Ես ունեմ հիմք՝ մտածելու, որ ՀԱՊԿ-ի նախագահության ժամկետը կպահպանենք. Նիկոլ Փաշինյան

«Հանրապետական» խմբակցության պատգամավոր Միհրան Հակոբյանն այսօր Ազգային ժողովում կառավարության հետ հարցուպատասխանի ժամանակ մեջբերեց ԱԱԾ տնօրենի եւ ՀՔԾ պետի միջեւ հայտնի ձայնագրությունից հատված, որտեղ ԱԱԾ պետը նշում է. «Խաչատուրովի հետ գործ չունեք, ՀԱՊԿ-ի շեֆն է, խայտառակ կլինենք»:

Այնուհետ Միհրան Հակոբյանը նշեց, որ ԱԱԾ տնօրենը հստակ հասկանում է, որ միջազգային հարաբերությունների եւ կոնկրետ երկրի ստրատեգիական անվտանգության համար կարեւորագույն նշանակություն ունեցող ՀԱՊԿ-ի գործընկերների համար խնդիր է առաջանում, ինչը չի կարելի ասել ՀՔԾ պետի մասով: Պատգամավորը վարչապետից հարցրեց, թե արդյո՞ք այս ձայնագրությունը ՀԱՊԿ գործընկերների հետ նոր խնդիրներ չի առաջացնում՝ իրավական, քաղաքական տեսանկյունից:

Վարչապետը պատասխանեց. «ՀՀ ազգային անվտանգության ծառայությունը խառնվել է այս գործին, որովհետեւ տարբեր տեղերից ազդակներ են եղել, որ կա անհանգստություն: ԱԱԾ տնօրենը ՀՔԾ պետի հետ այդ թեման քննարկել է ոչ թե իր նախաձեռնությամբ եւ հաճույքով, այլ որովհետեւ դրսից, գործընկեր երկրներից նրան զանգել եւ անհանգստություն են փոխանցել, եւ քանի որ նա եղել է Շվեյցարիայում եւ տեղյակ չի եղել, թե ինչի մասին է խոսքը, զանգել է ՀՔԾ պետին` հասկանալու, թե ինչ է կատարվում: Դրանից հետո ես ԱԱԾ տնօրենից եմ իմացել, որ այդպիսի իրավիճակ է ծագել, եւ ես եղել եմ Սանկտ Պետերբուրգում, որից հետո ինքս էլ զանգել եմ ՀՔԾ պետին՝ հասկանալու, թե արդյոք նման բան կա, եւ հետաքրքրվել եմ՝ նախնական պայմանավորվածությունների շրջանակո՞ւմ է ամեն ինչ, այսինքն՝ գործը հիմնավո՞ր է, օրինակա՞ն է»,- ասաց վարչապետը:

Փաշինյանն ԱԺ-ում հայտարարեց, որ այս մասին տեղյակ է պահել ԵԱՏՄ երկրների վարչապետներին: «Այսօրվա դրությամբ ես կարող եմ ասել, որ այդպիսի խնդիրներ չեն առաջանում, որովհետեւ եթե այդ խնդիրները ծագել են, մենք ժամանակին նրանց տեղյակ ենք պահել, այսօր ես այդ խնդիրները համարում եմ հարթված»:

Միհրան Հակոբյանը նաեւ հետաքրքրվեց՝ արդյո՞ք հույս կա, որ այս իրադարձություններից հետո ՀԱՊԿ գլխավոր քարտուղարի պաշտոնը մնալու է ՀՀ-ին՝ մինչեւ վերջնաժամկետը: «Ձայնագրության մեջ ՀՔԾ պետը ոչ կոռեկտ խոսում է մի գեներալի մասին, որին ՀԱՊԿ գլխավոր քարտուղար են ընտրել ՀԱՊԿ անդամ երկրների ղեկավարները»,- ընդգծեց պատգամավորը:

Վարչապետը հակադարձեց՝ ինքը ոչ կոռեկտ բան չի տեսել: «Ես ձեզ հավաստիացնում եմ, որ եթե որեւէ մեկը գաղտնալսի ձեր ամենօրյա աշխատանքային խոսակցությունները, կարող են բազմաթիվ ոչ կոռեկտ բաներ լինել, այդ թվում՝ ձեր խմբակցության պատգամավորների մասին, բայց դա չի նշանակում, որ պետք է որպես քաղաքական իրողություն ընդունենք: Ոչ թե անձն է նշանակվել, այլ ներկայացուցիչն է նշանակվել ՀԱՊԿ քարտուղար, եւ ես ունեմ հիմք մտածելու, որ մենք այդ ժամկետը կպահպանենք»,-պատասխանեց վարչապետը:

Տպել
2782 դիտում

Գանձաքարի անտառում հրդեհաշիջման աշխատանքները մթության պատճառով դադարեցվել են. ԱԻՆ

Գիշերը հրավառություն իրականացնողը հայտնաբերվել է. ոստիկանություն

Ռեֆորմիստ Ռոհանին հեռանում է. Իրանի խորհրդարանական ընտրություններում հաղթում են «բազեները»

Հրդեհ է բռնկվել Երևանի Մանթաշյան 17 հասցեի բնակելի տանը. փրկարարները դեպքի վայրում են

ՀՀ հյուսիսային շրջաններում սպասվում է բուք. ավտոճանապարհները հիմնականում անցանելի են

Մեկնարկում է Ամերիաբանկի հաջողված ու սպասված ծրագրերից մեկը` «Ամերիա Սերունդ 12»-ը

Իմ աչքերը միշտ արցունքով են լցվում այդ դեպքը հիշելիս. Զոդի վթարի գործով ամբաստանյալը ցավակցեց տուժող կողմին

Դասադուլ եւ գործադուլ Գյումրու թիվ 19 դպրոցում. մանկավարժներն ու ծնողները պայքարում են նախկին տնօրենի վերադարձի դեմ

Քաղաքացու գիտակցությունից է սկսվում մաքուր քաղաքը. Երեւանի ավագանու անդամ Աշոտ Սարգսյան

Նիկոլ Փաշինյանն ընդունել է Սլովակիայի արտաքին եւ եվրոպական գործերի նախարարին

3-րդ հարկից ընկած 1,5 տարեկան աղջնակն այսօր լիովին առողջ դուրս է գրվել հիվանդանոցից

Ազդարարվել է ուսումնական տագնապ 1-ին եւ 2-րդ զորամիավորումներում. ՊՆ

ԱԻՆ ՓԾ ճգնաժամային կառավարման ազգային կենտրոնում փետրվարի 17-23-ը գրանցվել է 280 դեպք, որից 135-ը՝ արտակարգ

Լաբորատորիայի արդյունքները հավաստում են՝ քաղաքացու վրա հարձակված կենդանին հովազ չէր. նա պնդում է հակառակը

Շահնազար գյուղի մոտ ջրամբարի չորացման պատճառով ձկները սատկել են. «Կանաչ Հայաստան» ՀԿ (տեսանյութ)

Նախկին վարչապետներն անձնական երաշխավորություն կներկայացնեն Ռոբերտ Քոչարյանի համար

Հրայր Թովմասյանը դատի է տվել Նիկոլ Փաշինյանին

Տեսախցիկները նկարահանել են ստորգետնյա անցումներում լամպերի գողության դեպքեր (տեսանյութ)

Արա Բաբլոյանի եւ Արսեն Բաբայանի մեղադրանքները փոփոխվել են

Չեմ կարծում, թե Իրանի հետ ցամաքային հաղորդակցության երկշաբաթյա դադարեցումը որեւէ խնդիր կառաջացնի․ Գոռ Գեւորգյան