Հայկն առաջին անգամը չի կորչում. երբեմն հարևաններն են նրան գտել, երբեմն էլ՝ ոստիկանությունը

Արդեն 6-րդ օրն է՝ աուտիզմով հիվանդ 14-ամյա Հայկ Հարությունյանին հայտնաբերել չի հաջողվում:

Հունիսի 11-ից ոստիկանության Մասիսի բաժնի կողմից որոնվող 14-ամյա երեխային վերջին անգամ տեսել են երեկ՝ հունիսի 13-ի առավոտյան, Արագած գյուղում, գյուղացիներն հայտնել են, որ տղային տեսել են ծառի տակ քնած:

Այս պահին շարունակում են աուտիզմով հիվանդ 14-ամյա Հայկի որոնողական աշխատանքները, որին մասնակցում են  մի խումբ կամավորներ, փրկարարներ, ինչպես նաեւ երեխայի հարազատները, սակայն այս պահի դրությամբ նրան գտնել չի հաջողվում: Հիմնական որոնողական խումբը կենտրոնացած է Արագածոտնում, որտեղ վերջին անգամ տեսել են նրան:

Մեր տեղեկություններով, սա առաջին դեպքը չէ, երբ 14-ամյա Հայկը հեռացել է տանից եւ կորել: Նա պարբերաբար դուրս է եկել տանից, երբեմն հարեւաններն են գտել եւ երեխային հանձնել ծնողներին: Իսկ վերջին դեպքն էլ տեղի է ունեցել սույն թվականի մայիսի 24-ին. երեխային հայտնաբերել են Նորագավիթում, ոստիկանները նրան հանձնել են ծնողներին: Դեպքեր են եղել, երբ ծնողները երեխայի կորելու վերաբերյալ անգամ ոստիկանություն հաղորդում չեն ներկայացրել:

Մեր զրույցում Հայկի եղբայրը՝ Գոռը, հաստատեց, որ Հայկը էլի էր հեռացել տանից, սակայն սա միակ դեպքն է, երբ երեխային օրերով հնարավոր չի լինում գտնել: Գոռը տեղեկացրեց, որ եղբոր կորելուց հետո՝ մեկ ժամ անց ծնողներն արդեն ոստիկանությունում են եղել՝ միանգամից տեղեկացրել եւ որոնողական աշխատանքները սկսել:

Հայկի ընտանիքը մոտ 15 տարի ապրել է Երեւանում, ապա տեղափոխվել եւ բնակվում են Արարատի մարզի Այնթափ գյուղում: Գոռը մեզ հայտնեց, որ աուտիզմով հիվանդ եղբոր առողջական վիճակով բժիշկներն են զբաղվում, սակայն նշեց, որ հավելյալ ինֆորմացիա չի կարող տրամադրել, քանի որ գտնվում է հոգեբանորեն ծանր վիճակում:

Արագածում գտնվող կամավորներից Կարինե Հարությունյանը մեզ հետ զրույցում ասաց, որ սպասում են ԱԻՆ-ի հայտարարությանը, որ հասկանան, թե ինչ ուղղությամբ շարժվեն: «Մենք արդեն 4 օրից ավելի է՝ փնտրում ենք, իմ տղայի տարիքին է, ես ինքս չեմ կարող տանը հանգիստ նստել, միացել եմ, ամեն ինչ անելու ենք, որ գտնենք»,- ասաց Հարությունյանը:

Հայկը տնից դուրս է եկել հունիսի 8-ին՝ ժամը 17:00-ի սահմաններում: Տնից դուրս գալիս նրա հագին եղել է կանաչ շապիկ եւ շորտ, նա ոտաբոբիկ է: Մազերը կարճ, ինչպես պատկերված է նկարում:  

Հունիսի 14-ին՝ ժամը 00:56-ի դրությամբ ՀՀ ԱԻ նախարարի հրամանով՝ որոնողական աշխատանքներն ուժեղացված ռեժիմով շարունակվելու հայտարարություն է արվել: Որոնողական աշխատանքներն իրականացվում են 8 ուղղությունով. հետախուզվում են դաշտային տարածքները, ջրանցքի մոտակայքը, գյուղի անասնագոմերը, փողոցները, գերեզմանատունը եւ այգիները:

Ժամը 12:00-ի դրությամբ որոնողական աշխատանքներին մասնակցում է 161 փրկարար, 10 կամավոր եւ ոստիկանությունից 2 կինոլոգ՝ շներով: Որոնողական աշխատանքների ընթացքում կիրառվել են անօդաչու թռչող սարքեր: Որոնողական աշխատանքների մասնակից Անի Պետրոսյանն էլ ֆեյսբուքյան իր էջում տեղեկացրել է, որ Հայկին տեսնողներն ասել են, որ երեխան հյուծված վիճակում է, ուստի այս խմբին է միացել նաեւ բուժքույր, որպեսզի բժշկական աջակցություն ցուցաբերի տղային:

Հայկի եղբայրը դիմել է նաեւ Հեռուստաընկերություններին, սակայն զբաղվածության պատճառով չի հասցրել հետեւել՝ արդյո՞ք Հայկի մասին հայտարարություն արվել է, թե՞ ոչ: «Ինքս շատ զբաղված եմ եղել, որպեսզի հստակ տեսնեմ, կարդամ, կամ լսեմ, որ համոզված լինեմ, որ տարածվում է եղբորս անհետացման լուրը»,- հավելեց Գոռ Հարությունյանը:

Նշենք, որ կամավորները կարող են օգնել՝ միանալով տարածաշրջաններից որեւէ մեկում ընթացող աշխատանքներին, մասնավորապես. 

Էջմիածնի, Մեծամորի, Արմավիրի շրջաններում կամավորներին համակարգողների հետ կապվելու համար զանգահարել 00446633 (Անի):

Արարատի, Արտաշատի կամավորներին համակարգողների հետ կապվելու համար զանգահարել 094551854 (Հովնան):

Աշտարակի, Եղվարդի կամավորներին համակարգողների հետ կապվելու համար զանգահարել 099070277 (Սուրեն):

Տպել
5072 դիտում

Վենետիկի հանձնաժողովը պատրաստ է խորհրդատվական կարծիք տրամադրել Քոչարյանի գործով. Թովմասյանը գրություն է ստացել

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը

Կամ գտնվում են իրավական հիմնավորումներ, որոնցով հանքը փակվում է, կամ այդ հանքը շահագործվում է․ հանրաքվեն տարբերակ չէ

Շոգն աստիճանաբար կնվազի. եղանակը՝ Հայաստանում

Հրդեհներ Ամազոնի անտառներում. կրակը տարածվում է աննախադեպ արագությամբ

Պետական պարտքի դինամիկան թույլ է տալիս եզրակացնել, որ ռիսկերը կառավարելի են. Ջանջուղազյան

ՀՊՏՀ-ի ռեկտորի ժամանակավոր պաշտոնակատար է նշանակվել Դիանա Գալոյանը

Մեղավորության կանխավարկա՞ծ. Հերոյանը` քիլլե՞ր

Սյունիքի մարզում այրվում է մոտ 100 հա բուսածածկույթ (տեսանյութ)

Օդային աղետի պատճառների լաբիրինթոսում. անպատասխան հարցեր

Պետք է ապավինել մասնագետների փորձաքննության արդյունքներին եւ առաջնորդվել դրանցով. նախարար

Պայքար կյանքի եւ մահվան միջեվ. հրաշքի հնարավորությունը չի բացառվում

Ադրբեջանի հետ օպերատիվ կապը գործում է բավականին կայուն. ԱԳ նախարար

Այրվում է երկրագնդի ամենախիտ ու ընդարձակ անտառներից մեկը՝ Ամազոնը. Սուրենյան

Երբ Թրամփի կամ Պոմպեոյի հետ հանդիպելու պահը գա, դա կլինի. Մնացականյան

Սուրիկ Խաչատրյանի որդին՝ Տրդատ Խաչատրյանը, ճանաչվել է ոչ պիտանի զինվորական ծառայության համար

Սահմանադրական դատարանը փոխնախագահ չունի․ չի իրականացվել Սահմանադրական դատարանի մասին օրենքի պահանջը

Խոշոր հրդեհ Լոռիում. հրշեջներին հաջողվել է կանխել հրդեհի տարածումը (լուսանկարներ)

Գեղարքունիքի մարզում արձանագրվել է սիբիրյան խոցի հաստատված 8 դեպք

Կառավարությունը կսուբսիդավորի զինծառայողներին տրամադրվող հիփոթեքային վարկերի տոկոսադրույքն ու կանխավճարը