«Գալակտիկա տրանս սերվիս» ՍՊԸ-ի երթուղիները շահագործման խնդրի առաջ են կանգնած. ՍՊԸ-ի տնօրեն

««Գալակտիկա տրանս սերվիս» ՍՊԸ-ի երթուղիները շահագործման խնդրի առաջ են կանգնած»,- այս մասին երեկ տեղի ունեցած մամուլի ասուլիսի ժամանակ ասաց «Գալակտիկա տրանս սերվիս» ՍՊԸ-ի հիմնադիր-տնօրեն Շուշանիկ Խաչատրյանը:

Նշենք, որ «Գալակտիկա տրանս սերվիս»-ն իրականացրել է կանոնավոր ուղեւորափոխադրումներ Երեւան քաղաքից Արմավիրի, Արարատի եւ Արագածոտնի մարզեր:

Շուշանիկ Խաչատրյանը նույնիսկ բաց նամակով դիմել է ՀՀ վարչապետ Նիկոլ Փաշինյանին՝ իրազեկելով, որ Երեւան-Արմավիր երթուղու ուղղությամբ ապօրինի բացվել են մի քանի երթուղիներ, որոնք փաստացի իրականացնում են Երեւան-Արմավիր երթուղով ուղեւորափոխադրումներ: «Նշված երթուղիները սպասարկող ընկերությունները, փաստացի իրականացնելով Երեւան-Արմավիր երթուղով ուղեւորափոխադրումներ, մեր ընկերությանը վնասներ են հասցնում»,- իր նամակում նշել է Խաչատրյանը:

Խաչատրյանը նշում է, որ վարչապետին ուղղված նամակը մնացել է անպատասխան: «Ես այնտեղ նշել եմ, որ անօրինական եղանակով նրանց թույլ է տրվել սպասարկել Երեւան-Մյասնիկյան, Երեւան-Մեծամոր, Երեւան-Ջանֆիդա եւ Երեւան-Նալբանդյան երթուղիները, սակայն այդ ուղղություններով ուղեւորափոխադրումներ չեն իրականացվում»:

Փաստաբան Գուրգեն Գրիգորյանը խնդրի մասին խոսելով ասաց՝ ահազանգել են անմիջապես, անգամ ներկայացվել են այն համարները, որոնք առանց գրանցման են աշխատում եւ հարկեր չեն վճարում:

«Երբ մենք այդ դիմումները գրեցինք, 8 ամիս մեզ պտտեցրեցին բոլոր պետական շենքերով՝ այդ դիմումի պատասխանի հետեւից, եւ հետաքրքիրն այն է, որ մինչ օրս մենք չունենք պատասխան: Մեկ տարի է՝ գործը քննվում է, մենք հայտնում ենք, որ կատարվածը պետության եւ բյուջեի դեմ է, սակայն նախարարությունը ոչ մի քայլ չի ձեռնարկում»,- ասաց փաստաբանը:

Գուրգեն Գրիգորյանը նկատեց՝ նախարարություն գնալուց հետո ավելի վատ իրավիճակ է ստեղծվում. «Ամեն անգամ մեր՝ նախարարություն այցից հետո մի քանի մեքենա օրինականացրել են: Հետաքրքիր է, որ վերջին անգամ, երբ հուսահատ վարորդները դիմեցին ակցիայի, դրա մասին տեղյակ էին միայն նախարարությունում»:

Գրիգորյանը նշեց, որ տրանսպորտի նախարարությունը ոչինչ չի անում, որպեսզի անօրինական ուղեւորափոխադրում կատարողները պատժվեն: ՀԺ-ի դիտարկմանը, թե տրանսպորտի նախարարությունը չունի լծակներ, քանի որ դեռ չի ձեւավորվել տրանսպորտային տեսչությունը, Գրիգորյանը արձագանքեց. «Եթե ՀԿ-ները կարողանում են խնդիրները վեր բարձրացնել, երբ որ ասում ենք՝ կոռուպցիա է, պետական լիազորը մարմինը չունի՞ լիազորություն պաշտոնական գրություն ուղարկել այն կառույցներին, որոնք պետք է զբաղվեն այդ հարցերով»:

Շուշանիկ Խաչատրյանը նշեց, որ ընկերությանը խանգարում է Ռուբեն Կոստանյանը (Բոգո): Հարցին, թե ինչո՞վ է խանգարում, Խաչատրյանը նշեց, որ Կիլիկիա ավտոկայանում իր համար ապօրինի ավտոկայան է ստեղծել եւ մոտ 40 ավտոմեքենա է աշխատեցնում: Խաչատրյանը ասաց, որ իր վարորդներին Կոստանյանը ահաբեկում է:

Մեր հարցին, թե որքա՞ն աշխատող ունի «Գալակտիկա տրանս-սերվիս» ընկերությունը եւ տարեկան որքա՞ն հարկ է վճարում պետբյուջե, Խաչատրյանը պատասխանեց. «Աշխատողները մոտ 70 են: Պետբյուջե բավականին շատ ենք վճարում»:

Նշենք, որ «Գալակտիկա տրանս-սերվիս» ՍՊԸ-ն 2001 թվականի սպասարկում է երթուղին, ունի 22 միկրոավտոբուս եւ 4 ավտոբուս: Վերջերս էլ ընկերությունը համալրվել է 20 նոր «Մերսեդես սպրինտեր» միկրոավտոբուսներով:

Տպել
1214 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ