Լոռու փոխմարզպետը՝ մարզում տնօրեններին ու գյուղապետերին կուսակցականացնելու մասին

«Եթե կլինեն դպրոցի տնօրեններ, համայնքապետեր կամ այլ պաշտոնյաներ, ում որեւէ մեկը կստիպի ընդգրկվել այս կամ այն կուսակցություններում, թող մեզ տեղեկացնեն, մենք համապատասխան քայլեր կձեռնարկենք»,- armtimes.com-ի հետ զրույցում հայտնեց Լոռու փոխմարզպետ, Քաղաքացիական պայմանագիր կուսակցության Վանաձորի քաղաքային խորհրդի նախագահ Արամ Խաչատրյանը՝ անդրադառնալով տարածված այն լուրերն, թե մարզում քաղաքական որոշ ուժեր, հատկապես Քաղաքացիական պայմանագիր եւ Բարգավաճ Հայաստան կուսակցությունները, փորձում են աշխատակիցներին իրենց կուսակցության շարքերն ընդգրկել. «Այս պահին մենք նմանատիպ կոնկրետ փաստեր չունենք»,- ասաց փոխմարզպետը:

Անդրադառնալով Լոռու մարզի Սպիտակի, Ստեփանավանի եւ Թումանյանի սոցիալական աջակցության տարածքային կենտրոնների պետերի նշանակմանը, որոնք, ըստ շրջանառվող լուրերի, Բարգավաճ Հայաստան կուսակցության անդամ են, Արամ Խաչատրյանն ասաց, որ անձամբ չի ճանաչում նրանց, սակայն արդեն իսկ բողոքներ են ստացվել Թումանյանի պետից, բայց նույնը չեմ կարող ասել Սպիտակի եւ Ստեփանավանի պետերի մասով, նրանց հետ կապված որեւէ դժգոհություն չենք ստացել: «Եղել են բազմաթիվ զանգեր ու դժգոհություններ, մարզպետ պարոն Մարգարյանի հետ քննարկում ենք այդ ամենը, դեպքեր էլ կան, որոնք կանխվել են մեր կողմից»,- ասաց նա:

«Այս հեղափոխությունը նրա համար է, որ եթե ժամանակին եղել են դժգոհություններ, այսօր դրանք պետք է չլինեն, ով ուզում է լինի»:

Անդրադառնալով կոնկրետ Քաղաքացիական պայմանագիր կուսակցության քայլերին, Խաչատրյանն ասաց, որ առաջիկա ընտրությունների մասին երբ կհայտարարվի, իրենք օրենքին համապատասխան քարոզարշավ կիրականացնեն. «Հիմա ես, որպես մարզպետի տեղակալ, զբաղված եմ իմ աշխատանքով, իմ ոլորտներով, բայց դա դեռ չի նշանակում, որ բացի իմ ոլորտներից, մյուս ոլորտներին ուշադրություն չեմ դարձնելու»:

Արամ Խաչատրյանը, ում բաժին է հասել նաեւ գյուղատնտեսական ոլորտը, չցանկացավ մեկնաբանել այն գյուղապետերի հարցը, որոնց դեմ տարբեր քրեական գործեր կան հարուցված՝ յուրացումներից մինչեւ պաշտոնեական դիրքի չարաշահումներ. «Քանի որ այդ գործերը դեռեւս գտնվում են իրավական դաշտում, չեմ ցանկանում մեկնաբանել, քրեական գործի ավարտից հետո հարցը կքննարկվի նաեւ մեզ մոտ»,- ասաց փոխմարզպետը:

Տպել
21986 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ