Վանաձոր-Ալավերդի միջպետական ավտոճանապարհը հիմնանորոգվում է․նախարարի այցը

26/06/2018 schedule16:57

ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն աշխատանքային շրջայց կատարեց Վանաձոր-Ալավերդի միջպետական (Մ-6) ավտոճանապարհի հիմնանորոգման շինտեղամասեր, որտեղ ակտիվորեն շարունակվում են ճանապարհի հիմնանորոգման աշխատանքները։

Ինչպես հայտնում են նախարարության մամուլի ծառայությունից, աշխատանքների տեմպերն արագացնելու նպատակով ճանապարհը բաժանված է երեք տեղամասերի։ Ճանապարհի 38կմ հատվածում միաժամանակ աշխատում են 3 շինարարական կազմակերպություններ՝ «Արարատճանշին»,  «Ճանապարհ» և «Կապավոր» ընկերությունները։

Ճանապարհի մի շարք հիմնանորոգվող հատվածներում ասֆալտբետոնե պատվածքի ներքին շերտն արդեն տեղադրվել է։ Ճանապարհի 19-րդ կմ-ում՝ Փամբակ գյուղի տարածքում, ավարտվել է հենապատի կառուցումը։ Այստեղ կատարվել է ճանապարհահատվածի հորիզոնական ծրագծի  փոփոխություն, ինչի արդյունքում մեղմվել է երկայնական թեքությունը: Հողային պաստառի կայունությունն ապահովելու նպատակով կառուցվել է երկաթբետոնե ստորին հենապատ։ Արդյունքում մեծացել է տեսանելիության աստիճանը՝ առավել անվտանգ դարձնելով կտրուկ շրջադարձը։

Հարակից հատվածով անցնող երկաթգծի հողային պաստառի հնարավոր փլուզումները կանխելու նպատակով կառուցվել են բետոնե հենապատեր։ Հենապատեր են կառուցվել նաև այն հատվածներում, որտեղ գետը վարարելու դեպքում կարող է ճանապարհը ողողելու վտանգ առաջացնել։

Ճանապարհի ամբողջ երկարությամբ կատարվել է ուսումնասիրություն, ինչի արդյունքում վտանգ ներկայացնող բոլոր տեղամասերում տեղադրվել են բետոնե պարապեդներ և արգելապատնեշներ։

Կատարվել են նաև հենապատերի վերանորոգման և կառուցման, ջրահեռացման համակարգի վերականգնման, մայթերի, գաբիոնային շարվածքով հենապատերի կառուցման, ջրագծերի տեղափոխման և վերակառուցման, ինչպես նաև հողային աշխատանքներ:

Նախարարը հատուկ ուշադրություն դարձրեց ճանապարհի 10,8-րդ կմ-ում վերջերս տեղի ունեցած փլուզման հետևանքների վերացման աշխատանքների ընթացքին։

Տասնյակ տարիներ առաջ կառուցված հենապատը հորդառատ անձրևների և սողանքի ակտիվացման պատճառով  քանդվել է։ Կա նաև նոր փլուզման վտանգ։

Նախագծող կազմակերպության ներկայացուցիչները նախարարին ներկայացրին ճանապարհի վերականգնման մի քանի տարբերակներ։

Նախարարը հանձնարարեց մանրակրկիտ ուսումնասիրել և, հաշվի առնելով բոլոր ռիսկերը, ընտրել խնդրի վերացման լավագույն լուծումը։

Ոստիկանության աշխատակիցների հետ նախարարը քննարկեց ճանապարհի այդ հատվածով երթևեկող տրանսպորտային միջոցների անվտանգությունն ապահովելու նպատակով միջոցառումներ իրականացնելու հնարավորությունները։

Շինարարները փլուզված տարածքը սահմանազատել են անվտանգության ժապավեններով, սահմանափակվել է բեռնատար մեքենաների երթևեկը։ Տարածքը կկահավորվի նաև զգուշացնող նշաններով, կթույլատրվի միայն մոտակա գյուղերի բնակիչների երթևեկը՝ բացառապես թեթև մարդատար մեքենաներով։

Ավարտին են մոտենում նաև թունելների վերակառուցման աշխատանքները։

Այս հատվածում շինարարությունն իրականացնող «Կապավոր» ընկերության ղեկավար Արման Հակոբջանյանը նշեց, որ 106մ երկարությամբ  թունելում ավարտվել է մուտքի երեսպատումն ու մայթերի կառուցումը։ Ընթացքի մեջ են ներքին  հարդարման աշխատանքները։

Հաջորդ՝ 280մ և 181մ  երկարությամբ թունելներում ավարտվել է մուտքի անվտանգությունն ապահովող 25մ երկարությամբ գալերիաների կառուցումը։

Երթևեկելի գոտին քարաթափումներից պաշտպանելու համար թունելների մուտքերը 25մ-ով երկարացվել է։

Հին կամրջին զուգահեռ՝  նոր կամրջի կառուցման աշխատանքները ևս ամբողջությամբ ավարտվել են։

Նախարարին ներկայացվեցին նաև Շնողի հիդրոէլեկտրակայանի ջրառի գլխամասի կառուցմամբ պայմանավորված հատակագծի փոփոխության մանրամասները։ Նշվեց, որ հիդրոէլեկրակայանի կառուցման աշխատանքների ձգձգումն անդրադառնում է ճանապարհի հիմնանորոգման ժամկետների վրա:

Նախարարը հանձնարարեց ճանապարհի վերակառուցման աշխատանքների ընթացքն արագացնել, պահպանել նախանշված ժամկետները, առանձնահատուկ ուշադրություն դարձնել  որակին։

 
Տպել
838 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ