Երևան
13 °C
Հայաստանի Ազգային ժողովում աշխատակիցները վարչության, բաժնի պետերի եւ առաջատար մասնագետների մակարդակով խուճապի մեջ են: «Հայկական ժամանակ»-ին հայտնի դարձավ, որ առաջիկայում անցկացվելիք ատեստավորումներն անցկացվելու են խստացված վերահսկողությամբ: Բանն այն է, որ ԱԺ ղեկավարությանը չի բավարարում աշխատակազմի որոշ աշխատակիցների կարգապահությունն ու մասնագիտական որակաները: ՀԺ-ի աղբյուրների փոխանցմամբ՝ ԱԺ աշխատակազմի ղեկավարը խիստ տոնով նշել է, որ լավ աշխատանքը չի սկսվում եւ ավարտվում ժամանակին աշխատանքի գալ-գնալով: Ուստի, չի բացառվում, որ Ազգային ժողովի աշխատակազմում առաջիկայում կադրային ջարդ սկսվի:
Ազգային ժողովի աշխատակազմի ղեկավարի տեղակալ Արսեն Բաբյանը ՀԺ-ի հետ զրույցում ընդգծեց, որ ատեստավորման մեջ արտառոց ոչ մի բան չկա: Այն շարունակական գործընթաց է, որը յուրաքանչյուր պետական աշխատող անցնում է երեք տարին մեկ անգամ:
«Ատեստավորման արդյունքում ստուգում ենք աշխատողի մասնագիտական կարողությունները: Օրենքի համաձայն՝ պետական աշխատողները յուրաքանչյուր 3 տարին մեկ անգամ պետք է անցնեն ատեստավորում: Սա անդադար ընթացող գործընթաց է: Եթե պետական ծառայողի երեք տարին լրացավ, ապա ողջամիտ ժամկետներում նա պետք է ենթարկվի ատեստավորման: Ատեստավորումը ոչ սկսվել է եւ ոչ էլ ավարտվել»,- ասաց Բաբայանը:
Անդրադառնալով աշխատանքից ազատվողների մասին տեղեկություններին, Արսեն Բաբայանն ասաց, որ արդյունք չտվող աշխատակիցները հեռացվելու են:
«Անարդյունավետ բոլոր աշխատողներն ազատվելու ենք աշխատանքից: Դա եղել է աշխատակազմի վաղուց որդեգրած քաղաքականությունը, որ ոչ արդյունավետ աշխատողները չեն լինելու ԱԺ աշխատակազմում»:
Տեղեկություններ կան, որ ատեստավորումը լուրջ խստացվելու է: Անգամ այն տեսանկարահանվելու է, քանի որ նախկինում գործել է ձայնագրման մեթոդը եւ ինչպես ԱԺ աշխատակազմի մեր աղբյուրը փոխանցեց՝ շատերը վարժ կարդացել են հարցերի պատասխանները: Ինչպես նաեւ չեն լինելու զիջումներ, ներումներ եւ երկրորդ շանսի հնարավորություն:
«Ես չգիտեմ՝ ինչ զիջումների մասին է խոսքը: Ցանկացածը պետք է լինի օրենքի եւ ողջամտության սահմաններում: Զիջում ասելով չեմ հասկանում, թե ինչ նկատի ունեք, աչքփակոցի չի լինելու»,- վստահեցրեց Արսեն Բաբայանը:
Հունիսի 22-ին ԱԺ աշխատակազմի որոշ աշխատակիցներ հերթական ատեստավորումն են անցնելու: Բաբայանը հույս հայտնեց, որ ազատվողներ չեն լինելու, սակայն նշեց, որ արդեն կարգապահական տույժի ենթարկվողներ են եղել:
«Անցած շաբաթ ունեցել ենք երկու կարգապահական տույժ՝ մեկ նկատողություն, մեկ՝ խիստ նկատողություն: Դա եղել է աշխատանքից ուշանալու պատճառով: Աշխատանքի ներկայանալու կարգապահությունը թիվ մեկ պայմաններից է, բայց բնականաբար միայն սա քիչ է եւ պետք է լինի մասնագիտական որակավորում: Մասնագիտականն էլ հենց ստուգվում է ատեստավորման միջոցով, ինչպես նաեւ ընթացիկ հանձնարարականներով: Իհարկե, կան աշխատակիցներ, որոնցից կարելի է դժգոհել»,-ասաց աշխատակազմի ղեկավարի տեղակալը:
ՀԺ-ն մի քանի օր առաջ գրել էր ԱԺ աշխատակազմի իրավական ապահովման բաժնի արդեն նախկին պետ Վահե Դանիելյանի աշխատանքից ազատվելու մասին: Մեր տեղեկություններով՝ ԱԺ ղեկավարությունը ցանկացել է ծառայողական քննություն սկսել, երբ Դանիելյանը միացել է համաժողովրդական շարժմանը եւ հրապարակավ հայտարարություն արել այդ մասին: Արսեն Բաբայանը ՀԺ-ի հետ զրույցում վստահեցրեց, որ այդ պատճառով ԱԺ-ից որեւէ մեկն աշխատանքից չի ազատվել:
«Ծառայողական քննություն չի իրականացվել: Ազգային ժողովի պետական ծառայողները օրենքով սահմանված քաղաքական զսպվածության պահանջ ունեն: Հայտարարությունը, որը հրապարակային արվել է ֆեյսբուք սոցիալական կայքում, իր մեջ առերեւույթ պահել է քաղաքական զսպվածության խախտման հատկանիշներ: Վահե Դանիելյանի անմիջական ղեկավարի՝ վարչության պետի կողմից ներկայացվել է զեկուցագիր եւ բաժնի նախկին ղեկավարին առաջարկվել է բացատրագիր ներկայացնել: Պարոն Դանիելյանը բացատրագիրը ներկայացրել է, որի արդյունքում ծառայողական քննություն չի իրականացվել: Նույնը իրականացվել է մեկ այլ աշխատողի նկատմամբ, որը եւս առերեւույթ քաղաքական հայտարարություն էր արել: Ուումնասիրությունները ցույց են տվել, որ չկա կոնկրետ քաղաքական ուղղվածություն եւ քաղաքական զսպվածության խախտումը չի հիմնավորվում: Ասեմ, որ Վահե Դանիելյանը մեր լավագույն աշխատողներից մեկն էր եւ ԱԺ աշխատակազմը Վահե Դանիելյանի ազատումը ափսոսանքով է ընդունում, բայց տեղափոխումը՝ մեծ ուրախությամբ»,- ասաց Բաբայանը:
Վահե Դանիելայնը մեզ հետ զրույցում եւս ասել էր, որ ԱԺ-ից հեռացել է սեփական դիմումի համաձայն: Նա այժմ աշխատում է կառավարության աշխատակազմում: Մյուս աշխատակիցն էլ, Արսեն Բաբայանի փոխանցմամբ, շարունակում է աշխատել խորհրդարանի աշխատակազմի իրավաբանական վարչությունում՝ որպես առաջատար մասնագետ:
Բացի այս՝ Ազգային ժողովի աշխատակազմում մեկ փոփոխություն էլ է եղել: Հունիսի 12-ից լրատվության եւ հանրության հետ կապերի վարչությունը ղեկավարում է Կնյազ Սարոյանը: Նրա հետ կնքվել է պայմանագիր՝ 6 ամիս ժամկետով՝ օրենքի շրջանակներում, իսկ դրանից հետո, Բաբայանի փոխանցմամբ, հայտարարվելու է մրցույթ տվյալ վարչության ղեկավարի թափուր պաշտոնի համար:
Արսեն Բաբայանն էլ ապրիլի 9-ից է զբաղեցնում ԱԺ աշխատակազմի ղեկավարի տեղակալի պաշտոնը: Բացի այս՝ նա նաեւ վերահսկում է մի քանի բաժին: Բաբայանից տեղեկացանք, որ նա համակարգում է ԱԺ աշխատակազմի անձնակազմի կառավարման, իրավական սպասարկման, քաղաքացիների ընդունելության և նամակների ստորաբաժանումները, ինչպես նաև ընդհանուր բաժինը։
«Ինձ չի վստահվել 3-4 բաժին: Իրականում աշխատակազմի ղեկավարի տեղակալների գործառույթները հենց աշխատակազմի կառուցվածքային ստորաբաժանումների համակարգումն է: Յուրաքանչյուր տեղակալ իր ոլորտային համակարգման պարտականությունն ունի: Մի քանի ստորաբաժանում ես եմ համակարգում, մի քանիսը մյուս տեղակալն է համակարգում»,- եզրափակեց նա:
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
© 2024 Հայկական ժամանակ