ՎՏԲ-ԴԱՀԿ անառողջ համագործակցություն է. տուգանքների ներումը քաղաքացիներին չի հասնում

2014 թվականին քաղաքացի Մանուկ Ավետիսյանը ՎՏԲ-Հայաստան բանկից 800 հազար դրամ վարկ է վերցրել: Վճարումները մեկ տարի պարտաճանաչ կատարելուց հետո ֆինանսական խնդիրների պատճառով սկսել է ուշացնել, ապա ընդհանրապես չվճարել: 2017 թվականին Մանուկ Ավետիսյանի պարտքը հասել է մոտ 1 միլիոն 500 հազար դրամի եւ ՎՏԲ Հայաստան բանկը դատի է տվել քաղաքացուն: «Ինձ նույնիսկ տեղյակ չեն պահել, որ գործը դատարան է գնացել, հետագայում եմ իմացել, որ առանց իմ իմացության վճիռ է կայացվել եւ հաշվիս վրա կալանք դրվել»,- մեզ հետ զրույցում ասաց Մանուկ Ավետիսյանը:

Վերջինս այդ ընթացքում մայր գումարը թեթեւացնելու նպատակով 200 հազար դրամի չափով վճարում է կատարել ՎՏԲ Հայաստան բանկում, սակայն ավելի ուշ պարզվել է, որ այդ գումարը ոչ մի ձեւով չի փոխանցվել, իսկ պարտքը պահպանվել է: «Վճարումը բանկում ընդունել են, կտրոն տրամադրել, բայց այդ գումարը օդում է հայտնվել, քանի որ արդեն կալանք է եղել իմ հաշվին»,- ասաց նա:

Մանուկ Ավետիսյանի խոսքով՝ ՎՏԲ Հայաստան բանկից իրեն հայտնել են, որ ԴԱՀԿ-ի սխալի հետեւանքով է գումարը հայտնվել օդում, իսկ ԴԱՀԿ-ում ասել են, որ բանկի մեղավորությունն է, քանի որ իրավունք չուներ գումար վերցնելու: «Երկու կողմից ինչ-որ անառողջ համագործակցություն է, մեկը մյուսի վրա են բարդում: Հարկադիրը ասում է, որ բանկը չպիտի վերցներ այդ գումարը, պետք է ցույց տար, որ կալանք կա հաշվի վրա: Բանկն էլ պատասխանում է, որ գումարը վերցրել է՝ մայր գումարից հանելու նպատակով, սակայն ԴԱՀԿ-ն գումարը սառեցրել է եւ պարտքից չի հանվել»,- մեզ հետ զրույցում ասաց Մանուկ Ավետիսյանը:

Մանուկ Ավետիսյանի եւ մի շարք քաղաքացիների բողոքների հետ կապված ՀԺ-ն գրավոր հարցում ուղղեց ՎՏԲ-Հայաստան բանկին:

Բանկից պարզաբանում խնդրեցինք, թե ինչ է լինում, եթե քաղաքացու հաշվին կալանք է դրված, իսկ նա գումար է փոխանցում՝ վարկը թեթեւացնելու նպատակով եւ ինչու՞ է այս դեպքում գումարը հայտնվում օդում: ՎՏԲ-Հայաստան բանկից հայտնեցին, որ հաճախորդը՝ անկախ բանկային հաշիվներում արգելքի առկայությունից, իրավունք ունի իրականացնել վարկային պարտավորությունների մարումներ՝ վարկային կոդը տրամադրելու միջոցով:

ՎՏԲ-Հայաստան բանկից նաեւ տեղեկացրեցին, որ ըստ «Դատական ակտերի հարկադիր կատարման մասին» ՀՀ օրենքի, եթե բանկային հաշիվներում արգելքները առկա են ընթացիկ վարկի տույժի կիրառման շրջանակներում եւ գործը գտնվում է կատարողական վարույթի փուլում, ապա գումարը կարող է վճարվել անմիջապես Հարկադիր կատարման ծառայությունում, որն էլ, իր միջնորդավճարները հաշվարկելուց հետո, վճարման գումարն ուղարկում է բանկ՝ վարկի մարման համար:

Քաղաքացի Մանուկ Ավետիսյանը բողոքում է, որ բանկում իրեն առաջարկել են յուրաքանչյուր ամիս 30 հազար դրամ վճարում կատարել եւ 5 տարվա ընթացքում 1 միլիոն 500 հազար դրամի պարտքը մարել: «Իրենց առաջարկով ստացվում է, որ նրանք կառավարության որոշումն ուղղակի անտեսում են եւ ոչ մի տուգանք չեն հանում իմ վրայից: Ես դատարանում կբարձրաձայնեմ այդ խնդիրը»,- ասաց Մանուկ Ավետիսյանը:

Հիշեցնենք, Ազգային ժողովում ընդունվեց Հարկային օրենսգրքում փոփոխություններ կատարելու մասին օրինագիծը: Այդ փոփոխություններն ուղղված են բանկերի համար բարենպաստ դաշտ ստեղծելուն եւ վերջիններիս կողմից քաղաքացիների ժամկետանց վարկերի տույժ-տուգանքները ներելուն: Այս հարցին բազմիցս անդրադարձել է նաեւ ՀՀ վարչապետ Նիկոլ Փաշինյանը:

Բանկից հայտնում են, որ 2018 թվականի հուլիսի 4-ի դրությամբ ՎՏԲ-Հայաստան Բանկ ՓԲԸ պաշտոնապես հայտարարել է ֆիզիկական անձանց ժամկետանց սպառողական վարկերի կուտակված տույժերի եւ տուգանքների ներման գործընթացի մեկնարկի մասին:

Տպել
3676 դիտում

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ

Գեղամ Գեւորգյանը հրաժարվեց ներկայացնել իր դիրքորոշումը, նա այդ մասին ուսանողների հետ կխոսի

ԱՄՆ ռազմական համագործակցության գրասենյակը գույք և տեխնիկա է նվիրել ԱԻՆ Փրկարար ծառայությանը

Ադրբեջանցի բլոգեր Աթա Աբդուլաեւը խարդախությունների մեջ է խառնված եղել, իր դեմ քրգործ էր հարուցվել. Մարտիրոսյան

Բելառուսի ընտրություններում ոչ մի ընդդիմադիր ուժ խորհրդարան չի անցել. Եվրոպան կրկին չի ճանաչում արդյունքները