Բնապահպաններն ու «Լիդիան»-ի աշխատակիցներն ընդհանուր հայտարարի չեկան

Վարչապետ Նիկոլ Փաշինյանը հանքի շահագործման դեմ պայքարողներին հարցրեց՝ պատրա՞ստ են ժամանակ տրամադրել իր նշած երկու հարցերի պատասխանները գտնելու ու հետազոտություններ անելու համար: Վերջիններս ասում են, որ «Լիդիան»-ի ներկայացուցիչները ստում են փորձագիտության արդյունքների մասին: Նրանք պնդում են, որ չեն կարող բացել ճանապարհները.

««Լիդիան»-ը չպիտի աշխատի»,- ասաց հանքի շահագործման դեմ պայքարող քաղաքացիներից մեկը:

«Այսինքն՝ անկախ նրանից՝ փաստերը գիտականորեն հիմնավորված են, ինչ են ասում, դուք պատրաստ չեք բացե՞լ»,- հարցրեց վարչապետը:

Բնապահպանների կողմից լիազորված ներկայացուցիչն ասաց, որ իրենք պատրաստ չեն բացել ճանապարհները՝ մինչեւ «Լիդիան»-ի աշխատանքային խմբի աշխատանքների ավարտը:

Վարչապետը «Լիդիան»-ի աշխատակիցներին հարցրեց՝ դուք պատրա՞ստ եք էդպիսի սցենարի, վերջիններս ասացին, որ համաձայն չեն.

«Մենք ունենք միջազգային դիտորդներ, որոնք նայում են, հետեւում են ծրագրին: Սա շատ բացասական ազդակ է միջազգային բոլոր ներդրողներին: Մենք մեր գործունեությունն անում ենք, բոլոր փաստաթղթերն ունենք, բնապահպանական գնահատականներ ունենք»,- ասաց աշխատակիցը:

Նիկոլ Փաշինյանն ասաց, որ իրեն ասել են՝ աշխատակիցներն իրենց տնօրենին փոխել են, եւ հիմա մի տնօրեն է աշխատում, որը մասնագիտացված է ոչ թե հանքերի շահագործման մեջ, այլ պետություններին դատի տալու. «Դա ճի՞շտ է, թե՞ ճիշտ չէ»,- հարցրեց Փաշինյանը, ինչին հետեւեցին բնապահպանների ծափերը:

«Լիդիան»-ի աշխատակիցը Փաշինյանին վստահեցրեց, որ դա միանշանակ այդպես չէ:

Քննարկումը եւս մի քանի րոպե շարունակվեց, ապա Նիկոլ Փաշինյանը գնաց հանդիպելու Վայոց Ձորի բնակիչներին: Հանդիպման ընթացքում, ըստ էության, «Լիդիան»-ի ներկայացուցիչներն ու բնապահպանները ընդհանուր հայտարարի չեկան:

Վարչապետն առաջարկեց հետազոտող խումբ ձեւավորել, փաստեր հավաքել հանքի շահագործման, դրա վնասների մասին, բայց այդ ընթացքում դադարեցնել բողոքի ակցիաներն ու բացել ճանապարհները, սակայն բնապահպաններն ու հանքի շահագործման դեմ բողոքողները չհամաձայնվեցին:

Բնապահպան Լեւոն Գալստյանը «Ազատության» հետ զրույցում ասաց, որ, իր կարծիքով, որոշում չկայացնելու հիմնական պատճառը թյուրըմբռնումն էր՝ կառավարության կողմից: Նրա խոսքով՝ հիմա էլ առկա են փաստեր, որ «Լիդիան»-ը ոչ ճիշտ տվյալներ է ներկայացրել նախորդ կառավարությանը, եւ այդ փաստերը բավարար են «Լիդիան»-ի աշխատանքը հենց այս պահին դադարեցնելու համար:

«Լիդիան Արմենիա» ընկերության ներկայացուցիչների, Ջերմուկի բնակիչների ու բնապահպանների հետ դահլիճային հանդիպումից հետո վարչապետ Փաշինյանը շտապեց հանդիպելու Վայոց Ձորի բնակիչներին:

Նիկոլ Փաշինյանն իր երկօրյա աշխատանքային այցի վերջում գնաց Արենի համայնք, որտեղ այցելեց դիրքեր:

Փաշինյանն ասաց, որ Ամուլսարի հանքի շահագործման հարցին քաղաքական լուծում չի տրվելու:

Տպել
2672 դիտում

ՄԻՊ-ն իրականացնում է Ամուլսարի հանքի շահագործման դեմ բողոքի ակցիաների դիտարկում. արագ արձագանքման խումբ է ձևավորվել

Ինչպե՞ս ստանալ Պաշտպանի աջակցությունն ընտանիքում բռնության խնդիրներով․ հրապարակվել են ուղեցույցներ (տեսանյութ)

Կարո Փայլանը դատապարտել է ժողովրդի կողմից ընտրված 3 քաղաքապետերին պաշտոններից ազատելը

Իրանի հոգևոր առաջնորդը բանտերում պատիժ կրող 1070 կալանավորների ներում է շնորհել

Ազգային ժողովի մոտից բերման է ենթարկվել 6 անձ. ոստիկանությունը հաստատում է

Վարչապետն անդրադարձել է Ամուլսարի հանքավայրի միջազգային փորձաքննության եզրակացությանը

Լարված իրավիճակ Ազգային ժողովի դիմաց. Ամուլսարի շահագործման դեմ պայքարողները փորձեցին փակել Բաղրամյան պողոտան

Մասիս Մայիլյանը ԿԽՄԿ-ի հետ քննարկել Ադրբեջանում հայտնված է ՊԲ զինծառայող Արայիկ Ղազարյանի ճակատագիրը

Վանաձորի կենտրոնական հրապարակում ու Արցախ պուրակում շինարարական եռուզեռ է (լուսանկարներ)

Մակրոնն այսօր ընդունում է Պուտինին. առանցքային խնդիրն Ուկրաինայի հակամարտություն է

Վարչապետ Նիկոլ Փաշինյանը քիչ առաջ ժամանեց ՔՊ գրասենյակ. պատգամավորների հետ քննարկելու է Ամուլսարի հարցը

Մենք այս պահին հիմքեր չենք տեսնում Ամուլսարի հարցով նոր փորձաքննություն նշանակելու համար. Վլադիմիր Կարապետյան

Արցախում մեկնարկել է բանակային ուսումնական տարվա երկրորդ կիսամյակը

ԱԻՆ-ի շենքի տանիքում հրդեհ է բռնկվել. տուժածներ չկան

Ակտիվիստ Աննա Շահնազարյանը բոյկոտել է Փաշինյանի հետ Ամուլսարի թեմայով հանդիպումն ու դուրս եկել

Հայաստանը շուրջ 300 մլն դոլար պարտք է Ռուսաստանին. ամենամեծ պարտքն ունի Բելառուսը

Ռուսաստանցիների համար Հայաստանն ամենապահանջված տուրիստական ուղղությունն է. հետազոտություն

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Պատգամավորը շրջանառության մեջ է դրել նախագիծ, որով յուրաքանչյուր քաղաքացի կարող է լինել երթեւեկությունը վերահսկող մարմին

Չինարին այլևս չի կարող գնդակոծվել. Հայաստան մտնող գազամուղի անվտանգությունը ևս ապահովված է. Միրզոյան