ԱՊՀ եւ Բալթյան երկրների «Կինոշոկ» փառատոնում լավագույն դերասանուհի է ճանաչվել Նարինե Գրիգորյանը

ԱՊՀ եւ Բալթյան երկրների «Կինոշոկ» 27-րդ կինոփառատոնի «Լավագույն դերասանուհի» անվանակարգում հաղթեց Նարինե Գրիգորյանը՝ Անահիտ Աբադի «Եվա» ֆիլմում մարմնավորած դերի համար:

«Կինոշոկ» 27-րդ կինոփառատոնն անցկացվեց սեպտեմբերի 2-ից 9-ը Ռուսաստանի Անապա քաղաքում: Փառատոնի ծրագրերում ներկայացված է եղել 67 ֆիլմ, այդ թվում՝ դեբյուտներ, գեղարվեստական եւ վավերագրական համաշխարհային պրեմիերաներ։ Դերասանուհի Նարինե Գրիգորյանը «Հայկական ժամանակ»-ի հետ զրույցում ասաց, որ մրցանակաբաշխությանը ներկա չի գտնվել, սակայն մրցանակն արդեն իր ձեռքում է:

«Ներկա են եղել Վահագն Տեր-Գրիգորյանն ու Շանթ Հովհաննիսյանը: Շանթ Հովհաննիսյանը ինձ զանգահարեց եւ ասաց, որ մրցանակի եմ արժանացել: Շանթն ինքն էլ «Եվա» ֆիլմում կա, մարմնավորում է Ռուբեն անունով մի տղամարդու, որի տանն էլ՝ Արցախում, ես գնում եմ թաքնվելու: Ի դեպ, «Ոսկե ծիրան»-ի շրջանակներում Շանթը ստացել էր լավագույն դերակատար մրցանակը հենց «Եվա» ֆիլմում խաղացած դերի համար»-ասաց դերասանուհին:

Նարինե Գրիգորյանը նշեց, որ առաջին անգամն է, որ «Կինոշոկ»-ի շրջանակներում հայ դերասանուհի է լավագույն մրցանակին արժանանում, ինչն էլ կրկնակի ուրախանալու առիթ է:

Փառատոնն ունի հինգ մրցութային ծրագիր՝ լիամետրաժ ֆիլմերի մրցույթ, կարճամետրաժ ֆիլմերի մրցույթ, վավերագրական ֆիլմերի մրցույթ, «ՏՎ-շոկ» (խաղարկային հեռուստաֆիլմեր), մանկական ֆիլմերի մրցույթ («Киномалышок»)։

Մրցույթում հաղթած «Եվա» ֆիլմը Հայաստանի եւ Իրանի համատեղ արտադրությունն է: Կինոնկարը նկարահանվել է «Հայաստանի ազգային կինոկենտրոնի» եւ «Ֆարաբի կինոյի հիմնադրամի» ֆինանսական աջակցությամբ: Կինոնկարը դրամատիկ պատմություն է մի կնոջ մասին, որն ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եվան դստեր հետ հեռանում է Երևանից, հաստատվում է Արցախում՝ ծանոթների մոտ։ Սակայն անցյալն ամենուր հետապնդում է նրան:

Կինոնկարում նկարահանվել են Նարինե Գրիգորյանը, Շանթ Հարությունյանը, Մարջան Ավետիսյանը, Ռոզի Ավետիսյանը, Սերգեյ Թովմասյանը, Վրեժ Քասունին, Տիգրան Դավթյանը, Նանոր Պետրոսյանը, Էլենա Ադամյանը, Մարատ Դավթյանը եւ ուրիշներ։

Տպել
1471 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան