Արեւելյան գործընկերությունը ուղղված չէ որեւէ մեկի դեմ. Դիրք Վիզե

Սեպտեմբերի 5-ին Գերմանիայի կառավարության՝ Ռուսաստանի, Արեւելյան գործընկերության երկրների եւ Կենտրոնական Ասիայի միջհասարակական համագործակցության հարցերով հանձնակատար Դիրք Վիզեն հարցազրույց է տվել Caucasuswatch.de կայքին: Զրույցի ընթացքում Վիզեն անդրադարձել է Հարավային Կովկասի երկրներին:

Խոսելով Վրաստանի՝ ՆԱՏՕ-ին անդամակցելու մասին, Վիզեն նշել է, որ թե՛ ՆԱՏՕ-ն, թե՛ Գերմանիան կարեւորում են Վրաստանի հետ գործընկերության խորացումը: Նրա խոսքով՝ ներկայումս, ուշադրության կենտրոնում է մնում ՆԱՏՕ-Վրաստան համագործակցության փաթեթի իրականացումը, որը թույլ է տալիս Վրաստանին մոտենալ ՆԱՏՕ-ի չափանիշներին եւ կառույցներին՝ ՆԱՏՕ-ին Վրաստանի անդամակցության օրակարգից անկախ: Անդրադառնալով ԵՄ-ին Վրաստանի անդամակցության հարցին՝ Վիզեն նշել է, որ ՆԱՏՕ-ի եւ ԵՄ-ի հետ Վրաստանի համագործակցությունը առանձին գործընթացներ են:

Անդրադառնալով Հայաստան-ԵՄ հարաբերություններին Վիզեն նշել է, որ 2017 թ. կնքված համապարփակ եւ ընդլայնված գործընկերության համաձայնագիրը կխորացնի Հայաստան-ԵՄ միջեւ համագործակցությունը «օրենքի գերակայության եւ կոռուպցիայի դեմ պայքարի ոլորտներում, որոնք նոր կառավարության կողմից իրականացվող բարեփոխումների առաջնահերթություններ են»: Պատասխանելով ԵԱՏՄ-ին Հայաստանի անդամակցության՝ որպես Հայաստան-ԵՄ տնտեսական կապերի խոչընդոտ հանդիսանալու վերաբերյալ հարցին, Վիզեն ասել է, որ թեեւ այս պահին Հայաստանի հետ ԵՄ ասոցիացիան եւ ազատ առեւտրի համաձայնագրերը օրակարգում չեն նաեւ Հայաստանի կողմից Եվրասիական տնտեսական միության անդամակցության պատճառով, այնուամենայնիվ, դա չի խանգարում Հայաստան-ԵՄ միջեւ սերտ տնտեսական հարաբերություններին: Նա նաեւ նշել է, որ վերջին տարիներին Հայաստանի եւ ԵՄ-ի միջեւ ապրանքաշրջանառությունը դինամիկ աճ է գրանցել:

Դիրք Վիզեն խոսել է նաեւ Ադրբեջանի մասին: Հարցազրուցավարին, մասնավորապես, հետաքրքրում էր, թե ինչ հետեւանքներ կարող է ունենալ Ադրբեջան-ԵՄ հարաբերությունների վրա Բաքվի ձգտումը դեպի ՀԱՊԿ՝ հաշվի առնելով վերջին շրջանում ակտիվացած խոսակցությունները դրա վերաբերյալ: Վիզեն նախ նշել է, որ իր կարծիքով Ադրբեջանն իրականում չի ձգտում միանալ ռազմական դաշինքների: Այդուհանդերձ, նա բերել է Հայաստանի օրինակը, որին՝ որպես ԵԱՏՄ եւ ՀԱՊԿ անդամ երկիր, ԵՄ-ն առաջարկել է անհատական պայմաններ:

Գերմանիայի կանցլեր Անգելա Մերկելի այցին անդրադառնալով՝ Վիզեն նշել է, որ դրանով Գերմանիան ցույց տվեց իր հետաքրքրվածությունը տարածաշրջանով: Նրա խոսքով՝ Գերմանիան եւ Եվրոպան հետաքրքրված են ոչ միայն իրենց հարաբերություններով Վրաստանի, Հայաստանի եւ Ադրբեջանի հետ, այլեւ տարածաշրջանի երկրների երկկողմ հարաբերությունների զարգացմամբ եւ Հարավային Կովկասի քաղաքական ու տնտեսական կայունությամբ:

Խոսելով Ռուսաստանի մտավախությունից առ այն, որ ԵՄ-ի մերձեցումը Հարավային Կովկասի երկրների հետ կարող է տեղի ունենալ իր՝ տարածաշրջանում ունեցած ազդեցության հաշվին, Վիզեն նշել է, որ Արեւելյան գործընկերությունը ուղղված չէ որեւէ երկրի դեմ:

«Հարկ եմ համարում ընդգծել, որ Եվրոպական հարեւանության քաղաքականությունը, ինչպես նաեւ Արեւելյան գործընկերությունը, ուղղված չեն որեւէ մեկի դեմ: Արեւելյան գործընկերությունը կոչված է նպաստել համապատասխան երկրներում կայունացման եւ տնտեսական զարգացման գործընթացին: Ռուսաստանը եւս պետք է շահագրգռված լինի դրանում»,- ասել է Վիզեն:

Տպել
1260 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել