Լոռիում տարիներ շարունակ բուժաշխատողներին պարտադրել են հատկացումներ անել հիմնադրամին

Լոռու մարզում տարիներ շարունակ գործող «Լոռու առողջապահություն» հիմնադրամի գործունեությունը ներկայումս կասեցվել է, իսկ արված մուտքերն ու ելքերն ուսումնասիրվում են: Այս մասին ՀԺ-ի հետ զրույցում հայտնեց Լոռու փոխմարզպետ Անդրեյ Ղուկասյանը. «Այն հիմնվել է մոտ 6 տարի առաջ՝ նախկին մարզպետի օրոք կարծես, որն ունի հոգաբարձուների խորհուրդ, ֆոնդի նախագահ, նախ այդ ֆոնդին միանալը պետք է լիներ կամավորության սկզբունքով, պարտադրելով մարդկանց մտցնելը ֆոնդ արդեն խնդիր է»,-ասաց փոխմարզպետը՝ նշելով, որ պետական բոլոր առողջապահական հիմնարկների աշխատակիցներին, շատ հաճախ անգամ առանց հարցնելու, ստիպելով, բերել մտցրել են այդ ֆոնդի մեջ. «Հայտնի են դեպքեր նաեւ, երբ աշխատակիցները չեն ցանկացել ընդգրկվել ֆոնդի մեջ, ասել են՝ դիմումդ գրի դուրս արի»:

Փոխմարզպխետի խոսքով՝ ամեն ամիս ոլորտի աշխատակիցների աշխատավարձերից ավտոմատ պահվել է աշխատավարձի 1-ից 2 տոկոսը. «Մարդը աշխատավարձ է ստացել՝ 1-2 տոկոսը արդեն պահված»: Ղուկասյանն ասում է, որ իրեն, որպես առողջապահության ոլորտի ներկայացուցիչ, պարբերաբար դժգոհություններ են հասել ֆոնդի հետ կապված. «6 տարի առաջ ձեւավորվել է, տարեկան մուտք է եղել մոտ 18 մլն դրամ գումար, որն էլ եթե բազմապատկենք 6 տարվանով, լուրջ թիվ է ստացվում, հիմա իմ կողմից ուսումնասիրություն է արվում, թե ուր կամ ում են գնացել այդ գումարները, առայժմ չեմ ուզում որեւէ մեկին մեղադրել, բայց որոշակի կասկածելի երեւույթներ արդեն իսկ կան»:

Անդրեյ Ղուկասյանը չի ժխտում, որ ֆոնդից նպատակային հատկացումներ էլ են արվել, սակայն այն, որ որոշակի կասկածներ արդեն իսկ կան, փաստում է. «Վերջին 2 տարվա տվյալներն եմ նայում, ֆոնդի կառավարիչը եղել է Պարգեւ Թորոսյանը, իսկ հոգաբարձուների նախագահը՝ նախկին մարզպետը, ինչպես նաեւ մարզպետարանի այլ աշխատակիցներ»:

Մեկ ուշադրության արժանի հանգամանք եւս՝ «Լոռու առողջապահական ֆոնդից» հատկացումներ են արվել նաեւ «Հայաստան» համահայկական հիմնադրամին, փոխանցումներ են արվել նաեւ բուժհիմնարկներին՝ սարքավորումներ ձեռք բերելու նպատակով, որն, ըստ Ղուկասյանի՝ փոքր գումար է կազմում:

Հիմնադրամի գործունեությունը ներկայումս դադարեցված է, առաջիկայում, ըստ փոխմարզպետի, աշխատանքներ կտարվեն ֆոնդի լուծարման ուղղությամբ:

«Իրենց աշխատավարձի 1-2 տոկոսը ամեն ամիս ֆոնդին պարտադրված հատկացրած բուժաշխատողները, որոնք անդամագրվածների 99,9 տոկոսն են կազմում, հարցնում են, թե ուր են գնացել իրենց գումարներն ու ինչի վրա են ծախսվել»,-նշեց փոխմարզպետն ու հավելեց, որ իր ուսումնասիրություններից հետո չի բացառվում, որ արդյունքները կփոխանցվեն իրավապահ մարմիններին. «Բայց մինչ այդ, չպետք է մոռանալ, որ մարդիկ պարտադրված են հատկացումներ արել այդ ֆոնդին»:

Տպել
1892 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ