Փոխնախարարը պաշտոն չունենալով՝ վարչապետի հետ մեկնել է Սոչի. պատվիրակության կազմում չի եղել

Լուսանկարում՝ ԱԳ փոխնախարար Ռուբեն Ռուբինյանը՝ 3-րդ շարքում

Նիկոլ Փաշինյանը վարչապետի պաշտոնում առաջին աշխատանքային այցն արտերկիր կատարեց մայիսի 13-14-ին: Նա Սոչիում մասնակցեց ԵԱՏՄ բարձրագույն խորհրդի նիստին: 17 հոգանոց պատվիրակության այս այցը պետբյուջեի վրա արժեցել է ընդամենը 836 հազար 400 դրամ: Պատվիրակության կազմին տրվել է միայն երկու օրվա օրապահիկի գումար՝ յուրաքանչյուրին 49 հազար 200 դրամ՝ կառավարության 2005 թվականի 2335-Ն որոշմամբ սահմանված նորմատիվների համաձայն:

Մնացած ծախսերը, ըստ կառավարությունից ՀԺ-ին տրամադրած գրավոր պատասխանի՝ կատարվել են ընդունող կողմի հաշվին: Սակայն կառավարությունից չեն պատասխանել մեր կարեւոր հարցերից մեկին, թե որքա՞ն գումար է ծախսվել ինքնաթիռի սպասարկման եւ տեղափոխման համար:

«Ինքնաթիռի սպասարկման եւ տեղափոխման ծախսերը հնարավոր կլինի ներկայացնել հետագայում՝ սպասարկումն իրականացրած «Ավիաուսումնական կենտրոն» ՓԲԸ-ի կողմից կատարված ծախսերը հիմնավորող փաստաթղթերի ներկայացման հիման վրա»,- ասված է ՀԺ-ի գրավոր հարցումին ի պատասխան:

Հետաքրքրվել էինք նաեւ, թե ովքեր են եղել պատվիրակության կազմում: Պատասխանում նշված է, որ պատվիրակությունում եղել են վարչապետ Նիկոլ Փաշինյանը, փոխվարչապետ Տիգրան Ավինյանը, արտաքին գործերի նախարար Զոհրաբ Մնացականյանը, վարչապետի օգնական Վարուժան Ներսեսյանը, պետական պահպանության ծառայության պետ Հրաչյա Հարությունյանը (Կրակեմ Հրաչ), ԱԳ նախարարի խորհրդական Արմեն Ղեւոնդյանը, ԱԳՆ «Պետական արարողակարգային ծառայություն» գործակալության առաջին քարտուղար՝ Մարատ Մելիքյանը, նույն ծառայության ղեկավարի տեղակալ Արման Աղաջանյանը, կառավարության լրատվականի աշխատակիցներ Տիգրան Մեհրաբյանը, Կարեն Ազատյանը, Արմեն Խաչատրյանը, Արմեն Շահինյանը եւ Պետական ծառայության աշխատակիցներ Գեւորգ Մովսեսյանը, Արթուր Գասպարյանը, Կարեն Սիմոնյանը, Արտակ Հակոբյանը, Գոռ Թումասյանը, ինչպես նաեւ տարբեր լրատվամիջոցների 9 աշխատակից: Կառավարությունը հոգացել է միայն լրագրողների տեղափոխման հարցը:

Նշենք, որ պատվիրակության կազմում է եղել ՀՀ արտաքին գործերի ներկայիս փոխնախարար Ռուբեն Ռուբինյանը: Ուշագրավն այն է, որ Ռուբինյանն այդ օրերին որեւէ պաշտոն չի ունեցել եւ անհասկանալի է, թե նա ինչու էր մեկնել այս պատվիրակության հետ:

Լուսանկարներում՝ Ռուբեն Ռուբինյանը մասնակցում է ԵԱՏՄ բարձրագույն խորհրդի նիստին

Նրա անունը չկա անգամ կառավարության կայքում տվյալ այցի պատվիրակության կազմի հաստատված ցանկում: Ռուբինյանը մեր ուշադրության կենտրոնում հայտնվեց, քանի որ այդ օրերին նրա անունն էր շրջանառվում ՀՀ վարչապետի մամուլի խոսնակի պաշտոնի համար: Նրա այնտեղ գտնվելը բացատրվում էր ապագա խոսնակի կարգավիճակով: Սակայն Ռուբինյանի անվան բացակայությունը պատվիրակության ցանկից տպավորություն է ստեղծում, որ նրա այցը զբոսաշրջիկի մակարդակի է եղել:

Լուսանկարներում՝ Սոչի մեկնած պատվիրակության ցանկն է, աղբյուրը՝ e-gov.am

Տեղեկությունը փորձեցինք ճշտել անձամբ Ռուբինյանից: Մեր հարցին, թե ինչո՞ւ է մեկնել Փաշինյանի հետ, նա պատասխանեց. «Ես այնտեղ եղել եմ որպես վարչապետի օգնական»:

Դիտարկմանը, որ նրա անունը չկա պատվիրակության հաստատված կազմում, Ռուբինյանն ասաց. «Որոշման մեջ, թե ինչու չեմ եղել, դա պետք է աշխատակազմից ճշտեք»:

Հարցին՝ վարչապետը ե՞րբ է իրեն օգնական նշանակելու հրաման ստորագրել, քանի որ e-gov.am կայքի որոշումներ բաժում նման հրաման չկա, փոխնախարարը պատասխանեց. «Այդ բաներին ես տեղյակ չեմ, ճիշտն ասած, թղթաբանական մանրամասներից տեղյակ չեմ»:

Այս պահի դրությամբ՝ վարչապետ Նիկոլ Փաշինյանը, ըստ կառավարության պաշտոնական կայքի, ունի երկու օգնական՝ Արեն Մկրտչյանն ու Նաիրի Սարգսյանը: Ռուբեն Ռուբինյանն էլ մայիսի 30-ին է նշանակվել ԱԳ փոխնախարար՝ Սոչի կատարած այցից ուղիղ 15 օր հետո:

Տպել
25018 դիտում

ՍԴ նախագահի պաշտոնին կեղծիքով տիրացած անձը թանկարժեք ընծա էր մատուցել վարչապետին. Ն. Փաշինյանի նոր գրառումը

Ախր հեչ հանդուրժելու բաներ չեն

Խոշոր ավտովթար Լոռու մարզում. բախվել է 3 մեքենա. մեկը կողաշրջվել է.կան վիրավորներ (լուսանկարներ)

Աջափնյակում մեկնարկել են ապօրինի կրպակների ապամոնտաժման աշխատանքները

Կարևոր է, որ Իսրայելն առաջնային դեր ունենա և ճանաչի Հայոց ցեղասպանությունը. Ա. Սարգսյանը հանդիպել է Իսրայելի նախագահին

Բանակի օրվա առիթով Սուրբ Պատարագ և պարգևաբաշխություն է տեղի ունեցել Մայր Աթոռ Սուրբ Էջմիածնում

«Արմատական ընդդիմություն»-ը գազո՞վ է աշխատում

Աղմուկ հայկական ուշուում. ֆեդերացիայի անդամները կարծում են՝ նախկին նախագահի օրոք ֆինանսական չարաշահումներ են եղել

ՀՀ ԱԳՆ-ն ցավակցել է Թուրքիային՝ ավերիչ երկրաշարժի կապակցությամբ

Վանաձորում մեքենան բախվել է էլեկտրասյանը, հետո՝ ծառին. կա 5 վիրավոր (լուսանկարներ)

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Արցախի նախագահի թեկնածուներն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել