Բազմաթիվ կոնֆլիկտներից հետո, վերջապես տեղի ունեցավ Արամ Մանուկյանի արձանի բացումը

Այսօր տեղի ունեցավ Հայաստանի Առաջին Հանրապետության հիմնադիր Արամ Մանուկյանի արձանի բացման պաշտոնական արարողությունը: 

Չնայած բազմաթիվ տարաձայնություններին եւ արձանի վերաբերյալ բացասական կարծիքներին՝ այն ի վերջո կանգնեցվեց: Ավելի վաղ «Հայկական ժամանակ»-ի հետ զրույցում Երեւանի ավագանու ԵԼՔ խմբակցության անդամները հայտարարել էին, որ արձանը բացարձակապես չեն հավանել եւ ամենայն հավանականությամբ, դեմ են քվեարկելու: «Արամ Մանուկյանի արձանը, մեղմ ասած, խայտառակություն է»,-հայտարարել էին նրանք:

Ինչևէ, բուռն քննարկման եւ կոնֆլիկտի առիթ դարձած արձանն այսօր բացվեց Արամի եւ Նալբանդյան փողոցների հատման կետում՝ Երեւանի Մետրոպոլիտենի «Հանրապետության հրապարակ» կայարանի վերնամասում: Քանդակագործ Դավիթ Մինասյանի հեղինակած հուշարձանի շուրջ առաջացած իրար հակասող կարծիքների բեւեռն այսօր կարծես թե անհետացել էր եւ մոռացության մատնվել ժամանակին տեղի ունեցածը. բոլորն ուրախ էին, տոնական տրամադրությամբ ու անչափ գոհ:

Ավելին՝ «Հայակակն ժամանակ»-ի հետ զրույցում հարցված քաղաքացիները դրական կարծիք հայտնեցին, նշեցին, որ անչափ լավ է ստացվել Արամ Մանուկյանի արձանը եւ որ ավելի հրաշալի չէին էլ կարող պատկերացնել: Արձանի բացման պաշտոնական արարողությանը ներկա էին ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, Ազգային ժողովի նախագահ Արա Բաբլոյանը, Ամենայն Հայոց Կաթողիկոս Գարեգին Բ-ն, փոխքաղաքապետ Կամո Արեյանը եւ այլոք:

Նիկոլ Փաշինյանն իր շնորհավորանքի խոսքն ասաց հավաքվածներին՝ անելով հետեւյալ հայտարարությունը. «Թերևս սխալված չեմ լինի, եթե ասեմ, որ ի դեմս Արամ Մանուկյանի՝ գործ ունենք մեր նորագույն պատմության մեծագույն առաքյալի հետ: Արամ Մանուկյանի կյանքն ու գործունեությունը նման չէ մի մարդու կյանքի, որը պարզապես ծնվել ու մահացել է»:

Նիկոլ Փաշինյանի համոզմամբ՝ Արամ Մանուկյանը մարդ չէր, որ ծնվեց ու մահացավ, այլ անձ էր, որը ծնվեց՝ իրականացնելու մի մեծ առաքելություն եւ իրագործեց այդ առաքելությունը: «Մեծագույն առաքելություն է գտնել հաղթանակ՝ պարտությունների տեղատարափի ներքո, գտնել հույս՝ հուսահատության հեղեղի մեջ, գտնել ուժ, երբ թվում է, թե թեւերդ թուլացած են, երբ թվում է՝ ծնկներդ ծալված են, երբ թվում է, թե ողնաշարդ կոտրված է»,- ասաց նա:

Վարչապետը վստահություն հայտնեց, որ Արամ Մանուկյանը լիարժեք կատարել է իր առաքելությունը: Ըստ նրա՝ Մանուկյանն անձ էր, որ երբեք չապրեց իր ընտանիքի ու հարազատների համար, այլ ապրեց ու պայքարեց ժողովրդի համար. «Նա հաղթեց իր ժողովրդի համար, նա մահացավ իր գաղթած, կոտրված, անտուն ժողովրդից փոխանցված հիվանդության արդյունքում և ամբողջացրեց իր առաքելությունը: Այդ առաքելությունն իր գոյությամբ սերմանել է այս հողի մեջ»,- շարունակեց վարչապետը:

Փաշինյանը նաեւ կարծիք հայտնեց, որ ՀՀ պետական այրերը, քաղաքացիները պետք է արժանի լինեն Արամ Մանուկյանին ու նրա կատարած առաքելությանը: Նրա խոսքով՝ պետք է այնպես ապրել, որ Արամ Մանուկյանի արձանի մոտով անցնելու ժամանակ յուրաքանչյուր հայ կարողանա ուղիղ նայել վերջինիս աչքերին:

«Մենք պետք է ասենք, որ տեր ենք ձեր առաքելությանը, ձեր գործը կիսատ չէ, ձեր ոգին ու հաղթանակը կենդանի է: Հայ ժողովուրդն այլևս հաղթանակած է հավիտյան: Եվ ուրեմն՝ կեցցե՜ ազատությունը, կեցցե՜ Հայաստանի Հանրապետությունը, կեցցե՜նք մենք եւ մեր երեխաները, որ ապրում ու ապրելու են ազատ ու երջանիկ Հայաստանում»,-եզրափակեց Նիկոլ Փաշինյանը:

Նշենք, որ հուշարձանը տեղադրվել էր հունիսի 28–ին:

Տպել
3305 դիտում

Երևանում թալանել են Հայաստանում Վրաստանի դեսպանի՝ դիվանագիտական համարանիշով Mercedes-ը

Սարյան և Լեոյի փողոցների խաչմերուկում բախվել են 3 մեքենաներ, տուժել է վարորդներից մեկը

Սևան, Ճամբարակ քաղաքներում և Արագածոտնի տարածաշրջանում գիշերը ձյուն է տեղացել

Երևանում «Մակարով» ատրճանակից մի քանի անգամ կրակել են ոստիկանական Hyundai ավտոմեքենայի վրա

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան