15% հավաքած ուժերը կարող են միավորվել, իշխանությանը դարձնել ընդդիմություն. թեժ քննարկում

Կառավարությունում եւ Ազգային ժողովում ձեւավորված երկու տարբեր հանձնաժողովները այսօր շարունակում են Ընտրական օրենսգրքի շուրջ համատեղ քննարկումները: Կառավարական հանձնաժողովի ներկայացուցիչ Դանիել Իոաննիսյանը նշեց, որ առաջարկում են ընտրություններից հետո կոալիցիա կազմելու համար կուսակցությունների թվաքանակների սահմանափակումը վերացնել:

Այսինքն, եթե գործող օրենսգրքով առավելագույնը երեք կուսակցություն կարող էր միավորվել եւ իշխանություն դառնալ, ապա նոր օրենսգրքով հնարավոր կլինի անսահմանափակ թվով կուսակցությունների միավորումը կոալիցիայում:

Նիստը վարող ՀՀԿ-ական ներկայացուցիչ Դավիթ Հարությունյանը նշեց, որ այս մոտեցումը բերելու է անկայունության:

«Եթե խոսում ենք խորհրդարանական համակարգի մասին, նախկինում ընտրվել է, որ լինի համեմատաբար կայուն, բայց այս համակարգը բերելու է անկայուն կառավարման»,-  ասաց նա: Հարությունյանը բացատրեց, որ եթե ինչ-որ կուսակցություն ստացել է քիչ քվեներ՝ միայնակ մեծամասնություն ձեւավորելու համար, մնացած փոքրիկ ուժերը, որոնք մեծ հեղինակություն չունեն, ստանում են 5%, կամ ինչպես առաջարկվում է՝ 4%, արդյունքում գումարվում են ընդդեմ մեծի եւ կոալիցիոն իշխանություն ձեւավորում:

«Բայց ինչքանո՞վ նրանց ձեւավորված իշխանությունը կլինի կայուն, նման քայլով անկայուն քաղաքական համակարգի նախադրյալներ ենք ստեղծում»,- ասաց նա:

Դավիթ Հարությունյանը նշեց, որ այսինքն՝ օրինակ, 13 կուսակցություն 4 խմբակցությունում կարող է միավորվել եւ դառնալ մեծամասնություն, բայց դա կայուն չի դիտվի եւ մի փոքր ուժի դուրս գալը ամբողջ այդ համակարգը փլուզում է: Իսկ դուրս գալու հավանականությունն, ըստ նրա, մեծ է:

ՀՅԴ-ական Արմեն Ռուստամյանը նշեց, որ իրենք կողմ են եղել սահմանափակումները քչացնելուն:

«Իհարկե, համաձայն եմ, որ ինչքան քիչ լինեն կոալիցիայի անդամները, տարաձայնությունները քիչ կլինեն, բայց չպետք է խուսափենք դրանից, եւ տարաձայնությունները հաղթահարել եւ մեկ միասնական դիրքորոշման գալ: Մենք պաշտպանում ենք այդ գաղափարը՝ հանել սահմանափակումները»,-ասաց նա:

ՀՀԿ-ական Արփինե Հովհաննիսյանը նշեց, որ նույնիսկ արդարության տեսակետից հիմնավոր չէ, որ, ասենք, 13 ուժերի ձայները չորս կամ հինգ խմբակցության մեջ բաշխվեն:

«Արդարության տեսակետից հիմնավոր չէ, որ 45% ձայն ստացած ուժը դառնա ընդդիմություն, իսկ այն 4-5-ը միավորվեն, դառնան իշխանություն, միանգամայն հնարավոր վիճակ եմ ներկայացնում»,- ասաց նա:

ԲՀԿ կուսակցությունը ներկայացնող Սերգեյ Բագրատյանը նշեց, որ երկու տարբերակն էլ քննարկելի են: «Չպետք է արգելափակել արհեստականորեն, որեւէ սահմանափակում արդարացված չէ ազատ կամարտահայտման դեպքում, որ 45%-անոց ուժին չի կարող երեք 15 տոկոսը հաղթահարել: Իհարկե, քննարկման առիթ կա մեծամասնության կայունության առումով»,- ասաց նա:

Իր կուսակցական գործընկերոջ հետ համաձայն չէր Նաիրա Զոհրաբյանը, ում խոսքով՝ երկիրը, խորհրդարանը կտանեն պերմամենտ ցնցումների:

«Բոլորը ծրագիր են ներկայացնում՝ ինչպես են կառավարելու, այն ուժը, որ ստանում է առավելագույն քվե, նշանակում է, որ նրան են քվեով վստահում: Այս տարբերակով անհասկանալի աջաբսանդալ կարող է դառնալ եւ երկիրը տանել անկայունության»,- ասաց նա:

ԵԼՔ խմբակցության պատգամավոր Ալեն Սիմոնյանը նշեց, որ պետք է հասկանալ՝ ինչ ենք ուզում անել եւ վերջնական նպատակը որն է:

«Պետք է ֆիքսենք որեւէ մեկի համար իշխանությունը պահելու խնդիր չլինի, որպեսզի ուրիշները չմոտենան այդ բուրգին: Մեծամասնություն ես, գնա միաձայն մեծամասնություն դարձիր: Այս ամեն ինչն անում ենք, որ ՔՊ-ն չմնա հավերժ իշխանության, նպատակը ժողովրդավարացումն է: Եթե 15%-ները միավորվեն ու 45-ին քցեն՝ թող անեն: Եթե մեկ տարի հետո ընտրություն պետք է լինի, թող անեն»,- ասաց նա:

ՀՅԴ-ական Սպարտակ Սեյրանյանը նշեց, որ ցանկացած սահմանափակման դեմ է, եթե հիմքում արհեստական մոտեցում է: Ըստ նրա, սահմանափակմանը կողմ կլինի, եթե քաղաքական ուժը իրեն համարում է ընդդիմություն, ապա ընտրություններից հետո չի կարող մտնել կոալիցիա:

Դանիել Իոաննիսյանը նշեց, որ իրենք խնդիր են դնում, որ եթե կարողանում են միավորվել ուժերը՝ միավորվեն, գործը չհասցվի երկրորդ փուլի:

Տպել
5203 դիտում

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասի

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)

Կայացել է ՀՀ նախագահի եւ ՀՀ վարչապետի հերթական աշխատանքային հանդիպումը (տեսանյութ)

Մանվել Գրիգորյանի դատավոր դուստրը, որին մակագրել էին Էջմիածնի քաղաքապետի դեմ հայցը, ինքնաբացարկ է հայտնել

ՀՀ-ի կողմից Հալեպի Հայ ծերանոցին և զինհոսպիտալին բժշկական պարագաներ են անհատույց տրամադրվել

ԵՊԲՀ պրոֆեսորադասախոսական կազմն արժանացել է ՀՀ ՊՆ պարգևների

Յուրի Խաչատուրովի որդին նորից հայց է ներկայացրել Սուրիկ Խաչատրյանի եւ Լորետա Բարսեղյանի դեմ. պահանջը նույնն է