Դասվարները կընտրվեն վիճակահանությամբ, շտեմարաններից կհրաժարվենք. Արայիկ Հարությունյան

Հայաստանում կրթության ոլորտի պատասխանատուներն այսօր հանդիպեցին դպրոցների տնօրենների հետ եւ, այդպիսով, եզրափակվեցին ավանդական օգոստոսյան խորհրդակցությունները:

Կրթության եւ գիտության նախարար Արայիկ Հարությունյանի խոսքի թե՛ սկզբում եւ թե՛ վերջում շեշտադրումները քաղաքական էին: Նա ընդգծեց, որ հանրակրթության որակի նահանջը հիմնականում դպրոցների քաղաքականացվածության պատճառով է: «Այն դպրոցներում, որտեղ տեղի իշխանությունները, նախկին եւ ներկա իրենց դիրքերը պահպանող օլիգարխները կփորձեն որեւէ կերպ միջամտել դպրոցի գործերին, կրթության եւ գիտության նախարարությունը (կարծում եմ՝ նաեւ Երեւանի քաղաքապետարանը) կմիջամտի ու այդ ազդեցությունը նորից կիջեցնի մինչեւ զրո»,- հայտարարեց Արայիկ Հարությունյանը:

Հիշեցրեց, որ սեպտեմբերին սպասվում են Երեւանի ավագանու ընտրություններ ու պահանջեց, որ դպրոցները դրանում որեւէ կերպ չներգրավվեն: «Դպրոցը զրո մասնակցություն պետք է ունենա այս ընտրություններին»,- ասաց կրթության եւ գիտության նախարարը՝ ավելացնելով, որ որեւէ թեկնածուի կամ քաղաքական ուժի օգտին այդ հաստատություններում քարոզչություն չպետք է իրականացվի ու որ դա առաջին հերթին վերաբերում է այն կուսակցությանը, որի ներկայացուցիչն է ինքը: Հակառակ դեպքում, ինչպես նշեց Արայիկ Հարությունյանը, ստիպված է լինելու դիմել իրավապահներին:

Անդրադառնալով բուն կրթական թեմաներին՝  նախարար Հարությունյանը ներկայացրեց նախանշվող մի շարք փոփոխություններ: Մասնավորապես ծրագրվում է նորացնել դպրոցների տնօրենների եւ ուսուցիչների ընտրության կարգերը: Համեմատաբար հեռու ապագայում վերանայվելու են քննությունների անցկացման սկզբունքները՝ հրաժարվելով շտեմարաններից: Պատասխանելով տնօրեններից մեկի հարցին՝ Արայիկ Հարությունյանը կարծիք հայտնեց, որ շտեմարանները բացասաբար են անդրադարձել ավագ դպրոցի վրա: «Ավագ դպրոցի բովանդակությունը փոխվեց, որովհետեւ 10-12-րդ դասարաններում աշակերտն ասում է՝ գիրքն ինչիս է պետք, եթե ես շտեմարանով պետք է հանձնեմ քննությունները կամ դասը ինչիս է պետք, եթե գնալու եմ կրկնուսույցի մոտ կամ տանն ինքնուրույն եմ պարապելու: Առհասարակ, շտեմարաններն էլ այն սկզբունքով են, որ ոչ թե գիտելիք ստուգենք, այլ առավելագույնն անենք, որ երեխան սխալվի: Ու մաֆիայի հետ կապված էլ ճիշտ եք նշում: Ակնհայտ է, գիտենք՝ Ֆլեշի բարսեղներով, ԳԹԿ-ներով, մեր նախարարության փոխնախարարներով ոնց են այդ ամեն ինչը համակարգել: Բայց հիմա պետք է այս համակարգից դուրս գանք: Իհարկե, մեր գործողությունները պետք է լինեն կտրուկ, բայց զգույշ: Այս տարի դրանից հրաժարվելով կարող ենք լուրջ խնդիրներ ստեղծել քննությունների ժամանակ: Քննարկում ենք: Կարգը հավանաբար կփոխվի: Եթե ոչ այս տարի, ապա հաջորդ տարիներին մենք դրանցից պետք է հրաժարվենք»,- ասաց Արայիկ Հարությունյանը:Ինչ վերաբերում է դպրոցների շրջանավարտների ավարտական քննությունները միասնական քննությունների մոդելով, այսինքն՝ դպրոցից դուրս ու ԳԹԿ-ի վերահսկողությամբ անցկացնելու հավանականությանը եւ դրա շուրջ առաջացած որոշակի դժգոհություններին, նախարարը կարծիք հայտնեց, որ այդ ընդվզումները գալիս են այսպես կոչված «պրեստիժնի» դպրոցներից, որովհետեւ այս կարգով քննությունների դեպքում որոշ միֆեր կարող են փշրվել:

«Ինձ համար շատ զարմանալի էր, որ հատկապես բուռն արձագանքեցին որոշ այսպես կոչված «պրեստիժնի» դպրոցները եւ «պրեստիժնի» ուսուցիչները, որովհետեւ սրա արդյունքում իրենց կարգավիճակի հետ կապված որոշ միֆեր կարող են քանդվել: Իսկ ի՞նչ ենք ասել մենք՝ ավարտական քննությունները միասնական ձեւով անցկացնելու հետ կապված: Ասել ենք՝ սիրելի՛ աշակերտ, դու այլեւս քո քննությունը հանձնելու ես ոչ թե քո դպրոցի սենյակում, այլ այսպիսի մի դահլիճում, որտեղ քեզ չեն օգնելու քո դպրոցի ուսուցիչները: Մենք ուրիշ որեւէ բան չենք փոխել, որեւէ բարդ բան նրան չենք առաջադրել»,- հայտարարեց նախարարը: Ի դեպ, նրան զեկուցել են, որ «արտագնա» քննություններ անցկացնելու դեպքում շրջանավարտների առնվազն 50 տոկոսը կարող են ստանալ անբավարար գնահատական: «Բայց մենք այլընտրանք չունենք, եւ ուշ թե շուտ այս համակարգին պետք է անցնենք: Համենայնդեպս, առաջիկա տարվա ընթացքում մեկ-երկու առարկաների ուղղությամբ պետք է դա իրականացնենք»,- նշեց նախարարը:

Եվս մեկ փոփոխություն կլինի տարրական դպրոցում: 2019-2020 ուսումնական տարվանից, հետեւելով Արցախի փորձին, Հայաստանում նույնպես առաջին դասարան ընդունվողների դասվարները կըտրվեն վիճակահանությամբ եւ ծնողներն այլեւս մրցակցության մեջ չեն մտնի՝ իրենց երեխաներին նախընտրելի դասվարի դասարանում տեղավորելու համար:

Տպել
6954 դիտում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)