Արդեն երկու օր է՝ Արմավիրի մարզի խաղողագործները բողոքի ալիք են բարձրացրել: Երեկ նրանք փակել էին Երեւան-Արմավիր մայրուղին, իսկ այսօր արդեն հանդիպում ունեցան Արմավիրի մարզպետ Գագիկ Միրիջանյանի եւ գյուղատնտեսության նախարար Արթուր Խաչատրյանի հետ՝ հարցի շուրջ հանգամանորեն խոսելու համար: Խաղողագործները դժգոհում են, որ խաղողի մթերման գները 160 դրամից նվազել եւ դարձել է 140 դրամ:

Խաղողագործների հետ զրույցից հետո գյուղատնտեսության նախարար Արթուր Խաչատրյանը լրագրողներին ասաց, որ այսօր կհանդիպեն խաղող մթերող ընկերությունների հետ եւ կքննարկեն մթերման գինը վերանայելու հարցը: Խաչատրյանը նշեց, որ նախօրեին տեղի է ունեցել քննարկում բոլոր մթերողների հետ, որից հետո փոխվարչապետ Տիգրան Ավինյանի մասնակցությամբ առանձին խոսել են Երեւանի կոնյակի գործարանի ղեկավարության հետ:

«Փորձել ենք հասկանալ առաջարկած գնի պահանջարկը: Նրանք ասում են, որ իրենք ավելի շատ են մթերում, ավելի թանկ են մթերում, քան եղել է անցյալ տարի: Հիմա նրանց առաջարկած գինը որոշակի մտահոգություններ է առաջացրել գյուղացիների մոտ: Ցավոք, դա կարող է բերել նաեւ շղթայական ռեակցիայի, որ մյուս ընկերությունները նույնպես նվազեցնեն գինը, անգամ ավելի շատ, քան Կոնյակի գործարանի սահմանած գինն է», - ասաց Խաչատրյանը:

Նախարարը այսօր հանդիպել է վարչապետ Նիկոլ Փաշինյանի հետ, որից հետո եկել է Արմավիրի մարզ՝ լսելու խաղողագործների մտահոգությունները: «Կհանդիպենք կոնյակ արտադրողներից գոնե համակարգաստեղծ գործարանների հետ եւ նաեւ դրա վերաբերյալ խոսակցություն կունենանք կառավարության ներսում` գնի մասին»,- ասաց նախարարը:

Խաչատրյանի խոսքով՝ իրենք չեն կարող մթերող ընկերությանն ասել՝ այս գնով մթերեք, մթերողներն են գինը որոշում: Այս դեպքում իրենք ուղղակի կփորձեն օգտագործել իրենց ազդեցիկ խոսքը:

«Մենք լիահույս ենք, որ խաղողի մթերման գները վերանայելու հնարավորությունը կա: Մեր հաշվարկները ցույց են տալիս, որ ինքնարժեքը 110-120 դրամի սահմաններում է»,- ընդգծեց նախարարը:

Խաչատրյանը ռիսկային է համարում մթերման գնի սուբսիդավորումը նա կարծում է, որ դա պետք է թիրախային լինի. «Դրանից առաջ պետք է խաղողի կադաստր ստեղծել, իմանալ ինչ ունես, ինչ տեսակի ունես: Սուբսիդավորման դեպքում՝ մթերող ընկերությունը կարող է անընդհատ գինը գցի, գյուղացին ստանա նույն գումարը, իսկ մեր բոլորի հարկերը գնան ոչ արդյունավետ ծախսերի»,- ասաց Խաչատրյանը:

Տպել
6630 դիտում

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասի

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)

Կայացել է ՀՀ նախագահի եւ ՀՀ վարչապետի հերթական աշխատանքային հանդիպումը (տեսանյութ)

Մանվել Գրիգորյանի դատավոր դուստրը, որին մակագրել էին Էջմիածնի քաղաքապետի դեմ հայցը, ինքնաբացարկ է հայտնել

ՀՀ-ի կողմից Հալեպի Հայ ծերանոցին և զինհոսպիտալին բժշկական պարագաներ են անհատույց տրամադրվել

ԵՊԲՀ պրոֆեսորադասախոսական կազմն արժանացել է ՀՀ ՊՆ պարգևների

Յուրի Խաչատուրովի որդին նորից հայց է ներկայացրել Սուրիկ Խաչատրյանի եւ Լորետա Բարսեղյանի դեմ. պահանջը նույնն է

Արդարադատության նախարարն այսօր երդվել է բարեխղճորեն կատարել իր պարտավորությունները

ՄԹ կառավարության փորձագետներն իրենց փորձն են ներկայացրել ՀՀ գերատեսչությունների մամուլի պատասխանատուներին

Աշխատանքից ազատվել է Անշարժ գույքի կադաստրի վարչության պետ Հմայակ Հակոբյանը. տեսաներածող նոր սարքերը՝ սեպտեմբերին