Լոռու մարզի Ձորագետի դպրոցը ուսումնական տարին կսկսի սեպտեմբերի 15-ից հետո

Լոռու մարզային ենթակայության տակ գտնվող հանրակրթական դպրոցներ այս տարի հաճախել է 28013 աշակերտ, նախորդ տարվա համեմատ նրանց թիվն ավելացել է 1262-ով: Մարզն այս տարի ընդունել է 3168 առաջին դասարանցի:

Մարզի հանրակրթական դպրոցներից առաջին դասարան չունի Ձորագետի հիմնական դպրոցը, Արդվու հիմնական դպրոցում էլ 1 առաջին դասարանցի է ընդունվել: Այս մասին «Հայկական ժամանակի» հետ զրույցում հայտնեց Լոռու մարզպետարանի աշխատակազմի կրթության, մշակույթի եւ սպորտի վարչության պետի ժամանակավոր պաշտոնակատար Արփինե Մատինյանը:

Ձորագետի հիմնական դպրոցի տնօրեն Էլմիրա Եգանյանը «Հայկական Ժամանակ»-ի հետ զրույցում հայտնեց, որ իրենց դպրոցն ունի 19 աշակերտ, առաջին դասարան հաճախող այս տարի չունեն, նախորդ տարի դպրոց հաճախել է 3 առաջին դասարանցի:

Արդվու հիմնական դպրոցում էլ 17 աշակերտ է սովորում: Տնօրենի փոխանցմամբ՝ աշակերտների թիվը 2-ով ավելանալու է, խոստացել են վերադառնալ գյուղ:  

Լոռու մարզը, չնայած ամբողջությամբ պատրաստ է ուսումնական տարվան, բայց որոշ խնդիրներ ծագել են, որոնցից ամենամեծը Ձորագետի հիմնական դպրոցի հետ է կապված: Դասապրոցեսն այստեղ կսկսվի սեպտեմբերի 15-ից հետո: Պատճառը՝ Վանաձոր-Բագրատաշեն Մ-6 միջպետական ճանապարհին ընթացող շինարարական աշխատանքներն են, ինչի հետեւանքով տվյալ ճանապարհահատվածը փակ է:

Ձորագետի 6 ուսուցիչից 5-ը երթեւեկող ուսուցիչ է: Վերջիններս Վանաձորից են ու դպրոց չեն կարող հասնել փակ ճանապարհների պատճառով. «Սեպտեմբերի 13-15-ը ուսուցիչները հնարավորություն չեն ունենա այցելել դպրոց ու դասապրոցես կազմակերպել, համայնքն էլ հնարավորություն չուներ կեցության խնդիրը լուծելու, համապատասխան գրություն է ուղարկվել տարածքային կառավարման նախարարություն, որպեսզի դիտարկվի ֆորս-մաժորային իրավիճակը՝ արձակուրդը երկարաձգելու համար»,- ասաց վարչության պետի ժամանակավոր պաշտոնակատար Արփինե Մատինյանը՝ նշելով, որ դասաժամերը կլրացվեն շաբաթ օրերին կամ էլ աշնանային արձակուրդների հաշվին: Վստահեցնում են՝ աշակերտները դասապրոցեսից հետ չեն մնա:

Նոր ուսումնական տարում չլուծված է մնում նաեւ որոշ դպրոցներում ուսուցիչների բացը, ինչի պատճառն, ըստ Արփինե Մատինյանի, քիչ դասաժամերն են: Հեռավոր համայնքներում կան առարկաներ, որոնց ուսուցիչներին աշակերտները չեն հանդիպում: Համայնքներում չկան գերմաներենի, ֆիզկուլտուրայի, տեխնոլոգիայի մասնագետներ: Խնդիրներ կան նաեւ բնագիտական հոսքի առարկաների հետ կապված:

Մատինյանի խոսքով՝ խնդիր է նաեւ երթեւեկող աշակերտների եւ ուսուցիչների հարցը, որը լուծելու համար ներկայումս ԿԳ նախարարության հետ եռակողմ պայմանագիր է կնքվում՝ ուսուցչուհու ծախսերը փոխհատուցելու համար: Մատինյանի փոխանցմամբ՝ նախնական հաշվարկներով անհրաժեշտ է շուրջ 44 մլն դրամ՝ երթեւեկող աշակերտների եւ ուսուցիչների ճանապարհածախսը փոխհատուցելու համար:

Տպել
943 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան