Թրամփը ցանկանում է հասկանալ Պուտինին, ոչ թե զիջումների գնալ․ Ջոն Բոլթոն

Վլադիմիր Պուտինի հետ հուլիսի 16-ին Հելսինկիում նախատեսված հանդիպումը Թրամփին կընձեռի ռուսաստանցի պաշտոնակցին հասկանալու հնարավորություն: Այս մասին հայտարարել է Միացյալ Նահանգների նախագահ Դոնալդ Թրամփի ազգային անվտանգության հարցերով խորհրդական Ջոն Բոլթոնը։

Նա վերջերս Մոսկվայում էր եւ «Ֆոքս Նյուզ» հեռուստակայանի հետ զրույցում երեկ մեկնաբանել է ռուս-ամերիկյան հարաբերությունները ճգնաժամից դուրս հանելու հնարավորությունը:

«Նա ուզում է հասկանալ ռուսաստանցիների դիրքորոշումը եւ ավելին՝ նա ուզում է, որ Վլադիմիր Պուտինն էլ մեր դիրքորոշումը հասկանա»,- ասել է Բոլթոնը եւ շարունակել,- «Եթե արձանագրվի բեկումնային առաջընթաց, ապա շատ լավ կլինի, բայց առանցքայինը, թերեւս, այն է, որ Թրամփի վարչակազմի աշխատանքի մեկնարկից մեկուկես տարի անց այս հանդիպումը, վերջապես, տեղի կունենա»:

Բոլթոնի փոխանցմամբ, Թրամփը հանդիպումից առաջ արտաքին քաղաքականության ասպարեզում զիջումների չի գնում, գրում է Ազատությունը:

«Ֆոքս Նյուզ»-ի թղթակիցը Բոլթոնին խնդրել է մեկնաբանել երկու հաղորդագրությունները, որոնցից մեկի համաձայն, Պենտագոնն ուսումնասիրում է Գերմանիայից ստորաբաժանումները դուրս հանելու հնարավորությունն, իսկ, ըստ երկրորդի, Թրամփը Կանադայում՝ «Մեծ յոթնյակի» հավաքում, իբր, ասել է, որ Ղրիմը պետք է ճանաչվի Ռուսաստանի մաս, քանի որ թերակղզու բնակիչների մեծ մասը ռուսախոս է: Արդյո՞ք այդպես Թրամփը չի փորձում զիջումներ մատուցել Պուտինին:

«Ո՛չ, չեմ կարծում, որ այդպես է»,- ասել է ազգային անվտանգության հարցերով խորհրդականը:

Բոլթոնի խոսքով՝ այդ կարգի հաղորդագրություններում ինչ-որ բան կարող է ճիշտ լինել, ինչ-որ բան սխալ, ինչ-որ բան մասամբ ճիշտ:

«Ես չեմ լսել, որ նախագահը նման բան ասի, չեմ տեսել նաեւ հանդիպման սղագրությունները, այդ հանդիպումներում ինչեր ասես չի լինում, շատ բան էլ գուցե չափազանցված է հրամցվում»,- ասել է Բոլթոնը:

Ռուսաստանի նախագահ Պուտինի խոսնակ Դմիտրի Պեսկովն ասել է, որ նախագահները հանդիպման ընթացքում քննարկելու են «մի շարք բարդ հարցեր, այդ թվում՝ Սիրիայի թեման»:

Տպել
1106 դիտում

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասի

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)

Կայացել է ՀՀ նախագահի եւ ՀՀ վարչապետի հերթական աշխատանքային հանդիպումը (տեսանյութ)

Մանվել Գրիգորյանի դատավոր դուստրը, որին մակագրել էին Էջմիածնի քաղաքապետի դեմ հայցը, ինքնաբացարկ է հայտնել

ՀՀ-ի կողմից Հալեպի Հայ ծերանոցին և զինհոսպիտալին բժշկական պարագաներ են անհատույց տրամադրվել

ԵՊԲՀ պրոֆեսորադասախոսական կազմն արժանացել է ՀՀ ՊՆ պարգևների

Յուրի Խաչատուրովի որդին նորից հայց է ներկայացրել Սուրիկ Խաչատրյանի եւ Լորետա Բարսեղյանի դեմ. պահանջը նույնն է