Լուսանկարում՝ Նիկոլ Փաշինյանը Մանե Թանդիլյանին նախարարի պաշտոնում ներկայացնում է աշխատակազմին

ՀՀ աշխատանքի եւ սոցիալական հարցերի նախարար Մանե Թանդիլյանը պաշտոնից հրաժարականի դիմում ներկայացնելուց հետո շարունակում էր գնալ աշխատանքի եւ ներկայանալ կառավարության հերթական ու արտահերթ նիստերին: Հրաժարականից մոտ տասն օր անցել վարչապետ Նիկոլ Փաշինյանը միայն այսօրվա կառավարության նիստում հայտարարեց, որ Թանդիլյանը հրաժարական չի տալու, «հաշտվել» են: Ստեղծված իրավիճակը, նախադեպային էր, երբեք նման իրավիճակ չէր եղել, որ նախարարը հրաժարականի դիմումից հետո երեք օրից ավելի շարունակի պաշտոնավարել:

Կառավարության կառուցվածքի եւ գործունեության մասին ՀՀ օրենքի ուսումնասիրությունից պարզ դարձավ, որ օրենսդրական բաց կա: Այսինքն, գործող օրենքում ամրագրված չէ որեւէ ժամկետ, որի համաձայն վարչապետը պետք է մակագրի դիմումը՝ հրաժարական ներկայացնելուց հետո: Համապատասխան օրենքում չկա նաեւ ժամկետը, որի լրանալուն պես նախարարը կարող է իրեն իրավունքի ուժով համարել ազատված, եթե անգամ վարչապետը դիմումը չի հաստատել: Օրենսդրական բացթողումների հետ կապված «Հայկական ժամանակ»-ը փորձեց պարզաբանում ստանալ կառավարության աշխատակազմից, սակայն կառավարության տեղեկատվության եւ հասարակայնության հետ կապերի վարչությունից փոխանցեցին հետեւյալը. «Օրենսդրությամբ նախարարի դիմումին ընթացք տալու ժամկետային սահմանափակում գոյություն չունի»:

Այսինքն, ստացվում է, որ Մանե Թանդիլյանը կամ մեկ այլ նախարարը կարող է օրինակ մեկ տարի շարունակ նման կարգավիճակով պաշտոնավարել:

Թեմայի շուրջ մինչեւ վարչապետի հայտարարությունը հնարավոր չեղավ զրուցել արդեն գործող նախարար Մանե Թանդիլյանի հետ: Սակայն աշխատանքի եւ սոցիալական հարցերի նախարարի մամուլի պատասխանատու Մանե Մադոյանը «Հայկական ժամանակ»-ին փոխանցեց, որ Մանե Թանդիլյանը շարունակում է կատարել սոցապ նախարարի գործառույթները, յուրաքանչյուր օր գալիս է աշխատանքի եւ մասնակցում է կառավարության նիստերին:

«Մանե Թանդիլյանը հունիսի 12-ին ֆեյսբուքում ստատուս գրելուց հետո հրաժարական է տվել արարողակարգային բոլոր պահանջներով, բայց հաջորդ օրը եկել եւ ներկայացրել է նորանշանակ փոխնախարարներին: Տիկին Թանդիլյանն ամեն օր գալիս է աշխատանքի, նախարարությունը նույն ռիթմով աշխատում է եւ մենք սպասում ենք վարչապետի որոշմանը: Փոխնախարարները նոր են նշանակված եւ այդ ընթացքում նախարարությունը թողնել, գնալ ճիշտ չէր լինի»,- ասաց աշխատանքի եւ սոցիալական հարցերի նախարարի խոսնակը:

Մասնագիտությամբ իրավաբան, Ազգային ժողովի երկու պատգամավոր թեմայի շուրջ ՀԺ-ի հետ մասնավոր զրույցում նշեցին, որ Թանդիլյանի հրաժարականի դիմումին ընթացք տալը գտնվում է ավելի շատ քաղաքական տիրույթում, քան՝ իրավական:

«Հիմնականում նման դիմումները մակագրվում են կամ նախարարը դիմումը հետ է վերցնում երեք օրվա ընթացքում, քանի որ սա քաղաքական գործընթաց է»,- ասաց իրավաբան պատգամավորը:

Նրանցից մյուսն էլ ընդգծեց, որ աշխատանքային օրենսգրքի սահմանած նորմերն այս դեպքում կիրառելի չեն, քանի որ նախարարի պաշտոնը քաղաքական է եւ Մանե Թանդիլյանի կողմից եղել է հրաժարականի մասին քաղաքական հայտարարություն: Մեր զրուցակցի պնդմամբ՝ այդ հայտարարության հիման վրա ներկայացված դիմումին պետք է հաջորդեր ազատում-նշանակումը՝ առավելագույնը երեք օրվա ընթացքում: Միաժամանակ մեր զրուցակիցները նշեցին, որ Մանե Թանդիլյանի կողմից այս պահին իրականացվող գործառույթներն անօրինական չեն, բայց նաեւ բնական էլ չեն:

Վարչապետ Նիկոլ Փաշինյանի մամուլի խոսնակ Արման Եղոյանը ՀԺ-ին դեռ օրեր առաջ փոխանցել էր, որ ՀՀ աշխատանքի եւ սոցիալական հարցերի նախարար Մանե Թանդիլյանի՝ աշխատանքից ազատվելու մասին դիմումը «փոխանցվել է վարչապետին եւ սպասում է ստորագրման»: Վերջինս նաեւ ավելացրել էր, որ այն ստորագրվելուց անմիջապես հետո կհրապարակվի: Մանե Թանդիլյանն աշխատանքից ազատվելու դիմում գրել էր հունիսի 12-ին: Նախարարի պաշտոնից ազատվելու պատճառն, ըստ Թանդիլյանի գրառման այն էր, որ նա համամիտ չէ կառավարության կողմից ընդունված որոշմանը, որով շարունակվում է կենսաթոշակի կուտակային համակարգում մնալ «պարտադիր» բաղադրիչը:

Վարչապետ Նիկոլ Փաշինյանի կողմից Մանե Թանդիլյանի հրաժարականի դիմումը չհաստատելուց արդեն ենթադրելի էր, որ նախարարը եւ վարչապետը հարցը քննարկել ու համաձայնության են եկել, որ Թանդիլյանը հրաժարականը հետ է վերցնում: ՀԺ-ն երեկ պարզաբանում խնդրեց վարչապետի խոսնակ Արման Եղոյանից, թե՝ արդյո՞ք նախարարն ու վարչապետն այս թեմայի շուրջ որեւէ քննարկում ունեցել են: Վերջինս միայն փոխանցեց, որ վարչապետը նախարարների հետ ամենօրյա աշխատանքային շփումների մեջ է: Նա միաժամանակ ավելացրեց, որ օրենսդրության համաձայն՝ նախարարի հրաժարականը վարչապետի առաջարկով հաստատելու է նախագահ Արմեն Սարգսյանը, սակայն մինչեւ այս նախագահին դեռ պաշտոնապես առաջարկություն չի ուղարկվել՝ Մանե Թանդիլյանին նախարարի պաշտոնից ազատելու համար:

Մանե Թանդիլյանը նախարար էր նշանակվել Լուսավոր Հայաստան կուսակցության քվոտայով:

Տպել
2542 դիտում

Արցախում զինձառայողը ճանապարհատրանսպորտային պատահարի է ենթարկվել. նա մահացել է հիվանդանոցում

Կաջակցի՞ արդյոք ԿԽՄԿ ՀՀ-ում իրականացվող բարեփոխումներին. Մհեր Գրիգորյանն ընդունել է Քլեր Մեյթրոյին

Պարտադրանքը, որ եղել է նախկինում, պետք է փոխվի. Հայկակ Արշամյան

Դել Բոսկեն Հայաստանում է. նա կարծում է՝ վերջին հաղթանակները վստահություն կներշնչեն ՀՀ ընտրանուն

Գեղամ Գևորգյանը Մոսկվայում կմասնակցի Մրցակցության հարցերով միջազգային կլոր սեղան-խորհրդակցությանը

«Հայաստան» համահայկական հիմնադրամը պետք է դառնա մեր համազգային բյուջեն. Նիկոլ Փաշինյան

Նարեկ Բաբայանը դիմել է դատարան՝ Մանվել Գրիգորյանի կողմից պետությանը գույք նվիրելու հարցով

Չեմ թաքցնելու, որ ընկերներ ունեմ «Իմ քայլ»-ում, բայց երդում տալու պահից դատավորներն այլեւս ընկերներ չեն ունենում

Սահմանադրական դատարանում պետք է գործի 9 հավասար դատավորների կարգավորումը․ Վահե Գրիգորյան

Մանվել Գրիգորյանը կրկին դատարան չբերվեց. դատախազը միջնորդեց նրա նկատմամբ փորձաքննություն նշանակել

Բանտարկված աղվեսներն առգրավվել են եւ բաց են թողնվել վայրի բնություն

Զրպարտության մասով դիմելու եմ դատարան. Խառատյանը՝ Մալյանի «անհեթեթությունների» մասին

Ուզում ենք այնպես անել, որ միլիարդավոր ներդրումներ անելու ցանկության դեպքում անգամ կարիք չլինի վարչապետին տեղյակ պահել

Մանվել Գրիգորյանի կինը հաղորդում է ներկայացրել ոստիկանություն՝ ծիրանի այգին հրդեհելու դեպքի առթիվ

Հափշտակել է մի շարք բնակիչների վճարած գումարները. Մրգաստան համայնքի ղեկավարին մեղադրանք է առաջադրվել. ՔԿ

ԲՀԿ պատգամավորները Վահե Գրիգորյանի թեկնածությանը ազատ են քվեարկելու

Մխիթար Հայրապետյանը դադարեցնում է Եվրանեսթում հայկական պատվիրակության ղեկավարի՝ իր լիազորությունները (տեսանյութ)

Դաշնակցության ներկայացուցիչների հետ երեկվա հանդիպման նախաձեռնությունը եղել է ՀՅԴ-ի կողմից. Ծառուկյան

Ծանուցագիրը, որ ստանում եմ, պետք է դնեի ռամկայի մեջ, կախեմ պատին՝ Այվազովսկու նկարի կողքի՞ն․ Գագիկ Ծառուկյան

Զոհրաբ Մնացականյանն այսօր մեկնելու է Վաշինգտոն. հանդիպելու է Ադրբեջանի ԱԳ ղեկավարին