ՔՊ-ի լիդերը պարտադրում է, որ ընտրեն իրենց թեկնածուին, սա քաղաքական մենաշնորհ է. Զոհրաբյան

«Բարգավաճ Հայաստան» կուսակցության քաղաքապետի թեկնածու Նաիրա Զոհրաբյանը հորդորում է քաղաքացիներին՝ ընտրել իրեն, քանի որ Երեւանը պետք է ունենա կին քաղաքապետ: Նաիրա Զոհրաբյանը կարծում է, որ ինքն ավելի ուժեղ է, քան տղամարդիկ, ԱԱԾ-ն, ոստիկանությունը: Սեպտեմբերի 13-ին Շենգավիթ վարչական շրջանում տեղի ունեցած նախընտրական քարոզարշավի ժամանակ նա նշեց, որ որոշ քաղաքական ուժերի լիդերներ քաղաքացիներին պարտադրում են ընտրել իրենց թեկնածուին: Սա, ըստ Նաիրա Զոհրաբյանի, ՀՀՇ-ի եւ ՀՀԿ-ի ոճի շարունակությունն է:

«Սա երկիրը կործանած նույն ՀՀԿ-ի արատավոր գործելաոճն է, որ բոլոր տեղերում իրենք պետք է ունենան քաղաքական մենաշնորհ: Մենք ասում ենք՝ այդպես չի լինելու: Այս հեղափոխությունը չի եղել նրա համար, որ նույն քաղաքական ուժը բոլոր մարմիններում վերցնի բացարձակ մեծամասնությունը: Այս դեպքում դուք ինչո՞վ եք տարբերվում ՀՀՇ-ից, երբ ասում էին՝ թող պոլի փետ լինի, բայց ՀՀՇ լինի: Ինչո՞վ եք տարբերվում ՀՀԿ-ից, որ ասում էին՝ թող ամենավերջին ստահակը լինի, բայց ՀՀԿ-ական լինի: Այդպես չի լինելու, որովհետեւ այս հեղափոխությունն արել է ժողովուրդը եւ ժողովրդի անունից ոչ ոք իրավունք չունի խոսել»,- ասաց Նաիրա Զոհրաբյանը:

ԲՀԿ-ն Երեւանի ընտրությունները չի տեղափոխելու քաղաքական դաշտ, այլ ընտրողին գրավելու է ներդրումային ծրագրերով: «Եթե բանավեճը տեղափոխենք քաղաքական դաշտ, ապա պարզ չէ, թե ով ավելի ուժեղ, հեղափոխական ու դուխով կգտնվի: Մենք թույլ չենք տա, որ հեղափոխական էյֆորիաների վրա փորձեն դիվիդենտներ, ընտրաքվեներ շահեն: Դա անազնիվ է»:

«Հայկական ժամանակ»-ի ճշտող հարցին, թե ում նկատի ունի, Նաիրա Զոհրաբյանը պատասխանեց, որ իր այս խոսքերն ուղղված են «Քաղաքացիական պայմանագիր» կուսակցությանը: ««Քաղաքացիական պայմանագիր» կուսակցության լիդերներից մեկը հայտարարեց՝ բոլորը պետք է գնան եւ ընտրեն մեր թեկնածուին: Սա նշանակում է, որ փորձ է արվում հաստատել քաղաքական մենաշնորհ: Այդ մտահոգությունը կիսեց նաեւ իմ գործըներ Արամ Զ. Սարգսյանը («Լույս» դաշինք): Հեղափոխությունը չենք արել նրա համար, որ ՀՀՇ-ից, ՀՀԿ-ից պրծանք, հիմա էլ հաստատվի որեւէ մեկ ուժի քաղաքական մենաշնորհը»:

«Հայկական ժամանակ»-ի դիտարկմանը, որ այս պայքարի նպատակն այն է, որ քաղաքական ուժը օրենքի սահմաններում հաղթանակ տանի, Զոհրաբյանը հակադարձեց. «Հաղթանակը լինում է ժողովրդի քվեով, չի լինում պարտադրանքով: Հաղթանակը չի լինում ասելով՝ մենք սպիտակ ենք, մնացած բոլորը սեւեր: Այդպիսի արտահայտություններն անընդունելի են»:

ԲՀԿ-ի թեկնածու Նաիրա Զոհրաբյանը տարօրինակ է համարում այն, որ ընտրապայքարի մեջ գտնվող ուժերի իր գործընկերները մի կողմ են թողել Երեւանի խնդիրները եւ խոսում են միայն մարդկանց «ասֆալտին փռելու» մասին: ՀԺ-ի հարցին՝ ԲՀԿ առաջնորդ Գագիկ Ծառուկյանը եւս շրջում է թիկնազորով, արդյո՞ք մտավախություն չկա, որ նրա թիկնազորը եւս կզինաթափվի, ԲՀԿ քաղխորհրդի գլխավոր քարտուղար Նաիրա Զոհրաբյանն ասաց. «Գագիկ Ծառուկյանը եւ իր շրջապատը որեւէ անօրինական գործողություն չեն կատարել, իսկ ասֆալտ փռելու օպերացիան որեւէ կապ չունի Երեւան քաղաքի ավագանու ընտրության հետ եւ բնակիչների հետ հանդիպման ժամանակ խոսել ասֆալտին փռելու օպերացիայից, չեմ կարծում, որ դրանով լուծվելու է Երեւանի աղբահանության, վերելակների կամ կանաչապատման խնդիրները: Ինչքան էլ փորձ արվի մեզ տեղափոխել քաղաքական այլ հարթակ, ինչը ձեզ որոշակի հաջողվեց, մենք հետեւողականորեն դուրս չենք գալու մեր օրակարգից եւ խոսելու ենք երեւանյան խնդիրներից: Ի տարբերություն մյուսների, մենք հարգում ենք երեւանցուն»:

Նաիրա Զոհրաբյանը կարծում է, որ Երեւանի կառավարումը պետք է ստանձնի կին քաղաքապետ, ըստ նրա, կինը հոգատար է, քան տղամարդիկ: «Որեւէ տղամարդ չի կարող անել այն, ինչը կարող եմ անել ես, որպես քաղաքապետ, որովհետեւ ես թույլ չեմ տալու, որ Երեւանից մեկ լումա անգամ գողանան: Վստահեք մեզ ձեր քվեն, որովհետեւ մենք խոստացել ենք հստակ ներդրումային ծրագրեր՝ Երեւանի հիմնական խնդիրները լուծելու համար»:

ԲՀԿ-ի նախընտրական ծրագիրը բաղկացած է 14 կետից: Այս ուժը խոստանում է խթանել ամուսնություններն ու ծնելիությունը: Ըստ ԲՀԿ-ի թեկնածուների՝ երիտասարդները չեն ամուսնանում ու երեխաներ չեն ունենում, քանի որ բնակարանների խնդիրներ կան: Մասնավորապես, նրանք առաջարկում են սոցիալական բնակարանաշինություն, որի շրջանակներում առանց կանխավճարի 30 տարի ժամկետով 60 քմ տարածքով բնակարանները հնարավոր կլինի ձեռք բերել 20-22 հազար ԱՄՆ դոլարով: Նրանք խոստանում են նաեւ կառուցել մետրոյի «Աջափնյակ» կայարանը՝ 15 միլիոն դոլարով: ԲՀԿ-ի մյուս ծրագրերը կապված են աղբահանության, կանաչապատման, տրանսպորտի որակի, քաղաքի բարեկարգման, շենք-շինությունների պահպանման եւ ներդրումների հետ:

Տպել
4995 դիտում

Վրաստանի հետ թռիչքների դադարեցման հետևանքով «Ուրալյան ավիաուղիները» 1 միլիարդ ռուբլու վնաս է կրել

Իրանի տարբեր քաղաքներում սկիզբ առած ցույցերի հետեւանքով 106 մարդ է մահացել. Amnesty International

Նախագահ Արմեն Սարգսյանը հանդիպում է ունեցել Կատարի Հայր Էմիր Համադ բին Խալիֆա Ալ Թանիի հետ

Փոխվարչապետ Տիգրան Ավինյանը մասնակցել է Մրցակցության միջազգային օրվան նվիրված համաժողովին

Փոխվարչապետ Տիգրան Ավինյանն ընդունել է Համաշխարհային բանկի պատվիրակությանը

Սեմյոնովկա գյուղում անասնագոմ է այրվում. ԱԻՆ

Թուրքիան չպետք է վախեցնի Եվրամիությանը՝ օգտագործելով փախստականների խնդիրը. ԵԽ խոսնակ

Չգիտեմ՝ Վատիկանների որ պադվալներում են պախկված, վզներից բռնելու ենք հանենք, տանենք կանգնեցնենք դատարանները. Փաշինյան

Պրոֆեսոր Գրիգորի Կարագուլյանն ընտրվել է ՀՀ ԳԱԱ Մաթեմատիկայի ինստիտուտի տնօրեն

Թուրքիան «աշխարհի ռեկորդ է սահմանել» կալանավորված լրագրողների թվով

Լինելով ադրբեջանցի, մտել եք հայկական եկեղեցի, որտեղ հայեր են․միջադեպ եկեղեցում. Փաշինյանը պատասխանեց ադրբեջանցի բլոգերին

Հայկական գինիները ներկայացվում են Լեհաստանում՝ ENOEXPO 2019 գինու միջազգային 17-րդ ցուցահանդեսում

Խոշոր ավտովթար Լոռիում. կան վիրավորներ (լուսանկարներ)

Պաշտոնական այցով Հայաստան է ժամանել ՌԴ արտակարգ իրավիճակների նախարարի տեղակալ Նիկոլայ Գրեչուշկինը

Գանձաքար գյուղում բռնկված հրդեհը մարվել է. ԱԻՆ

ՀՀ-ից Իտալիայի քաղաքացիների որդեգրած ավելի քան 30 երեխաները ողջ-առողջ են. արդարադատության նախարարությունը վերահսկում է

Արայիկ Հարությունյանն ու աշակերտները հանդիպել են` Երեխաների համաշխարհային օրվա շրջանակում

Հանրային հատվածի մի խումբ ներքին աուդիտորներ բաց նամակով դիմում են վարչապետ Նիկոլ Փաշինյանին

Վարչապետը հանդիպում է Միլանի հայ համայնքի հետ. ուղիղ

Ռուս մեքենավարները ՀՀ-ում են փորձի փոխանակման նպատակով. ՀԿԵ