Թուրքիայի և ԵՄ-ի միջև կայացել է վիզաների ազատականացման վերաբերյալ հերթական հանդիպումը

Մայիսի 31-ին Անկարայում կայացել է Թուրքիայի և Եվրամիության միջև վիզաների ազատականացման թեմայի վերաբերյալ հանդիպումը։ Այն անցկացվել է ԵՄ հանձնաժողովի միգրացիայի հարցերով վարչության փոխտնօրեն Սիմոն Մորդյուի և Թուրքիայի ԱԳՆ հյուպատոսական հարցերի վարչության տնօրեն Մեհմեթ Սամսարի նախագահությամբ և ԵՄ հարցերով նախարարության, արդարադատության ու ներքին գործերի նախարարության ներկայացուցիչների մասնակցությամբ։

Հանդիպման ժամանակ քննարկվել է վիզաների ազատականացման երկխոսության շրջանակներում չբավարարված ԵՄ չափանիշների վերաբերյալ դեռևս փետրվարին Թուրքիայի կողմից ԵՄ-ին ներկայացված աշխատանքային պլանը, փոխանցում է Ermenihaber-ը՝ հղում անելով Anadolu գործակալությանը։

Եվրոպայի հանձնաժողովի ներկայացուցիչները այդ աշխատանքային պլանը գնահատել են որպես ԵՄ չափանիշների բավարարմանն ուղղված դրական քայլ և գոհունակություն հայտնել վիզաների ազատականացման շուրջ բանակցությունների վերսկսման առթիվ։ Համաձայնություն է ձեռք բերվել՝  առաջիկայում ևս շարունակել ներկայացված աշխատանքային պլանի հետ կապված տեխնիկական աշխատանքները։

Նշենք, որ փետրվարին ԵՄ պատվիրակության հետ կայացած հանդիպման ժամանակ թուրքական կողմը համոզմունք էր հայտնել, որ Թուրքիան արդեն լիովին բավարարում է առաջադրված 72 չափանիշին, մինչդեռ ԵՄ պատվիրակությունը բավարար էր համարել միայն դրանցից 65-ի վիճակը։

Ակնկալվում է, որ նշված տեխնիկական աշխատանքներից հետո ԵՄ պատվիրակությունը զեկույցի միջոցով կտեղեկացնի ԵՄ անդամ երկրներին, որ ներկայացված չափանիշները բավարարվել են Թուրքիայի կողմից և կառաջարկի ներդնել առանց վիզայի ռեժիմը։ Դրանից հետո ԵՄ անդամ երկրների արդարադատության և ներքին գործերի նախարարներից կազմված խորհորդը պետք է համաձայնության գա հարցի շուրջ։

Այնուհետև թեման կբերվի Եվրախորհրդարանի օրակարգ և քվեարկության կդրվի։ Հաստատվելու դեպքում փաստաթուղթը պետք է հավանության արժանանա նաև Եվրախորհրդի կողմից։ Թուրքիան ակնկալում է, որ բոլոր այս գործընթացները տեղի կունենան հնարավորինս արագ՝  մինչև Եվրախորհրդարանի ընտրությունները, որոնք նախատեսված են 2019թ․ մայիսին։

Թուրքիայի և Եվրամիության միջև վիզաների ազատականացման վերաբերյալ փոխըմբռնման հուշագիրն ու փախստականների հետ ընդունման մասին պայմանագիրը ստորագրվել էին 2013թ․ դեկտեմբերի 16-ին՝ Անկարայում։ Ձեռք բերված պայմանավորվածության համաձայն՝ փախստականների հետ ընդունման պայմանագիրը պետք է լիովին ուժի մեջ մտներ 2017թ․ հոկտեմբերի 1-ին։ Ինչից հետո՝ 2018թ․ կյանքի էր կոչվելու առանց վիզայի ռեժիմը, որը թույլ կտա կենսաչափական անձնագիր ունեցող Թուրքիայի քաղաքացիներին՝ մինչև 3 ամիս ժամկետով առանց վիզայի գտնվել Շենգենյան գոտու երկրներում։

Տպել
1971 դիտում

Զինված խմբի պարագլուխ համարվող Արթուր Վարդանյանը դատի է տվել Էդուարդ Շարմազանովին

Սիրիայում 4 երեխա է զոհվել, 9-ը՝ ծանր վիրավորում ստացել, իր տունը հարկադրված լքել է 70 հազար երեխա. ՅՈՒՆԻՍԵՖ

Երեւանի աղբահանության հիմնարկի բաժիններից մեկի պետը դուրս է գալիս աշխատանքից

Զորավարժությունների արդյունքում մեր վստահությունն ավելացել է մեր ԶՈՒ-ի և հավաքական ուժի նկատմամբ. վարչապետ

Գյումրիում այրվել է մոտ 10 հա խոտածածկ տարածք և 20 պտղատու ծառ

Շուշի քաղաքում բացվել է հայ-իրանական գիտամշակութային կենտրոն

Երևանում և ևս 7 մարզում այսօր էլեկտրաէներգիայի անջատումներ կլինեն

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները