Իսրայելում մտադիր են պատժել Ադրբեջանին հարվածային ԱԹՍ վաճառած ընկերությանը

Լուսանկարում՝ «Aeronautics Defense Systems» ընկերության գլխավոր տնօրեն Ամոս Մաթանը

Օգոստոսի 29-ին Իսրայելի արդարադատության նախարարությունը հայտարարել է, որ մտադիր է մեղադրանք առաջադրել «Aeronautics Defense Systems» (ADS)  ընկերության աշխատակիցներին՝ ռազմական նշանակության արտադրանքի արտահանման վերահսկողության մասին օրենքը շրջանցելու եւ կոռուպցիայի համար: Այդ գործի շրջանակներում ADS ընկերության տասը աշխատակիցներ մինչդատական լսումներին ներկայանալու ծանուցում են ստացել: Իսրայելական մամուլում տարածված լուրերի համաձայն՝ ծանուցում ստացած անձինք նախկինում հարցաքննվել են այս գործի շրջանակներում:

Ուշագրավ է, որ չնայած գործի մանրամասների հանրայնացման դատական արգելքին՝ իսրայելական մամուլում որոշակի մանրամասներ, այդուհանդերձ, հայտնվել են: Այդպես, ըստ իսրայելական մամուլի՝ գործը կապված է 2017 թ. հուլիսին արցախյան դիրքերի ուղղությամբ՝ «Aeronautics Defense Systems» ընկերության արտադրած Orbiter 1K «կամիկաձե» ԱԹՍ-ների կատարած հարվածի հետ: The Times of Israel լրատվական կայքը դեռեւս 2017 թ. գրել էր, որ նույն ամռանը, երբ ADS-ի պատվիրակությունը բանակցում էր Բաքվի հետ ԱԹՍ-ների մատակարարման հարցի շուրջ, ադրբեջանական կողմը զինվորականներին խնդրել է ցուցադրել դրա հնարավորություններն իրական մարտական պայմաններում` հայկական դիրքերի վրա: ADS-ի պատվիրակության ղեկավարությունը համաձայնվել էր եւ պահանջել նույնը ԱԹՍ-ների օպերատորներից: Վերջիններս, սակայն, հրաժարվել էին կատարել պահանջը: Այդ ժամանակ ընկերության ղեկավարությունն էր լիցքավորել ԱԹՍ-ները եւ հարվածել առաջարկված դիրքերի ուղղությամբ: Դիրքերը խոցել նրանց չի հաջողվել, սակայն անօդաչուներից մեկի պայթյունից թեթեւ վնասվածքներ էին ստացել երկու հայ զինծառայող:

ADS-ի փաստաբաններ Նաթի Սիմխոնին եւ Ասաֆ Կլյայնը վստահ են, որ մինչդատական լսումներից հետո, երբ «ընկերության ներկայացուցիչները հնարավորություն կունենան ներկայացնելու իրենց փաստարկները՝ դատախազությունը կուսումնասիրի դրանք եւ չի փոխանցի գործը դատարան»:

Գործի քննությունն ընթանում է շուրջ մեկ տարի: Այն իրականացնում են Իսրայելի ոստիկանության միջազգային հանցագործությունների բաժինը, ՊՆ քննչական բաժինը եւ Գլխավոր դատախազությունը համատեղ: Մինչդատական լսումներին ներկայանալու ծանուցում ստացած աշխատակիցների թվում են ընկերության գլխավոր տնօրեն Ամոս Մաթանը, նրա տեղակալ Մեիր Ռիզմովիչը, ինչպես նաեւ այլ առանցքային պաշտոններ զբաղեցրած եւ զբաղեցնող անձինք: Նրանք կասկածվում են «ծանրացուցիչ հանգամանքներում խարդախ գործարք կնքելու եւ ռազմական նշանակության արտադրանքի արտահանման վերահսկողության մասին օրենքը խախտելու» համար:

Ռազմական նշանակության արտադրանքի արտահանման վերահսկողության մասին օրենքն ընդունվել է 2007 թ. դեկտեմբերին: Դրա նպատակն է կանխել իսրայելական զենքի եւ ռազմական տեխնոլոգիաների ձեռքբերումը անցանկալի պետությունների կողմից: Օրենքի պատշաճ կատարմանը հետեւում է Իսրայելի պաշտպանության նախարարությանը կից ստեղծված՝ սպառազինությունների արտահանման վերահսկողության գործակալությունը:

«Aeronautics Defense Systems»-ը մեկ անգամ արդեն առնչվել է այդ գործակալության հետ: 2017 թ. օգոստոսին՝ վերոնշյալ միջադեպից հետո, Իսրայելի պաշտպանության նախարարությունն արգելել էր ADS-ին 20 միլիոն դոլարի անօդաչու թռչող սարքեր մատակարարել «իր գնորդներից մեկին»: Թեեւ Իսրայելի ՊՆ հաղորդագրության մեջ կոնկրետ չէր ասվում, թե ով է գնորդը, սակայն նշված էր, որ այդ երկիրը Moody`s վարկային ռեյտինգային գործակալության ցուցակում ունի «Ba» վարկանիշը եւ նրա տարածքում գտնվում է ADS-ի՝ պահեստամասեր արտադրող գործարան: ADS-ի հաճախորդներից «Ba» վարկանիշ այդ պահին ունեին Սերբիան եւ Ադրբեջանը, իսկ պահեստամասեր արտադրող գործարան կար միայն Ադրբեջանում:

Հատկանշական է, որ այն ժամանակ Aeronautics-ը եւս վստահ էր, որ այս ամենը ժամանակավոր բնույթ է կրում: 2017 թ. սեպտեմբերին ADS-ի ներկայացուցիչներից մեկը Լեհաստանի Կելցե քաղաքում MSPO 2017 ռազմարդյունաբերական արտադրանքի ցուցահանդեսի ընթացքում հայտարարել էր, որ «արտահանման ժամանակավոր կասեցումը բացառապես տեխնիկական հարց է»:

Սակայն, չնայած ADS-ի ներկայացուցիչների վստահությանը, իրավիճակը հուշում է, որ ընկերության ներկայացուցիչները, ամենայն հավանականությամբ, կանչվելու են պատասխանատվության: Բանն այն է, որ Իսրայելը շատ զգայուն է օտար հակամարտություններին չմիջամտելու սկզբունքի նկատմամբ: Այստեղ, թերեւս, հարկ է նշել, որ հարեւան երկրների հակամարտությունները Իսրայելը չի համարում օտար:

Արտահանման վերահսկողության մասին օրենքը շրջանցելու մեխանիզմները հասկանալու, իսկ խախտողներին պատժելու խնդիրը Իսրայել պետության համար կենսական նշանակություն ունի: Այս անգամ, իհարկե, օրենքի խախտումից տուժել են հայերը, որոնք ուղղակի կապ չունեն Իսրայելի անվտանգության հետ, սակայն ոչ մի երաշխիք չկա, որ հաջորդ անգամ իսրայելական զենքը եւ տեխնոլոգիաները միջնորդավորված կհայտնվեն, օրինակ, «Հեզբոլլահի» ձեռքում:

Բացի այդ, առկա է Իսրայելի հասարակության եւ երկրի հայ համայնքի բացասական վերաբերմունքը Ադրբեջանի հետ ռազմական համագործակցությանը: Ընդ որում, եթե հայ համայնքի դրդապատճառներն ուղղակիորեն կապված են արցախյան հակամարտության հետ, ապա իսրայելցիները դժգոհում են գերակշռող մահմեդական բնակչությամբ, ռազմականացված բռնապետության հետ համագործակցության դեմ: Իսրայել պետության պատմությունը ստիպում է բնազդաբար զգուշանալ նման երկրներից:

Տպել
3074 դիտում

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ