Դրսի հայերը «դուխով» ապրանք տեսնելիս՝ մնացածը չեն նկատում. հեղափոխության սիմվոլը

2018 թվականի մարտ ամսից մեկնարկած «Իմ քայլը» նախաձեռնությունը վերաճեց ժողովրդական մեծ շարժման: Այս շարժման ընթացքում մի քանի կարգախոսներ ծնվեցին՝ «դուխով», «քայլ արա» եւ այլն:

«Իմ քայլը» շարժման առաջնորդ, ՀՀ վարչապետ Նիկոլ Փաշինյանի սկսած շարժման հետ կապվող «դուխովը» շուտով դարձավ նոր Հայաստանի, նոր սերնդի ու հաղթանակի սիմվոլը: 

Թավշյա հեղափոխության օրերին դիզայներ Արա Ասլանյանը ստեղծեց «դուխով» լոգոյով գլխարկները: Լրագրողների հետ զրույցում Ասլանյանն ասել էր, որ «դուխով»-ը ոչ թե իր հեղինակային բառն է, այլ պարզապես ինքը լոգոյի դիզայնն է արել:  

«Դուխով» տարբերանշանով այսօր Հայաստանում վաճառվում են բազմաթիվ իրեր՝ հագուստի տեսակներ, գլխարկներ, պայուսակներ, զարդեր, բլոկնոտներ, բաժակներ եւ տարատեսակ հուշանվերներ: ՀՀ տնտեսական զարգացման եւ ներդրումների նախարարության մտավոր սեփականության գործակալությունը միայն ապրիլ, մայիս եւ հունիս ամիսներին ստացել է թավշյա հեղափոխության խորհրդանիշերը հիշեցնող բառերով եւ բառակապակցություններով ապրանքային նշաններ գրանցելու 25 հայտ:

«Դուխով» բառը պատկերող տարբերանշանը հայտատուները ցանկացել են օգտագործել սննդամթերքի վրա, այդ անվանումով ալկոհոլային խմիչքներ թողարկելու, ձայնագրման սկավառակների, խոսափողների, կրակմարիչների, կինոնկարահանման խցիկների, հաշվիչների, ակնոցների եւ այլ ապրանքների համար:

«Հայկական ժամանակ»-ը «դուխով» լոգոյով ապրանքների գների եւ պահանջարկի վերաբերյալ հարցում է իրականացրել Երեւան քաղաքի մի քանի խանութներում՝ մասնավորապես՝ հուշանվերների ու հագուստի, այդ թվում նաեւ Վերնիսաժում:

Կասկադի մոտակայքում գտնվող «Solar Bus» (արեւային ավտոբուս) խանութում, որտեղ բացառապես հայկական արտադրության ապրանքատեսակներ են վաճառվում (հագուստ, զարդեր, պայուսակներ, գլխարկներ, հուշանվերներ եւ այլն) տեղ են գտել նաեւ «դուխով» լոգոյով բաժակներ, գլխարկներ ու շապիկներ:

«Solar Bus»-ում աշխատող Սանդրոն ՀԺ-ի հետ զրույցում ասաց, որ մեկ տարի առաջ է խանութը բացվել, իսկ «դուխով» ապրանքները խանութում տեղ են գտել որպես ապրանքատեսակ հայտնվելուց անմիջապես հետո:

«Խանութում դիզայնը եւ ամեն ինչը կապված է ՀՀ-ում գտնվող այն գործերի հետ, որոնք ամբողջ աշխարհում մեր մշակութային արժեքն են ներկայացնում, օրինակ՝ հին հայկական ժայռապատկերները: Իսկ ինչ վերաբերում է «դուխով» ապրանքատեսակներին, այն մեր խանութում իր ուրույն տեղն է գտել արդեն մի քանի ամիս առաջ»,- ասաց Սանդրոն:

«Solar Bus»-ում «դուխով» բաժակի արժեքը 4 հազար դրամ է, գլխարկներինը եւ շապիկինը՝ եւս 4 հազար:

Արմսթայլ խանութում «Դուխով» տարբերանշանով մանկական վերնաշապիկի արժեքը 2 հազար 500 դրամ է, իսկ մեծահասակի համար նախատեսվածները՝ 3 հազար դրամ:

Վերնիսաժում մեզ ասացին, որ երբ «դուխով» լոգոյով ապրանքատեսակները նոր էին շրջանառվում՝ գնորդների թիվը շատ-շատ էր, կատարյալ բում էր: Այստեղ էլ կարելի է գտնել շապիկներ՝ 3-ից 4 հազար դրամ արժողությամբ, թեւնոցներ՝ 1000 դրամ, բլոկնոտներ՝ 3 հազար դրամ եւ այլ հուշանվերներ:

Վերնիսաժում վաճառվող «դուխով» ապրանքները

«Այս տարի ընդհանուր առեւտուրն այնքան էլ լավ չէր, չնայած որ զբոսաշրջիկների եւ այցելուների թիվը կտրուկ շատ էր մեզ մոտ»,- մեզ հետ զրույցում ասացին առեւտրականները:

Վերջիններս գրեթե բոլորը վստահություն հայտնեցին, որ եթե համեմատեն հայկական այլ տարբերանշանով ապրանքների հետ, ապա միանշանակ «դուխով»-ն առաջատար դիրքում է: «Դրսի հայերը «դուխով»-ը տեսնելիս այլ բան չեն նկատում այս տարի, գնում են ամեն ինչ՝ մեքենայի կպչուն նակլեյկաներից միանգամից տասնյակներով են վերցնում»,- ասացին նրանք:

Տպել
2985 դիտում

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր