Դիվերսիոն ներթափանցման փորձը կանգնեցվեց, բայց կորուստների քանակը չեն հրապարակում. Բաբայան

Մի քանի օր առաջ ադրբեջանական 15 հոգանոց խումբը հարձակման փորձ էր ձեռնարկել ԱՀ պաշտպանության բանակի հյուսիսային հատվածում տեղակայված մարտական դիրքերից մեկի ուղղությամբ, սակայն ՊԲ դիրքապահ ստորաբաժանումները ժամանակին հավաստանշել են նախահարձակ խմբի գործողությունները եւ վերջիններիս հետ են շպրտել ելման դիրքեր: Դրան հաջորդեց ԱՀ ՊԲ հայտարարությունն այն մասին, որ Ադրբեջանը անհաջող նախահարձակ գործողություններին զուգահեռ ընդգծված ակտիվություն է ցուցաբերում նաեւ քարոզչական ճակատում: ՀԺ-ն ԱՀ նախագահի մամուլի խոսնակ Դավիթ Բաբայանի հետ զրուցեց ԱՀ ներքաղաքական եւ սահմանային վիճակի մասին:

- Պարոն Բաբայան, այս պահին ինչպե՞ս է Արցախի ներքաղաքական վիճակը:

- Ներքաղաքական վիճակը կայուն է:

- Վերջերս ադրբեջանական խումբը հարձակման փորձ էր ձեռնարկել մեր դիրքերի ուղղությամբ, հիմա լարվածություն կա՞:

- Դուք գիտեք, որ մի քանի ամիս այդտեղ կուտակումներ էին: Ապրիլ ամսից սկսած մինչեւ հունիս-հուլիս ադրբեջանական զինուժը կուտակումներ է իրականացրել: Մի քիչ թեթեւացել էր վիճակը, որոշ ստորաբաժանումներ հանվել էին, բայց մի քանի օր առաջ այդ դիվերսիոն փորձը կատարվեց՝ եւս մեկ անգամ ցույց տալով, որ մենք երբեւէ չպետք է զգոնությունը կորցնենք: Ի դեմս Ադրբեջանի՝ ունենք մի երկիր, որը բացեիբաց թշնամական վերաբերմունք ունի հայության նկատմամբ: Բոլոր պատճառները, առիթները օգտագործում են, որպեսզի նման ահաբեկչական քայլի դիմեն, բայց այդ դիվերսիոն ներթափանցման փորձը կանգնեցվեց, հակառակորդը հետ շպրտվեց: Երեւի թե ունեցան կորուստներ, բայց նրանք չեն հրապարակում այդ կորուստների քանակը եւ առկայությունը:

- ՊԲ-ն վերջերս հայտարարեց, որ Ադրբեջանը քարոզչական ակտիվություն է ցուցաբերում եւ դրան պատասխանեց, արդյո՞ք արժե քարոզչական ակտիվությանը ամեն անգամ լուրջ վերաբերվել եւ պատասխանել:

- Կան խնդիրներ, երբ պարզապես հնարավոր չէ չպատասխանել: Օրինակ, եթե նացիստական հայատյաց քաղաքական կոչերով հանդես է գալիս Ադրբեջանի ղեկավարությունը, ռազմական գերատեսչության ղեկավարը, բնական է, որ այս ամենին պետք է պատասխանել ժամանակ առ ժամանակ:  

- Վերջերս սկսել են որոշ մարդիկ քարոզչություն իրականացնել, թե նոր կառավարությունը հող հանձնելու մտադրություն ունի, համաձա՞յն եք, որ նմանատիպ հայտարարություններով փորձում են Հայաստանի եւ Արցախի իշխանությունների միջեւ սեպ խրել:

- Ոչ միայն Հայաստանի եւ Արցախի իշխանությունների, այլ նաեւ հայ ժողովրդի մեջ են փորձում ինչ-որ կասկածանքի մթնոլորտ ստեղծել, ինչ-որ սեպ խրել` միասնականության մեջ: Ողջունելի է, որ պաշտոնական Երեւանը շարունակում է ջանքեր գործադրել, որպեսզի վերականգնվի ձեւաչափը Արցախի բանակցությունների գործընթացին մասնակցելու հարցում: Դա շատ կարեւոր է, քանի որ առանց այդ ձեւաչափի կարգավորման անհնար է խնդիրը կարգավորել:

Ադրբեջանը, իհարկե, ամեն ինչ անելու է, որպեսզի դա տեղի չունենա: Ինչ վերաբերվում է տարածքների մասին խնդրին, այստեղ հետեւյալն է, պաշտոնական Ստեփանակերտը միշտ ասել է, որ ոչ թե հող հանձնելու տեսանկյունից պետք է դիտարկել այդ ամենը, այլ սահմանների տեսանկյունից: Եթե Ադրբեջանը ասում է՝ Ստեփանակերտը մերն է, Քարվաճառը մերն է, իսկ Գետաշենը ո՞ւմն է: Ինչո՞ւ Գետաշենի, Շահումյանի կամ Մարտունաշենի հարցը չպիտի քննարկենք: Դա էլ է սահման, դա էլ է խնդիր: Սրանք հարցեր են, որոնք պետք է քննարկվեն, որովհետեւ ի վերջո այս հակամարտությունը ղարաբաղա-ադրբեջանական հակամարտություն է, ինչքան էլ որ Ադրբեջանը փորձի այն հայ-ադրբեջանական ներկայացնել:

Տպել
18396 դիտում

Մեկնարկել է «Իմ քայլը հանուն Շիրակի մարզի» բիզնես-համաժողովը․ վարչապետ Նիկոլ Փաշինյանը Գյումրիում է (լուսանկարներ)

Աննա Հակոբյանն ու Նոր Հարավային Ուելս նահանգի վարչապետ Գլեդիս Բերեջիկլյանը քննարկել են համագործակցության ուղիները

Երեւանում եւ Ելփինում փրկարարները բռնել են 1 իժ եւ 1 շահմար

Օշականում արտադրամասի տանիքին հրդեհ է բռնվել

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ