Մեր ժողովուրդները կապված են խորը թելերով. ԱԳ նախարարի ելույթը Ռուսաստանի օրվա առթիվ

ՀՀ Արտաքին գործերի նախարար Զոհրաբ Մնացականյանը ելույթ է ունեցել ու շնորհավորել Ռուսաստանի օրվա կապակցությամբ.

Հարգարժա՛ն Սերգեյ Պավելի,
Նախևառաջ, ևս մեկ անգամ,
բարի գալուստ Հայաստան։
Տիկնայք և պարոնայք
Սիրելի՛ ընկերներ,

Սրտանց շնորհավորում եմ ռուս ազգին Ռուսաստանի օրվա կապակցությամբ։

Այս օրը ռուս ժողովուրդը հարգանքի տուրք է մատուցում իր հայրենիքին․ հազարամյա պատմություն և յուրօրինակ մշակութային ժառանգություն ունեցող երկիր, որն ահռելի տարածության վրա միավորել է բազմաթիվ ազգեր, մշակույթներ և ճակատագրեր:

Այս տոնի ժողովրդականության մասին է վկայում նաև այն փաստը, որ ռուս ժողովուրդն այն տոնում է ոչ միայն հայրենիքում, այլև դրա սահմաններից դուրս՝ ընկերների շրջապատում, և ինչպես տեսնում եք այսօր՝ ընկերների այդ շրջապատը բավականին մեծ է:

Մեր ժողովուրդները կապված են բազմաթիվ խորը թելերով, ամուր հիմքով, որի վրա էլ կառուցվում են Հայաստանի և Ռուսաստանի բազմակողմանի միջպետական հարաբերությունները՝ վստահորեն զարգանալով դաշնակցային համագործակցության հունով: Այս ռազմավարական ուղղությունն անշեղորեն զարգանում է Հայաստանի և Ռուսաստանի միջև կնքված Բարեկամության, համագործակցության և փոխադարձ օգնության մասին պայմանագրով և դաշնակցային փոխգործակցության մասին հռչակագրով ամրագրված սկզբունքների հիման վրա:Հայ-ռուսաստանյան դաշնակցային ռազմավարական հարաբերությունները հենվում են ամուր իրավապայմանագրային դաշտի վրա, աչքի են ընկնում բարձր մակարդակի ակտիվ երկխոսությամբ, արտաքին քաղաքականության լայն համադրմամբ, բազմակողմ միջազգային, տարածաշրջանային հարթակներում կառուցողական համագործակցությամբ, անվտանգության, ռազմական և ռազմատեխնիկական ոլորտներում արդյունավետ փոխգործակցությամբ: Ինտենիվ կապեր են պահպանվում երկու երկրների կառավարությունների, խորհրդարանների, տարբեր գերատեսչությունների միջև: Ընդլայնվում է արդյունավետ համագործակցությունը առևտրատնտեսական, էներգետիկ, տրանսպորտի, նորարարական տեխնոլոգիաների, հանքարդյունաբերության ոլորտներում, իրականացվում են կարևոր ներդրումային ծրագրեր, տարեցտարի նոր թափ են առնում միջտարածաշրջանային կապերը, հետևողականորեն զարգանում է համագործակցությունը հումանիտար և այլ ոլորտներում:

Մենք բարձր ենք գնահատում Լեռնային Ղարաբաղի հակամարտության բացառապես խաղաղ կարգավորման գործում Ռուսաստանի՝ որպես ԵԱՀԿ Մինսկի խմբի համանախագահ երկրի միջնորդական ջանքերը:

Մեր երկրների բարեկամական հարաբերությունների ամրապնդման գործում նշանակալի ներդրում ունեն Ռուսաստանում հայ համայնքը, ինչպես նաև Հայաստանում բնակվող ռուսները, ովքեր դարձել են մեր պետություններն և ժողովուրդներին իրենց ճակատագրերով, դրանց միահյուսվածությամբ իրար կապող կարևոր կենդանի կամուրջ։

Կցանկանայի երախտագիտությունս հայտնել բոլոր նրանց, ովքեր իրենց ներդրումն են ունեցել և շարունակում են ունենալ մեր եղբայրական ժողովուրդների բարեկամության մեջ: Ովքեր իրենց ամենօրյա ոչ միշտ բարձրաձայնվող աշխատանքի շնորհիվ փորձում են հարստացնել Այն: Համոզված եմ, որ համատեղ ջանքերի շնորհիվ հայ-ռուսաստանյան հարաբերությունները կշարունակեն առավել ամրապնդվել՝ ի բարօրություն մեր պետությունների և ժողովուրդների, ի շահ Հարավային Կովկասում խաղաղության, անվտանգության և կայունության:

Եվս մեկ անգամ շնորհավորում եմ ողջ ռուս ժողովրդին Ռուսաստանի օրվա կապակցությամբ:
Ցանկանում եմ բոլոր ներկաներին առողջություն և հաջողություն, Ռուսաստանին և ողջ ռուս ժողովրդին՝ խաղաղություն և բարգավաճում:

Տպել
812 դիտում

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան