Տնփեսա, խալաստոյ թվեր, մերկ եւ փայլուն բան. սերն ու համերաշխությունը ԱԺ-ին շրջանցել է

Երեկ Ազգային ժողովը հավանություն տվեց Նիկոլ Փաշինյանի կառավարության ծրագրին: Փաշինյանն այս ծրագիրը համարում է հեղափոխական: Հանրապետական խմբակցության քաղաքական թեւի պատգամավորները հանդես եկան քննադատական ելույթներով: Նախկին իշխանության այս պահվածքը չհանդուրժեց գործող կառավարության մաս կազմած ԲՀԿ-ն: ՀՀԿ-ականները իրենց քննադատություններում առիթը բաց չէին թողնում ԲՀԿ-ին, ՀՅԴ-ին «խայթելու»: Պարբերաբար ՀՀԿ-ականները հիշեցնում էին անցյալում նրանց իշխանության մաս լինելու հանգամանքը եւ  բարիքներից իրենց հետ հավասարաչափ օգտվելու փաստը:

ՀՀԿ էլիտայից Արմեն Աշոտյանը, մասնավորապես, ԲՀԿ-ին նոր կառավարությունում «տնփեսա» կարգավիճակը տվեց:

«Վարչապետի ելույթը դուրս եկավ, լավ խոսեց, ավելի լավ խոսեց, քան ծրագիրն էր ներկայացված։ Ելույթն ավելի լավն էր, քան հարցուպատասխանը, հարցուպատասխանն էլ ավելի լավն էր, քան ծրագիրը»,- Աշոտյանն իր ելույթը սկսեց նման հեգնական տոնով, ապա ոգեւորվելով՝ հասավ ԲՀԿ-ին:

Արմեն Աշոտյանին դուր չէր եկել այն, որ Ծառուկյան խմբակցությունից Նաիրա Զոհրաբյանը թվեր պահանջող ՀՀԿ-ին իր հեգնական ելույթով մատնացույց արեց Հանրապետականի իշխանության «խալաստոյ» թվերը:

«ՀՀԿ-ականների սիրտը քանի որ թվեր է ուզում, ասում են՝ այս կառավարության ծրագրում թվեր չկան գործազրկության, աղքատության կրճատման, ներդրումների եւ այլն: Որոշեցի կրկին անգամ թերթել վերջին տարիների ՀՀԿ-ական կառավարությունների «խալաստոյ կրակած», ու այդպես էլ իրականություն չդարձած թվերն ու խոստումները: Միասին վերհիշենք ՀՀԿ կառավարությունների ծրագրային խոստումները՝ ՀՀԿ-ականների սիրած թվերի տեսքով ու սկսենք ամենամեծ բլեֆից: 2017-ի կառավարության ՀՀԿ-ական վարչապետը ԱԺ բարձր ամբիոնից հայտարարեց 850 մլն դոլարի ներդրումների մասին: Հետո կից նախարարները սկսեցին հայտարարության տակ բովանդակություն կարելու անհաջող փորձեր, արդյունքում՝ բյուջեի ծախսային մասը ներկայացվեց՝ որպես ներդրում: Սա, ինչպես հասկանում եք, համաշխարհային տնտեսագիտության մեջ աննախադեպ ֆոկուս էր՝ բլեֆագիտության ժանրից»,- մասնավորապես, ասաց պատգամավորը: 

Աշոտյանն էլ սրան ի պատասխան հայտարարեց. «Նման ելույթներով ձեր քաղաքական թիմին ավելի շատ վնաս եք տալիս, քան օգուտ։ Ավելի լավ է լինել հալածվող ընդդիմություն, քան կառավարության մեջ տնփեսայի կարգավիճակում հանգրվանած քաղաքական ուժ»։

Սա հունից հանեց խորհրդարանի ԲՀԿ-ականներին: Այս հայտարարությանը հաջորդեց Միքայել Մելքումյանի ելույթը, որտեղ նա Աշոտյանին հիշեցրեց 2015 թվականի հայտնի դեպքերը, թե «Էլեկտրիկ Երեւանի» մասնակիցները ինչ էին բղավում Աշոտյանի հասցեին:

«Պարոն Աշոտյանին ես խնդրում եմ, թող ինքը գնա, բացի նայի՝ էներգետիկ շարժման ժամանակ Բաղրամյան փողոցում հազարավոր մարդիկ ինչ էին խոսում, ինքն էլ ներկա էր։ Հիշեք էներգետիկ շարժումը, թե Աշոտյանն ով էր հեղափոխությունից առաջ»,- ասաց նա:

Սա էլ ավելի թեժացրեց կրքերը, երբ Արմեն Աշոտյանը վարման կարգով փորձեց ելույթ ունենալ: Այդ ժամանակ մեջ ընկավ Ծառուկյան դաշինքից Արթուր Մանուկյանը. դիմելով Աշոտյանին՝ ասաց. «Էշ-էշ մի խոսա»:

Այնուհետեւ իրավիճակը վերահսկողությունից դուրս եկավ: Վիճաբանությանը միջամտեցին ՀՀԿ-ից Միհրան Պողոսյանը եւ Վահրամ Բաղդասարյանը, մի շարք պատգամավորներ տեղերից բարձրացան, կուտակվեցին նիստերի դահլիճի կենտրոնում: Նապոլեոն Ազիզյանը Աշոտյանին դուրս տարավ, որ կրքերը հանդարտվեն: Կարելի է ասել, որ ԱԺ-ում կանխվեց սկանդալային ծեծկռտուքը:

Այնուհետ ելույթ ունեցավ Ծառուկյան խմբակցության քարտուղար Վահե Էնֆիաջյանը եւ կրկին անդրադարձավ Աշոտյանի հայտարարությանը:

«Պարո՛ն Աշոտյան, դուք ջերմոցային պայմաններում աճած քաղաքական գործիչ եք: Ես մեկ անգամ ասել եմ եւ էլի կասեմ, որ ամեն մի մերկ եւ փայլուն բան չէ, որ գլուխ է»:

Վարչապետ Նիկոլ Փաշինյանը ՀՀԿ-ԲՀԿ սկանդալային դեբատներին հետեւում էր ժպիտով:

Նյութը տպագրվել է «Հայկական ժամանակ»-ի հունիսի 8-ի համարում:

Տպել
5930 դիտում

Ամուլսարի հարցը որեւէ սցենարով չի լուծվելու, քանի դեռ ճանապարհը փակ է․ վարչապետը ենթադրում է՝ «Լիդիան»-ը կդիմի արբիտրաժ

ԱՀ նախագահի թեկնածու Աշոտ Ղուլյանն արձագանքել է ՀՀ Վարչապետ Նիկոլ Փաշինյանի հարցադրմանը

Երեկ հրազենային վիրավորում ստացած զինծառայողներից մեկը կյանքի հետ անհամատեղելի վիրավորում ունի. Դավիթ Տոնոյան

Սերժ Սարգսյանի զագրեբյան ելույթը խղճահարության արժանի դրսեւորում էր․ Նիկոլ Փաշինյան

Իմ կոստյումը գիտե՞ք ինչով է տարբերվում Սերժ Սարգսյանի կոստյումից․ Նիկոլ Փաշինյան

Մեր իշխանությունը չի անում քաղաքական առեւտուր․ վարչապետ

ՀՀ նախագահ Արմեն Սարգսյանը շնորհավորական ուղերձ է հղել Չինաստանի նախագահին

Կան բազմաթիվ քաղաքացիներ, ովքեր 2017-ին ընտրակաշառք են վերցրել, իսկ 2018-ին դարձել են «նոր» Հայաստանի քաղաքացի․վարչապետ

Հայ դիրքապահների ուղղությամբ արձակվել է ավելի քան 700 կրակոց

2018-ի մայիսից ամենօրյա, ամենշաբաթյա, հետո ամենամսյա ռեժիմով Հ․ Թովմասյանն իր ծառայություններն է առաջարկել ինձ․ Փաշինյան

Տարածաշրջանում խաղաղության եւ կայունության ապագայի պատասխանատվությունը անձնապես կրում ենք մենք․ Նիկոլ Փաշինյան

Մեղավորը բանտում է. Իրանի ԱԳՆ-ն՝ Իրանի օդային տարածքում ուկրաինական Boeing 737 ինքնաթիռի կործանման մասին

Թող Արցախի նախագահի թեկնածուները ասեն՝ իրենց համար ընդունելի՞ է Սերժ Սարգսյանի թողած ժառանգությունը. Նիկոլ Փաշինյան

Փաշինյանը ոստիկանապետի եւ ԱԱԾ տնօրենի պաշտոններում տեսնում է ներկա պաշտոնակատարներին

Ռեւանշի փորձեր են եղել եւ այդ փորձի ողնաշարը ջարդված է. Նիկոլ Փաշինյան

Բոլոր քաղաքացներին, որոնք կազինոյում պարտվել են, տո՞ւն ենք տալիս․ Փաշինյանը բացատրեց՝ Գյումրիում ով տուն կստանա, ով՝ ոչ

Սա ՀՀ ԶՈւ-երի զինանշանը չէ, այլ՝ ՀՀ ՊՆ տարբերանշանի տարբերակը. Արծրուն Հովհաննիսյանը՝ ՀՀ ՊՆ տարբերանշանի տարբերակի մասին

Ապրիլյան պատերազմի վերաբերյալ մանրամասն քննարկում եմ ունեցել ՌԴ մեր գործընկերների հետ․ Փաշինյան

Վանաձորի ավտոտնակներից մեկում 6 հատ սառնարան եւ կահույք է այրվել

Նախագահ Արմեն Սարգսյանը շնորհավորական ուղերձ է հղել Հունաստանի նորընտիր նախագահին