Թբիլիսիում իր դռներն է բացում Արեւելյան գործընկերության եվրոպական առաջին դպրոցը

Վրաստանի մայրաքաղաք Թբիլիսիում այսօր բացվեց Արեւելյան գործընկերության եվրոպական դպրոցը, որն առաջինն է իր տեսակի մեջ: Լինելով Արեւելյան գործընկերության «2020 թվականի համար 20 թիրախային արդյունքներ»-ից մեկը, այն ԵՄ Արեւելյան գործընկեր վեց երկրներից ուսանողներին կապահովի նորարարական ուսումնական ծրագրով՝ միաժամանակ խթանելով բազմամշակութային փոխանակումներին եւ համագործակցությանը:

Ինչպես հայտնում են Երեւանում Եվրամիության պատվիրակության մամուլի ծառայությունից, այսօր Արեւելյան գործընկերության եվրոպական առաջին դպրոցն իր դռները բացեց Հայաստանը, Ադրբեջանը, Բելառուսը, Վրաստանը, Մոլդովայի Հանրապետությունը եւ Ուկրաինան ներկայացնող 30 աշակերտի առջեւ: Ուսումնական տարվա մեկնարկը նշանավորվեց ԵՄ հանձնակատար Յոհանես Հանի եւ Վրաստանի վարչապետ Մամուկա Բախտաձեի կողմից Եվրոպական դպրոցի պաշտոնական բացմամբ: 

Եվրոպական հարեւանության քաղաքականության եւ ընդլայնման բանակցությունների հարցերով ԵՄ հանձնակատար Յոհանես Հանն ասաց. «Ես անչափ հպարտ եմ Արեւելյան գործընկերության եվրոպական դպրոցի բացման նպատակով Թբիլիսիում գտնվելուս առթիվ: Այս նախագիծն իմ սրտին անչափ մոտ է: Այն նշանավորում է ԵՄ-ի եւ նրա Արեւելյան գործընկերների միջեւ համագործակցության նոր հանգրվանը: Երիտասարդներին որակյալ կրթություն առաջարկելը ներդրում է ուսանողների, նրանց երկրների ու մեր ամուր եւ կայուն գործընկերության ապագայի ուղղությամբ: Դպրոցի բացումը նաեւ վերահաստատում է մեր վճռականությունը՝ հասնելու «2020 թվականի համար 20 թիրախային արդյունքներ»-ին, որոնք Արեւելյան գործընկերության առանցքում են եւ շոշափելի օգուտներ կբերեն քաղաքացիներին»: 

2017թ. նոյեմբերին կայացած Արեւելյան գործընկերության գագաթաժողովին Եվրոպական Միության բոլոր անդամ պետությունները եւ Արեւելյան գործընկերության վեց երկրները Արեւելյան գործընկերության եվրոպական դպրոցը հռչակեցին որպես կարեւոր առաջնահերթություն եւ տարածաշրջանում երիտասարդության ու կրթության աջակցության ամրապնդման հանձնառության մաս: Դպրոցը մեկն է «2020 թվականի համար 20 թիրախային արդյունքներ»-ից, որոնք հաստատվել են վերջին գագաթաժողովում՝ ղեկավարների կողմից, ինչպես նաեւ կազմում է երիտասարդներին ուղղված առավել ծավալուն՝ շուրջ 340 միլիոն եվրոյի չափով աջակցության մասը: 

Արեւելյան գործընկերության եվրոպական դպրոցի կողմից առաջարկվող յուրահատուկ դիպլոմային ծրագիրն ակադեմիական գերազանցությունը համատեղում է եվրոպական դպրոցական համակարգից ոգեշնչված մասնագիտական ուսուցման հետ: 16-ից 17 տարեկան ուսանողները կմասնակցեն դասերի՝ բազմալեզու եւ բազմամշակութային միջավայրում, եւ կխորացնեն իրենց գիտելիքները Եվրոպայի ու Եվրոպական Միության մասին: Բացի այդ, նրանք հասանելիություն կստանան հարուստ արտաուսումնական ծրագրի նկատմամբ եւ հնարավորություն կունենան մասնակցելու ԵՄ-ին առնչվող բարձր մակարդակի գիտաժողովներին: Ուսանողները կստանան Եվրոպական ուսումնասիրությունների միջազգային բակալավրի դիպլոմներ: 

Նախապատմություն

Արեւելյան գործընկերությունը (ԱլԳ) համատեղ քաղաքական նախաձեռնություն է, որը նպատակ ունի խորացնել եւ ամրապնդել Եվրոպական Միության (ԵՄ) անդամ պետությունների եւ նրա վեց արեւելյան հարեւանների` Հայաստանի, Ադրբեջանի, Բելառուսի, Վրաստանի, Մոլդովայի Հանրապետության ու Ուկրաինայի միջեւ հարաբերությունները: Այն Եվրոպական հարեւանության քաղաքականության հատուկ հարթություն է: Արեւելյան գործընկերությունը նպատակ ունի համընդհանուր ժողովրդավարության, բարեկեցության, կայունության եւ խորացված համագործակցության միասնական տարածք ձեւավորել:

Տպել
1168 դիտում

ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել. (տեսանյութ)

Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

Սահմանամերձ Բերդավան գյուղի դպրոցը, մանկապարտեզը եւ բուժկետը պաշտպանական նոր պատեր ունեն. գյուղն ավելի ապահով կլինի

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել