Երևան
8 °C
Մարտիրոս Սարյանի թվով 14 գծանկարները, որոնք հայտնաբերվել են Սերժ Սարգսյանի եղբորորդի Նարեկ Սարգսյանի տանը, թանգարանայի ֆոնդին չեն պատկանել:
«Դա մասնավոր սեփականություն է: Ժառանգության մաս է, որը բաժանված է ժառանգների ընտանիքներին»,- մեզ հետ զրույցում ասաց իրավաբան Նաիրի Ավետիսյանը: Վերջինիս հեռախոսահամարը տրամադրեցին վարպետի տուն-թանգարանում՝ ասելով, որ ազգային անվտանգության ծառայության տարածած տեղեկատվության վերաբերյալ մեկնաբանություններ ստանալու համար պետք է դիմել նրան: Մարտիրոս Սարյանի տուն-թանգարանի տնօրեն Ռուզաննա Սարյանը նկարչի թոռնուհին է: Ավելի ուշ պարզեցինք, որ նա գտնվում է Ամերիկայի Միացյալ Նահանգներում: Թանգարանում վստահեցրին, որ գլխավոր ֆոնդապահ, նկարչի թոռնուհի Սոֆյա Սարյանը նույնպես աշխատավայրում չէ:
Ազգային անվտանգության ծառայության հունիսի 5-ին տարածած հաղորդագրության ու տեսանյութի մեջ, մասնավորապես նշվում էր, թե հաղորդում է ստացվել այն մասին, որ դեռեւս 2013 թվականին Նարեկ Սարգսյանը, չարաշահելով նկարիչ Մարտիրոս Սարյանի ժառանգներից մեկի վստահությունը, նրանից վերցրել է նկարչի շուրջ 280 հազար ԱՄՆ դոլար արժողությամբ թվով 14 գծանկարները՝ խոստանալով դրա դիմաց վճարել 28 հազար ԱՄՆ դոլար, իսկ մնացած գումարով համատեղ հիմնադրել խաղատուն եւ հովանավորել դրա գործունեությունը:
«Նկարներին տիրանալուց հետո Սարգսյանը խոստումը չի կատարել եւ անտեսելով տուժողի բազմաթիվ պահանջները՝ հրաժարվել է վերադարձնել նկարները: Փաստի առթիվ Ազգային անվտանգության ծառայության քննչական վարչությունում ՀՀ քրեական օրենսգրքի 178-րդ հոդվածի 3-րդ մասի 1-ին կետի հատկանիշներով հարուցված քրեական գործի շրջանակներում հուլիսի 4-ին խուզարկություն է կատարվել Նարեկ Սարգսյանի հաշվառման վայրում, որտեղից հայտնաբերվել են Նարեկ Սարգսյանի կողմից հափշտակված նկարները»,- տեղեկացրել էր ԱԱԾ-ն: Մեջբերված հոդվածը վերաբերում է խարդախությանը, որը կատարվել է առանձնապես խոշոր չափերով: Նախատեսվող պատիժը ազատազրկումն է՝ 4-8 տարի ժամկետով՝ գույքի բռնագրավմամբ կամ առանց դրա:
Խուզարկության ընթացքում Նարեկ Սարգսյանի հայրը՝ Ալեքսանդր Սարգսյանը, հայտնել է, թե իբր նկարները գնվել են իր կողմից: Նա ԱԱԾ քննչական վարչությունում հարցաքննվել է գործարքի հանգամանքների շուրջ: Բացի այդ, առերես հարցաքննության է ենթարկվել հաղորդում տված անձի հետ, ով կրկին պնդել է, որ նկարները խաբեությամբ իրենից հափշտակել է Նարեկ Սարգսյանը:
Ով է Մարտիրոս Սարյանի վերոնշյալ ժառանգը, որը Սերժ Սարգսյանի եղբորորդու հետ նման պայմանավորվածություն էր ձեռք բերել, ինչն, ի դեպ, ապշեցրել է հանրության մտավորականության մի ստվար հատվածի: Իրավաբան Նաիրի Ավետիսյանն այդ հարցին չպատասխանեց: Նաեւ չհաստատեց ու չհերքեց այն տեղեկությունը, որ խոսքը Մարտիրոս Սարյանի ծոռան՝ Ղազարոս Սարյանի մասին է: Ընդհանրապես նա գրեթե մեկնաբանություններ չտվեց՝ պատճառաբանելով, որ Ազգային անվտանգության ծառայությունը նախաքննություն է իրականացնում: «Ես տվյալ ժառանգության մասի իրավատիրոջ ընտանիքի լիազորված անձն եմ, իրավունք ունեմ գործողություններ կատարել եւ այլն եւ այլն, բայց այդ գործի շրջանակներում, որը Ազգային անվտանգությունն է քննում, տեղեկություն չունեմ եւ չեմ կարող տրամադրել ուղղակի»,- ասաց նա: Ի դեպ, մեզ հայտնի դարձավ, որ առաջիկա օրերին ԱԱԾ-ն այս գործի առնչությամբ հրապարակելու է լրացուցիչ տեղեկություններ: Թե ինչ բովանդակություն այն կունենա, պարզ չէ:
Փորձեցինք կապ հաստատել նաեւ նկարչի ծոռան հետ: Նրանց բնակարանի հեռախոսին պատասխանած տղամարդը եւս առաջարկեց դիմել Նաիրի Ավետիսյանին: Նշենք, որ տվյալ գործով տուժողի կողմից փաստաբան երեկվա դրությամբ ներգրավված չէր:
Մարտիրոս Սարյանի թոռնուհի Սոֆյա Սարյանն «Ազատությանն» ասել է, որ գծանկարները Նարեկ Սարգսյանին փոխանցել է իր եղբոր տղան, այսինքն՝ Ղազարոս Սարյանը: Ինքը խոսել է նրա հետ: Եղբորորդին բացատրել է, որ մոլորության մեջ է եղել: «Իր մոլորված վիճակներից էր պատմում։ Ես չեմ տեսնում արդարացում ինձ համար, որովհետեւ մեր ընտանիքում միշտ եղել է վարպետի անունը, պատիվը պահելու ցանկություն եւ գաղափար։ Նա նաեւ առողջական խնդիրներ ուներ եւ տարբեր ուրիշ խնդիրներ, դրա համար էլ մոլորության մեջ էր գտնվում»,- փոխանցել է նկարիչի թոռնուհին եւ թանգարանի գլխավոր ֆոնդապահը:
Հ.Գ. Վերջին տարիներին հայտնի են դարձել Մարտիրոս Սարյանի վրձնին պատկանող այլ նկարների անհետանալու մասին: ՀՀ մշակույթի նախարարության ենթակայությամբ գործող տարբեր մշակութային կենտրոններից, ի թիվս մեծանուն այլ նկարիչների կտավների, գողացվել էր Սարյանի «Ցեմենտի գործարանի բանվորի դիմանկար» եւ «Այգում, հանգստի ժամին» գործերը: ԱԱԾ տեսանյութում երեւում է, որ Նարեկ Սարգսյանի բնակարանում կա նաեւ Մարտիրոս Սարյանի հեղինակած մի գեղանկար: Սոֆյա Սարյանն ասել է, որ տեղյակ չէ, թե դա ինչպես է հայտնվել այնտեղ:
Թթուջուր-Նավուր ավտոճանապարհը փակ է բոլոր տրանսպորտային միջոցների համար
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Մի քանի ժամով կհոսանքազրկվեն Երևանի և 2 մարզի որոշ հասցեներ
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
© 2024 Հայկական ժամանակ