Ի՞նչ է ասել Պատրուշեւը Արմեն Գրիգորյանին Մոսկվայում՝ ԼՂ հակամարտության մասին. պարզաբանում

Ռուսաստանը Հայաստանի ռազմավարական գործընկերն ու դաշնակիցն է, եւ ՀՀ անվտանգության համակարգն ավելի շատ կապված է Ռուսաստանի հետ: Այս մասին հայտարարել է Հայաստանի Ազգային անվտանգության խորհրդի քարտուղար Արմեն Գրիգորյանը՝ ամփոփելով իր Մոսկվա կատարած այցի արդյունքները:

Նրա խոսքով, դատելով վերոնշյալ տրամաբանությունից, բնական է, որ իր առաջին այցը կատարվել է Ռուսաստան:

Մոսկվա կատարած այցի շրջանակներում Արմեն Գրիգորյանը հանդիպել էր Ռուսաստանի անվտանգության խորհրդի քարտուղար Նիկոլայ Պատրուշեւի հետ։ Այդ հանդիպումից հետո ռուսական կողմը հաղորդագրություն տարածեց, որ Պատրուշեւը Հայաստանի Անվտանգության խորհրդի քարտուղար Արմեն Գրիգորյանի հետ հանդիպման ժամանակ վերահաստատել է Մոսկվայի դիրքորոշումը ղարաբաղյան հակամարտության խաղաղ եւ փուլային կարգավորման օգտին՝ հաշվի առնելով բոլոր կողմերի շահերը:

Արմեն Գրիգորյանը հանդիպում էր անցկացրել նաեւ ՀԱՊԿ գլխավոր քարտուղար Յուրի Խաչատուրովի հետ եւ հյուրընկալվել է Ռուսաստանում Հայաստանի դեսպանատանը:

Արմեն Գրիգորյանն իր այցը «շատ արդյունավետ» է գնահատում, որի արդյունքները, իր համոզմամբ, շուտով տեսանելի կլինեն: «Կարող եմ ասել, որ կա երկկողմ ըմբռնում, երկկողմ իրար հասկանալու հնարավորություն»,- նշում է նա ու հավելում, որ Ռուսաստանում առկա բոլոր մտահոգությունները հօդս չեն ցնդել: «Բայց ես համոզված եմ, որ շատ մտահոգություններ դուրս են եկել, եւ հաջորդ հանդիպումների ժամանակ այդ հարցերն այլեւս օրակարգում չեն լինելու»,- նշել է նա:

Այսպես՝ ԱԱԽ քարտուղարը պատասխանում է հարցազրույցը վարողի հարցին առ այն, թե ինչու նա առաջին աշխատանքային այցը կատարեց Մոսկվա եւ արդյո՞ք դա հատուկ էր արված հակառակն այն խոսակցություններին, որ «Արմեն Գրիգորյանին որոշ շրջանակներ արեւմտամետ գործիչ են համարում»:

Ներկայացնելով որոշակի մանրամասներ Մոսկվայում Պատրուշեւի հետ հանդիպումից, Գրիգորյանը նշել է, որ քննարկել են հայ-ռուսական հարաբերությունների ռազմական կոմպոնենտը: «Խոսել ենք համագործակցության եւ Հայաստանի կողմից ձեռք բերվող եւ ձեռք բերվելիք սպառազինության մասին: Քննարկվել է Հայաստանի ռազմա-արդյունաբերության ոլորտը զարգացնելու եւ Ռուսաստանի հետ հնարավոր համագործակցության տարբերակները»,- նշում է ԱԱԽ քարտուղարը:

Արմեն Գրիգորյանը նաեւ տեղեկացնում է, որ Պատրուշեւի հետ հանդիպման ժամանակ խոսվել է հայ-ադրբեջանական սահմանի Նախիջեւանի հատվածում իրավիճակի մասին: «Խոսել ենք նաեւ Նախիջեւանի մասին: Ես մտահոգություն եմ հայտնել նաեւ ռուսաստանյան բարձրաստիճան պաշտոնյաների՝ Ադրբեջան այցի  եւ նրանց հայտարարությունների վերաբերյալ, որը հակասում է Ռուսաստանի պաշտոնական դիրքորոշմանը: Ինձ հայտնեցին, որ այդ հարցերով կզբաղվեն եւ դրանք տեղում միանգամից լուծելի հարցեր չէին»,- ասաց նա:

Իր պաշտոնակցի հետ Մոսկվայում Գրիգորյանը խոսել է նաեւ ԼՂ համակարտության խաղաղ կարգավորման սկզբունքների մասին:

Այս համատեքստում հարցազրույցում նա անդրադառնում է նաեւ ռուսական կողմի տարածած հաղորդագրության այն մասին, որտեղ վերահաստատվում է Մոսկվայի դիրքորոշումը ղարաբաղյան հակամարտության «խաղաղ եւ փուլային կարգավորման օգտին»:  Այնուհետեւ մամուլում հայտնվեցին տեղեկություններ առ այն, որ այս ձեւակերպման հրապարակումից հետո հայկական կողմը գերջանքեր է գործադրել այն սրբագրելու՝ «փուլային կարգավորում» բառերը տեքստից հանելու համար։

Նշենք, որ այժմ Ռուսաստանի Անվտանգության խորհրդի պաշտոնական կայքում Գրիգորյան-Պատրուշեւ հանդիպման մասին հաղորդագրությունում չկա «փուլային կարգավորման» մասին հիշատակում: «Հանդիպման ժամանակ վերահաստատվել է տարածաշրջանում կայունությանը կողմ հանդես եկող Ռուսաստանի դիրքորոշումը՝ ի շահ ԼՂ հակամարտության խաղաղ կարգավորման՝ հաշվի առնելով բոլոր կողմերի շահերը», - ասված է հաղորդագրության մեջ:

Ուստի՝ այս հարցին անդրադառնալիս, Արմեն Գրիգորյանը միանգամից հղում կատարեց պաշտոնական հաղորդագրությանը: «Մենք ելնում ենք այն իրողությունից, ինչը հրապարակվել է Ռուսաստանի Դաշնության Անվտանգության խորհրդի պաշտոնական կայքէջում, որտեղ ասվում է, որ ԼՂ հակամարտությունը պետք է կարգավորվի բացառապես խաղաղ ճանապարհով: Սա մեր ռազմավարական դաշնակից եւ ԵԱՀԿ Մինսկի խմբի համանախագահ Ռուսաստանի պաշտոնական դիրքորոշումն է: Սա է իրողությունը»,- նում է Գրիգորյանը՝ թեպետ չբացառելով վրիպակների հնարավորությունը:

«Ինչպես ցանկացած հաղորդագրությունում կարող են լինել վրիպակներ, որոնք հետագայում շտկվել են»,- եզրափակեց նա:

Տպել
7559 դիտում

Կանխվել է դատապարտյալներին արգելված իրեր փոխանցելու 2 դեպք. Քրեակատարողական ծառայություն

Կրակոցն ու հարվածները հասցրել է 16-ամյա եղբայրը. նախքան հարձակումը՝ գեղեցկության սրահ են թալանել. նոր մանրամասներ

Մի սենսացիոն լուսանկարի հետքերով. Աննա Հակոբյանը գիտե որտեղ ինչ հագուստ կրել. «Արմենպրես»

Գիշերվա միջադեպի հետեւանքով վիրավորված 25-ամյա ոստիկանը բժիշկների հսկողության տակ է. նա չցանկացավ խոսել (տեսանյութ)

Հայաստանյան շուկա մուտք գործող «RyanAir» ընկերության ամենաէժան ավիատոմսը 4 եվրո 99 ցենտ է

ՀՀ գլխավոր դատախազի հրամանով պարգեւատրվել են գիշերը զոհված եւ վնասվածք ստացած ոստիկանները

ՀՀ պաշտպանության նախարարն ընդունել է Գերմանիայի դեսպանին

Ոստիկանների նկատմամբ հարձակում գործած եղբայրները դեպքից առաջ գողություն են կատարել

ՀՊՏՀ ուսանողները կոչ են անում համախմբվել բարեփոխումների շուրջ եւ աջակցել ռեկտորին

Ավելի լավ է մարդ չմտնի, չտեսնի՝ ոնց են ծնողները ողբում. գիշերը զոհված ոստիկանը երկու երեխա ունի

Երգիչներից մեկի եկամուտներ թաքցնելու դեպքով քրգործ է հարուցվել, մեկինն էլ կարող է հարուցվել. Անանյան

Աշխարհը փոխում է մտքի, մտածողության ինովացիան. Նիկոլ Փաշինյանի ելույթը՝ «Գլոբալ ինովացիոն ֆորումի» բացմանը

ՀԴՄ կտրոնների մասին ՀՀ վարչապետի հայտարարությունից հետո Շիրակի հարկային տեսչության պետը պաշտոնանկ է արվել

Պետական եկամուտների կոմիտեում պարգեւավճարներ վճարվել, վճարվում եւ վճարվելու են. Անանյան

Երբ առաջին անգամ պարեցի իմ մահը, այլևս վախ չունեմ մահվանից

Մթության մեջ հարձակվել է մեր 2-րդ ոստիկանի վրա եւ փորձել ազատել ընկերոջը. ոստիկանապետը մանրամասներ է պատմում (տեսանյութ)

Աշխատանքային քննարկումների ժամանակ վարչապետի հնչեցրած դժգոհությունները եղել են գործառույթների վերաբերյալ. Անանյան

Կանադան եւս դադարեցնում է զենքի վաճառքը Թուրքիային

Երեւանում մաքսային ձեւակերպումներ չեն լինելու, Արարատյան մաքսատուն չի լինելու. ՊԵԿ նախագահ

Խոշոր հրդեհ Լոռիում. այրվել է շուրջ 50 հա տարածք, կրակի մուտքն անտառ կանխվել է (լուսանկարներ)