Դատավորն առանց պատճառ հետաձգել է զինված խմբի գործով նիստը. պաշտպանները միտում են տեսնում

2015 թվականին ԱԱԾ կողմից մեծ աղմուկով վնասազերծված զինված խմբի գործով դատավարությունը պարբերաբար ձգձգվում է. մի քանի ամսում միայն մեկ-երկու դատական նիստ է տեղի ունենում:

Այսօր սույն գործով Երեւան քաղաքի ընդհանուր իրավասության դատարանի Կենտրոն եւ Նորք-Մարաշ վարչական շրջանի նստավայրում պետք է շարունակվեր սույն գործով հերթական դատական նիստը, սակայն նախագահող դատավոր Արմեն Բեկթաշյանը առանց նիստը բացելու որոշել է այն հետաձգել:  

Այդ ընթացքում դատարանի բակում էին հավաքվել ազատության մեջ օրեր առաջ հայտնված ՀՀ պաշտպանության նախկին փոխնախարար Վահան Շիրախնյանը, ազատամարտիկներ Ապար մականունով հայտնի Էդուարդ Ներսիսյանը, Հարություն Սարիբեկյանը, պատգամավորները, պաշտպաններն ու կալանքի տակ գտնվող անձանց հարազատները:

Դատարանի դիմաց հավաքված պաշտպաններն ու ամբաստանյալները մեզ հետ զրույցում հայտնեցին, որ Բեկթաշյանը, դատարանի շենքից դուրս գալով, տեղեկացրել է, որ նիստ չի լինելու, ապա ամբաստանյալներից Էդվարդ Ներսիսյանին ասել, որ ստորագրի հաջորդ նիստի մասին ծանուցված լինելու վերաբերյալ համապատասխան փաստաթուղթը։ Մեր զրույցում ազտատամարտիկ Խաչիկ Ավետիսյանի պաշտպան Գիվի Հովհաննիսյանն ասաց, որ դատավորը նիստը չանելու պատճառ նշել է այն, թե ամբաստանյալներից Վլադիմիր Առաքելյանը վիրահատվել է եւ չի ներկայացվելու: «Բայց այդ տեղեկությունը իրականությանը չի համապատախանում, Վլադիմիր Առաքելյանը նաեւ իմ պաշտպանյալն է, մարդը պատրաստ էր եւ պատրաստվել էր, որ գար ներկայանար դատական քննությանը: Փաստացի մեկուսարանից մյուսներին չեն բերել ու նիստն առանց որեւէ պատճառաբանության հետաձգվեց»,- ասաց պաշտպանը:

Նա ասաց, որ այսօրվա նիստին նախատեսում էին միջնորդել պատգամավորների անձնական երաշխավորությամբ ազատ արձակել Խաչիկ Ավետիսյանին եւ Վլադիմիր Առաքելյանին: «Պատգամավորներ Ալեն Սիմոնյանը, Հովիկ Աղազարյան, Արարատ Զուրաբյանը, եկել էին, եթե նիստ չէր լինելու, մենք այդ մարդկանց էլ չէինք խնդրի, որպեսզի գային նիստին: Մարդիկ ակնհայտ անմեղ են, այսքան ապացույցներ հետազոտվեցին, որեւէ ապացույց ձեռք չբերվեց, օրինակ, Խաչիկ Ավետիսյանի կամ Վլադիմիր Առաքելյանի մասով, որ առաջադրված մեղադրանքի հետ առնչություն ունեն, անկհայտ ապօրինությունն է կատարվում, դատական նիստերն էլ ըստ քմահաճույքի է, արդեն երրորդ տարին է՝ մարդիկ անազատության մեջ են: Բաց թողեք, տարիներով հետաձգեք, բայց մարդիկ անազատության մեջ նստած են:

Միանշանակ Վլադիմիր Առաքելյանը պատճառ չի՝ նիստը հետաձգելու, ուղղակի ցանկություն չկա նիստ անելու եւ նման պատճառաբանություն է բերվում առանց որեւէ հիմնավորման: Որեւէ փաստաթուղթ չի գնացել դատարան, որ խնդրում ենք հետաձգել, մարդը ի վիճակի չէ մասնակցելու դատական նիստին նույնիսկ բժշկի կողմից»,- ասաց Հովհաննիսյանը:

Նշենք, որ Առաքելյանն օրեր առաջ վիրահատվել է «Էրեբունի» բժշկական կենտրոնում եւ մինչեւ այսօր գտնվում էր այնտեղ։ Այսօր, սակայն, նա դուրս է գրվել հիվանդանոցից եւ տեղափոխվել ՔԿՀ:

Նրա պաշտպան Արայիկ Ալվանդյանի փոխանցմամբ՝ Առաքելյանն այսօր պատրաստ էր ներկայանալ դատական նիստին, սակայն նրան դատարան չեն ներկայացրել։ Ավելին՝ պաշտպանը դատարանին տեղյակ է պահել, որ Առաքելյանը կարող է մասնակցել նիստին:

Պաշտպան Ինեսսա Պետրոսյանն էլ մեր զրույցում նշեց, որ նման պայմաններում անհասկանալի է, թե ինչու է դատավոր Բեկթաշյանը այսքան ձգձգում այս գործով դատական նիստերը։ «Արդեն տեւական ժամանակ է, ինչ այս գործով դատական նիստերը տարբեր պատճառաբանություններով չեն կայանում, ուստի ինչ-որ միտում է երեւում, որ կամ պարոն Բեկթաշյանը չի ցանկանում այս գործով արդարադատություն իրականացնել կամ այլ պատճառներ կան նման կերպ վարվելու համար»,- ասաց Պետրոսյանը։

Պաշտպանը հիշեցրեց, որ «զինված խմբի» գործով ամբաստանյալներից շատերը կալանքի տակ են, և նրանց պաշտպանները պատրաստվում են նրանց խափանման միջոցը փոխելու և ազատազրկման հետ կապ չունեցող խափանման միջոց ընտրելու վերաբերյալ միջնորդություններ ներկայացնել, որը, սակայն, դատական նիստերի շարունակական ձգձգումների պատճառով հնարավոր չի լինում։

«Ամբաստանյալների մեջ վատառողջ մարդիկ կան, որոնք արդեն շուրջ 3 տարի գտնվում են կալանքի տակ, և դատարանը շատ հստակ գիտի, որ պիտի այդ հարցը բարձրացվեր նույնիսկ այսօրվա դատական նիստում»,- ասաց պաշտպանը

Դատավոր Արմեն Բեկթաշյանը Բարձրագույն դատական խորհրդի անդամ է, եւ դա, ինչպես ենթադրվում է, լրացուցիչ ծանրաբեռնվածություն է առաջացնում նրա համար։ Այս դիտարկմանն ի պատասխան պաշտպանն ասաց, որ ծանրաբեռվածությունը չի կարող արդարացում հանդիսանալ Բեկթաշյանի նման վարքագծի համար։ «Անձինք չպետք է պատասխանատվություն կրեն դատավոր Բեկթաշյանի ծանրաբեռնվածության համար։ Արդար դատաքննության, անձնական անձեռնմխելիության իրավունքները Կոնվենցիայով երաշխավորված իրավունքներ են։ Եթե գերծանրաբեռնված է, թող զեկուցագիր գրի եւ հրաժարվի այս գործից»,- հավելեց  Պետրոսյանը։ Վերջինս նաեւ ընդգծեց, որ մինչեւ ԲԴԽ անդամ ընտրվելը ամեն ինչ հարթ չի եղել այս գործի քննության առումով, եւ նախկինում եւս դատական նիստերը հետաձգվել են տարբեր պատճառաբանություններով։

Սույն գործով մյուս նիստը նախատեսված է հուլիսի 27-ին, թե ինչ պատճառաբանությամբ այս նիստն էլ կհետաձգվի, դեռ պարզ չէ: Չի բացառվում, որ այս անգամ էլ դատավոր Արմեն Բեկթաշյանը մեկ այլ գործով խորհրդակցական սենյակում լինի:

Տպել
4742 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց