Հուլիսի 2-ից 4-ը Իրանի Իսլամական Հանրապետության նախագահ Հասան Ռոհանին պաշտոնական այցով մեկնել էր Ավստրիա եւ Շվեյցարիա: Նա մի շարք հանդիպումներ էր ունեցել երկու երկրների գործադիր իշխանության ներկայացուցիչների հետ: Ավստրիայի վարչապետ Սեբաստիան Կուրցի հետ հանդիպման ընթացքում ստորագրվել էր Իրանի եւ Ավստրիայի համագործակցության համաձայնագիրը:

Սա Իրանի նախագահի՝ միջուկային գործարքից ԱՄՆ-ի դուրս գալուց հետո առաջին այցն էր Եվրոպա, եւ բնական է, որ հանդիպումների ընթացքում քննարկման հիմնական թեման հենց այդ համաձայնագիրն է եղել: Ավելի վաղ Իրանը զգուշացրել էր, որ կմնա Համատեղ համապարփակ գործողությունների ծրագրում, եթե շարունակի օգուտ ստանալ այդ ծրագրից:

Հուլիսի 5-ին Ռոհանին հեռախոսազրույցներ էր ունեցել Ֆրանսիայի նախագահ Էմանուել Մակրոնի եւ Գերմանիայի կանցլեր Անգելա Մերկելի հետ: Իրանի նախագահը նրանց իր հիասթափությունն էր հայտնել Իրանին առաջարկված եվրոպական փաթեթի կապակցությամբ՝ նշելով, որ այն «չի համապատասխանում Իրանի պահանջներին»:

Նրա խոսքով, փաթեթն իր մեջ ներառում է միայն ընդհանուր դրույթներ, որոնք մինչ այդ էլ հնչեցվել են եվրոպացի գործընկերների կողմից: Ի պատասխան դրան, Անգելա Մերկելը պարզաբանել է, որ առաջարկված փաթեթում ներկայացված են հնարավոր ձեռնարկվելիք տնտեսական միջոցների ուղղությունները, իսկ «մանրամասները կքննարկվեն Վիեննայում կայանալիք նախարարական հանդիպման ընթացքում»:

Հուլիսի 6-ին կայացավ Համատեղ հանձնաժողովի նիստը, որին մասնակցում էին Իրանի, Ռուսաստանի, Չինաստանի, Գերմանիայի, Ֆրանսիայի եւ Մեծ Բրիտանիայի արտաքին գործերի նախարարները, ինչպես նաեւ ԵՄ արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին:

Մինչեւ հանձնաժողովի նիստը արված հայտարարություններում եվրոպական երկրները շարունակում էին իրենց հավատարմությունն արտահայտել համաձայնագրի դրույթներին, իսկ իրանական կողմը որոշակի զգուշավորություն էր դրսեւորում: Մասնավորապես Իրանի արտաքին գերատեսչության ղեկավար Մոհամադ Ջավադ Զարիֆը նշել էր, որ Իրանը կշարունակի կատարել Համատեղ համապարփակ գործողությունների ծրագրով իր վրա դրված պարտավորությունները, քանի դեռ դրանով «ապահովված են Իրանի ժողովրդի իրավունքները»:

Նման մոտեցումը թույլ էր տալիս ենթադրություն անել, որ Իրանը վստահ չէ եվրոպական երկրների անաչառության վրա: Այդ տեսակետը բացատրվում էր նրանով, որ Թրամփ-Եվրոպա լարված հարաբերությունների ֆոնին կայանալիք ՆԱՏՕ-ի գագաթնաժողովին ընդառաջ եվրոպացիները չեն ցանկանա հավելյալ սրում մտցնել ԱՄՆ-ի հետ հարաբերություններում:

Համատեղ նիստի ավարտին հանձնաժողովը հայտարարություն տարածեց, որով վերահաստատեց մասնակից երկրների հավատարմությունը Համատեղ համապարփակ գործողությունների ծրագրում ամրագրված դրույթներին: Նրանք նաեւ ողջունեցին Ատոմային էներգիայի միջազգային գործակալության մայիսի 24-ի զեկույցը, որը հաստատում էր Իրանի կողմից պարտավորությունների կատարումը:

Կողմերը նաեւ պայմանավորվեցին շարունակել Իրանի հետ ավելի լայն տնտեսական եւ արդյունաբերական կապերի պահպանումը եւ խթանումը, իրանական նավթի եւ նավթամթերքների արտահանումը, ծովային, ցամաքային, օդային եւ երկաթուղային փոխադրումները, Իրանի՝ հատկապես փոքր եւ միջին ձեռնարկությունների հետ աշխատող տնտեսական օպերատորների հստակ եւ արդյունավետ աջակցությունը, Իրանում կատարվող ներդրումները եւ դրանց գործնական աջակցությունը: Առանձին կետով նշվում էր Իրանում գործունեություն ծավալող ընկերությունների պաշտպանությունը ԱՄՆ-ի էքստերիտորիալ պատժամիջոցների ազդեցությունից:

Մասնակիցներն ընդգծեցին, որ ԵՄ-ի «արգելափակման կանոնադրությունը» (Blocking Statute) արդիականացման փուլում է գտնվում: Բացի դրանից, Եվրոպայի ներդրումային բանկի արտաքին վարկավորման մանդատը եւս արդիականացվում է՝ Իրանը «ծածկելու» նպատակով:

Հանդիպման ընթացքում համաձայնություն է ձեռքբերվել նաեւ երրորդ երկրներին խրախուսել հետեւել նույն քաղաքականությանը եւ ստեղծել նման մեխանիզմներ Իրանի հետ տնտեսական հարաբերություններում:

Ըստ էության, այս հայտարարությունը պատասխան էր Զարիֆի՝ ավելի վաղ հնչեցրած խոսքին, որում նա կոչ էր անում միջազգային հանրությանը համատեղ դիտարկել Թրամփի՝ «միջազգային բոլոր կանոններին հակասող» գործունեությունը:

Ընդհանրացնելով կարելի է ասել, որ Իրանն ու «հնգյակը» պայմանավորվել են շարունակել եւ խորացնել տնտեսական համագործակցությունը՝ դոլարից հնարավորինս անկախ ձեւաչափով:

Եթե Ռուսաստանի, Չինաստանի եւ Իրանի մասով հայտարարությունը տրամաբանական է, ապա եվրոպական եռյակի եւ ԵՄ ներկայացուցչի կողմից հստակ հակաամերիկյան շեշտադրումներին հավանություն տալն, առնվազն, անսպասելի է: Եվրոպական կողմի նման վճռականությունը փաստում է այն մասին, որ Եվրոպան հասունացել է ԱՄՆ-ին դիմադրելու համար: Ստեղծված պայմաններում կարելի է սպասել, որ ՆԱՏՕ-ի առաջիկա գագաթնաժողովն անցնելու է թեժ մթնոլորտում, իսկ դրան հաջորդող Թրամփ-Պուտին հանդիպման ընթացքում Պուտինը մեկ հաղթաթուղթ ավել է ունենալու:

Տպել
4614 դիտում

Վաղվանից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին