Հեղափոխություն է տեղի ունեցել, բայց ոչ դատական համակարգում. զինված խմբի պարագլուխ

Երկարատեւ դադարից հետո այսօր Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արմեն Բեկթաշյանի նախագահությամբ վերսկսվեց 2015 թվականին ԱԱԾ-ի կողմից մեծ աղումկով վնասազերծված զինված խմբի գործով դատական նիստը:

Երկրում տեղի ունեցած իշխանափոխությունից հետո այսօր պաշտպանական կողմը թվով 8 միջնորդություն ներկայացրեց՝ խմբի 8 անդամներին ազատ արձակելու վերաբերյալ: Դատական նիստն անցավ լարված մթնոլորտում: Մասնավորապես, նման միջնորդություններով հանդես եկան ամբաստանյալներ Ապար մականունով հայտնի Էդվարդ Ներսիսյանի, Վլադիմիր Առաքելյանի, Արթուր Վարդանյանի, Վահան Շիրխանյանի, Խաչիկ Ավետիսյանի, Գեւորգ Ջնդոյանի, Արա Պողոսյանի ու Հարություն Սարիբեկյանի պաշտպանները:

Էդվարդ Ներսիսյանի պաշտպան Կարմեն Պողոսյանը միջնորդեց ազատ արձակել իր պաշտպանյալին: Նա նշեց իր պաշտպանյալի մի շարք հիվանդությունների մասին, հայտարարելով, որ նրա առողջական վիճակը գնալով վատթարանում է: Նշենք, որ Ներսիսյանը դժվարությամբ է տեղաշարժվում ու խոսում: Կալանավորումից հետո նա ՔԿՀ-ում գլխուղեղի կաթված է ստացել: Նրան ազատ արձակելու միջնորդության դեմ առարակեց մեղադրող դատախազ Գեւորգ Սարգսյանը՝ նշելով, թե չկա առողջական վիճակի վատթարացումը փաստող բժշկական փորձաքննությունների փաստաթուղթ: Ինչի հետ, սակայն, պաշտպանները չհամաձայնեցին: Մասնավորապես պաշտպան Ինեսա Պետրոսյանը նկատեց, որ պաշտպանի միջնորդությունն ակհնայտ հիմնավոր է «Հաց բերող» Արթուր Սարգսյանի դեպքում էլ բոլորիս էր հայտնի, թե որքան վատ վիճակում էր նա գտնվում, հիմա էլ Ներսիսյանի դեպքում է ակնհայտ: Սույն քրեական գործով 8 հոգի գտնվում են ազատության մեջ եւ ըստ էության չի եղել մի դատական նիստ, որ գործով 8 ամբաստանյալները չներկայանան կամ դրսեւորեն ոչ պատշաճ վարքագիծ: Տվյալ դեպքում մեղադրանքի կողմը չի կարող որեւէ հիմնավորում ներկայացնել, թե ինչու հատկապես Էդվարդ Ներսիսյանը պետք է մնա կալանքի տակ»,- ասաց Պետրոսյանը:

Պաշտպան Հովիկ Արսենյանն էլ նկատեց, որ այնպիսի իրավիճակ է փոխվել երկրում, որ եթե նույնիսկ մեղադրանքի կողմից նայելիս լինենք, ապա ենթադրվում է, որ ամբաստանյալները ոտնձգություն են կատարել ոչ թե պետության այլ՝ բռնությամբ իշխանությունը զավթած անձանց նկատմամբ, որը վերացել է, գոյություն չունի: Նա նշեց, որ ամբաստանյալների խափնման միջոց կալանքը փոխելու միջնորդությամբ պետք է մեղադրողները հանդես գային: «Բայց Երեւանի սրտում գտնվող ՀՀ գլխավոր դատախազությունը ոնց որ էշի ականջում քնած լինի, կարծես ոչինչ չի փոխվել: Դուք ձեր կամքով հենց այս դատական նիստին պետք է հրապարակեիք նրանց խափանման միջոցները փոխելու որոշումները»,- ասաց Արսենյանը՝ դիմելով դատավոր Արմեն Բեկթաշյանին: Վերջինս էլ ճշտող հարց տվեց պաշտպանին, «Քրեական դատավարության օրենսգիրքն է փոխվե՞լ»: «Յուրաքանչյուր ոք իր արածի համար պետք է պատասխան տա: Կա՞ զենք-զինամթերք, դրա համար պատասխանատվության ենթարկեք, բայց որ ասում եք՝ իշխանությունը զավթելու փորձ, դա հասկանալի չէ»,- շարունակեց Արսենյանը: Դատավորը, սակայն, ընդհատեց պաշտպանին՝ ասելով, որ ինքն արդեն ապացույցներ է հետազոտում: «Դուք արդեն գնահատում եք ապացույցները»,- ասաց դատավորը: Արսենյանը, սակայն, շարունակեց հայտարարությունը: «Ես ասում եմ՝ գնահատականը ժողովուրդն է տվել, էն իշխանությունը չկա, թավշյա հեղափոխություն է տեղի ունեցել, հարգելի դատարան: Դուք պետք է նրանց խափանման միջոցները փոխեիք»,- զայրացած ասաց Արսենյանը: Ինչից հետո բանավեճ սկսվեց նրա ու դատավորի միջեւ: Մասնավորապես Բեկթաշյանն ասաց, որ նման օրենք գոյություն չունի, ապա նշեց, որ ինքը ղեկավարվում է ՀՀ քրեական դատավարության օրենսգրքով: Արսենյանի պնդմանն ի պատասխան դատավորն, ըստ էության, անկեղծացավ. «Սյսինքն, դուք ասում եք՝ մի անօրինականությունից մյուսը արեք»:

Ազատամարտիկ Վլադիմիր Առաքելյանն էլ հայտարարեց, որ առողջական խնդիրներ ունի եւ որ վիրահատությունից հետո իր մոտ բարդություններ են առաջացել. «Իմ քաղաքական հայացքների համար ես արդեն երրորդ անգամ հայտնվում եմ էս զնդանում: Այնպես որ որոշումը ձերն է, իրավիճակ է փոխվել»,- ասաց նա: Երբ մեղադրող դատախազ Գեւորգ Սարգսյանը հայտարարեց, որ միջնորդությունները անհիմն են եւ ենթակա են մերժման, ազատամարտիկ Զիմ մականունով հայտնի Հարություն Սարիբեկյանը զայրացավ: «Հաշվի առե՞լ եք դրդապատճառ, թե ինչու ենք մենք այստեղ: Հաշվի առե՞լ եք, թե ով է այդ դրդապատճառը»,- դիմելով դատախազներին ասաց ազտամարտիկը: Վլադիմիր Առաքելյանը, սակայն, հորդորեց նրան լռել, որպեսզի հետո հակադարձեն դատախազներին, սակայն Զիմն ավելի զայրացավ. «Մի փակեք բերանս, արա՛»: Լարված իրավիճակ ստեղծվեց, ինչի պատճառով դատավորը նիստը կես ժամով ընդմիջեց, ապա վերադառնալով՝ նախազգուշական սանկցիա կիրառեց Վլադիմիր Առաքելյանի եւ Հարություն Սարիբեկյանի նկատմամբ:

Հայտարարությամբ հանդես եկավ նաեւ զինված խմբի պարագլուխ համարվող Արթուր Վարդանյանը: Նա նշեց, որ երկրում իրավիճակ է փոխվել, որը կարծես մեղադրող կողմը չգիտես ինչու չի տեսնում: «Հարյուր-հազարավոր մարդիկ դուրս եկան փողոց եւ տեղի ունեցավ իշխանության ազատագրում, որը ծնեց մի նոր սկիզբ, մի նոր քաղաքական իրավիճակ: Ձեր ներկայացրած մեղադրանքը՝ իշխանությունը բռնազավթելու, իրավունքի ուժ չունի: Բոլորն այսօր խոսում են նախկին իշխանության ոչ լիգիտիմ լինելու մասին, դա նշանակում է, որ այն մեղադրանքը, որը դուք մեզ ներկայացնում եք, նույնպես լեգիտիմ չի եղել: Էսօր մենք ունենք նոր իշխանություն, բոլորս այսօր եկել ենք դրական լիցքով, բոլորս ցանկություն ունենք նոր Հայաստանում մի նոր սկիզբ սկսելու, եթե դուք զրկեք մեզ դրանից, նշանակում է՝ հեղափոխություն տեղի է ունեցել, բայց ոչ դատական համակարգում: Դուք ինձ մեղադրում եք զենք գնելու մեջ. այդ զենքն իմն է, ես դա չեմ ժխտել, նաեւ ասել եմ, թե ինչու եմ այդ զենքը գնել: Բայց դուք մինչ այսօր փորձում եք ներկայացնել փաստեր, որոնք իրականում օգտակար էին նախորդ իշխանությանը: Այստեղ հանցագործ չկա, դուք չեք կարող մի հանցագործ գտնել այստեղ: Եթե դուք այս մարդկանց պահեք կալանքի տակ, նրանց մահապատժի կդատապարտեք, դուք նրանց սպանում եք, դա նշանակում է՝ դուք ուզում եք վրեժխնդիր լինել, նախորդ իշխանությունների գործն եք շարունակում»,- հայտարարեց Վարդանյանը:

Վահան Շիրխանյանի պաշտպան Հայկ Ալումյանը միջնորդությունից բացի նաեւ ներկայացրեց «Գերագույն խորհուրդ» պատգամավորական ակումբի միջնորդագիրը, որով ակումբի անդամները երաշխավորում են Շիրխանյանի ազատ արձակվելու դեպքում նրա օրինական վարքագիծը ու պատրաստակամություն են հայտնում ստանձնել երաշխավորի պարտականությունները:

Ընդհանուր առմամբ, 8 միջնորդությունների վերաբերյալ մեղադրանքի կողմը նույնաբովանդակ դիրքորոշում էր հայտնում՝ կալանավորման հիմքերը շարունակվում են պահպանվել, միջնորդությունն անհիմն է:

Դատարանը հեռացավ խորհրդակցական սենյակ. նա որոշումները կայացրեց մոտ 8 ժամում: 8 ժամ անց վերադառնալով խոհրդակցական սենյակից՝ դատավոր Արմեն Բեկթաշյանը մերժեց 8 ամբաստանյալներին ազատ արձակելու պաշտպանական կողմի միջնորդությունը:

Տպել
9014 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց