եթե դատավարության ընթացքում ձեռք կբերվեն Յուրի Տեփանոսյանի մահվան հանգամանքների հետ կապված այլ տվյալներ, կոնկրետ տեղեկություններ, դրանցով պայմանավորված՝ կլուծվի նաեւ դատավարական համապատասխան որոշումներ կայացնելու հարցը»:

Տպել
12130 դիտում

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ