Լարսի անցակետի հերթերի պատճառը տուրիստական շրջանն է. Արմեն Փամբուխչյան (լուսանկար)

Արդեն շուրջ երկու ամիս է՝ Վերին Լարսի անցակետում բեռնատար եւ մարդատար ավտոմեքենաների կուտակումները չեն դադարում: Միջինում 6-8 կիլոմետր հերթ է լինում, ինչի պատճառով մարդատար ավտոմեքենաները նվազագույնը 4-5 ժամ սպասում են իրենց հերթին: Բեռնատար ավտոմեքենաների պարագայում սպասելը կարող է նաեւ բերքի կորստի հանգեցնել, քանի որ հիմնականում բեռնատարներով Հայաստանից բերք է արտահանվում:

ՀԺ-ն տրանսպորտի կապի եւ տեղեկատվական տեխնոլոգիաների փոխնախարար Արմեն Փամբուխչյանից հետաքրքրվեց, թե ինչո՞ւ են դեռ շարունակվում հերթերը, քանի որ նախկինում նշվում էր, որ ֆուտբոլի աշխարհի առաջնությունով պայմանավորված աննախադեպ թվով զբոսաշրջիկներ են գնում Ռուսաստան: Առաջնությունն արդեն շուրջ մեկ ամիս է՝ ավարտվել է, սակայն հերթերը դեռ շարունակվում են:

- Պարոն Փամբուխչյան, այս պահին Լարսում ի՞նչ իրավիճակ է, այն ժամանակ նշվում էր, որ պատճառը աշխարհի առաջնությունն է, բայց հիմա, երբ առաջնությունը ավարտվել է, նորից շարունակվում են հերթերը:

- Մենք բազմիցս հայտարարել ենք՝ որն է իրական պատճառը: Պատճառը տուրիստական շրջանն է, այսինքն առաջին տարին չի, որ Լարսը ծանրաբեռնված է, զուտ սեզոնային բնույթ է կրում: Ռուսական կողմից հերթը մի փոքր նվազել է, մոտավորապես 3 կմ, իսկ վրացական կողմից, քանի որ գյուղմթերքի արտահանման շրջան է, այդ իսկ պատճառով կան կուտակումներ:

Միջազգային փոխադրողների ասոցիացիայից ինձ ասացին, որ մեծ քանակությամբ բեռնատարներ երեկ գիշեր բաց են թողել, մոտավորապես 100-150: Այս պահի դրությամբ նորից ունենք մենք կուտակումներ, ընդհուպ մինչեւ Բագրատաշենի անցակետ: Պատճառը եղել է միայն զբոսաշրջային շրջանը, մեկ էլ այս արտահանման շրջանը: Վրացիներն էլ ցորեն են ներկրում, ինչպես եւ մենք` նույն ճանապարհով:

Մեր նախարարն էլ այց էր կատարել, տեղում խոսել էր երկու անցակետերի ղեկավարների հետ: Իրենք օր ու գիշեր աշխատում են, նույնիսկ խոստացել էին, որ ընդմիջման ժամին նույնպես կաշխատեն այս շրջանում, որպեսզի կարողանան ապահովել բացթողումները: Բայց, իրոք, խնդիր կա եւ այդ խնդիրը մենք բոլորս էլ գիտենք: Դա մեր միակ ճանապարհն է եւ այդ ճանապարհը ռուս-վրացական սահմանն է, այսինքն, այնտեղով տարբեր քաղաքացիներ են անցնում բացի հայերից:

- Արտահանվող ապրանքների մեջ կորուստներ ունեցե՞լ ենք:

- Մինչ այսօր չի եղել: Բոլոր մեր բեռնափոխադրողները Հայաստանի միջազգային բեռնափոխադրողների ասոցիացիայի անդամ են: Մեր բեռնափոխադրողները իրենց խնդիրների մասին շատ արագ զեկուցում են ասոցիացիա: Մենք անհատապես համագործակցում ենք բոլորի հետ: Ու նաեւ մեր դեսպանատների միջոցով ենք կապի մեջ լինում բոլորի հետ, մինչ այսօր բեռների փչացում չի եղել: Եղել է ահազանգ, որ որակական փոփոխություններ կարող են լինել, օրինակ ծաղիկ փոխադրող բեռնատարում գտնվող ծաղիկի որակը ընկել է մի քանի օր հերթում մնալու պատճառով, ինչի արդյունքում ցածր գնով են վաճառել:

- Վրաստանում ՀՀ դեսպանատունը խնդրի լուծման համար աշխատանքներ տանո՞ւմ է:

- Այո, ես կասեի նույնիսկ շատ լավ են կատարում իրենց աշխատանքը: Հենց առաջին կուտակումների ժամանակ դեսպանատունը մեզ շատ է օգնել, անգամ մեր վարորդներին, ովքեր մնացել էին խցանման մեջ, ջրով էր ապահովել: Շատ ինտենսիվ աշխատում են, համագործակցության արդյունքում մենք կարողանում ենք մեր արագ փչացող բեռները արտահերթ կարգով բաց թողում կատարել:

Մենք հայտարարություն էինք տարածել, որ խնդիրներ լինելու դեպքում զանգահարեն մեր թեժ գիծ եւ շատ վարորդներ մեզ փոխանցում էին իրենց մեքենայի համարները եւ իրենց անուն ազգանունները, մենք փոխանցում էինք մեր դեսպանին, նա էլ այդ համարները ուղարկում էր անցակետ, իսկ անցակետում մոտենում էին այդ բեռնատարներին եւ արտահերթ կարգով բացթողում էին անում:

Անգամ մի քանի դեպք է եղել, որ մեր վրացի փոխադրող ընկերներից ասել են՝ ինչո՞ւ է հայերի համար արտահերթ, բայց իրենց բացատրել են, որ հայերի մոտ փչացող բեռ կա, իսկ իրենց մոտ` ոչ: Ուղղակի հնարավոր չէ այնտեղ տարածք մեծացնել, որ անցակետերի քանակը շատանա, մի կողմը ձոր է, մյուս կողմը՝ գազի խողովակներ: Մեր տեղեկություններով՝ մինչեւ սեպտեմբերի 10-ը կնվազի զբոսաշրջիկների հոսքը:

Տպել
2943 դիտում

Մենք առաջ ենք գնում տնտեսական հսկայական փոփոխությունների իրականացման. վարչապետը հանդիպել է Լոս Անջելեսի քաղաքապետին

ՀՀ 6 մարզերում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ

1 օրում գրանցվել է խոտածածկ տարածքներում բռնկված 34 հրդեհ

Խաչիկ գյուղում բռնկված հրդեհը մարվել է. այրվել է մոտ 52.2 հա խոտածածկ տարածք

Վարչապետը Լոս Անջելեսում հանդիպել է Կալիֆորնիայի հայ համայնքի կառույցների ղեկավարներին

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս