ՀՀ ազատ ոճի ըմբշամարտի ներսում դժգոհություններ կան. Բաղդադյանը հերքում է

ՀՀ ազատ ոճի ըմբշամարտի ներքին խոհանոցում խնդիրներ կան: Որոշ ներկայացուցիչներ դժգոհ են ղեկավարությունից: Վերջին ամիսներին 2 անգամ անանուն զանգել են «Հայկական ժամանակ» ու խնդրել անդրադառնալ թեմային: Նշում էին, որ ֆեդերացիայի ներկայիս ղեկավարության ու մարզիչների պայմաններում ազատ ոճի ըմբշամարտը կործանվում է:

Առաջին անգամ ՀԺ զանգել էին անցած դեկտեմբերին: Այդ ժամանակ ֆեդերացիայի գլխավոր քարտուղարի պարտականությունները կատարում էր ազատոճայինների ընտրանու նախկին գլխավոր մարզիչ Արայիկ Բաղդադյանը (լուսանկարում), որն այդ պաշտոնը ստանձնել էր 2017-ի մայիսին: 2-րդ անգամ զանգել են օրերս՝ այն բանից հետո, ինչ Բաղդադյանը մի քանի ամիս բուժվելուց հետո կրկին վերադարձավ իր պաշտոնին:

2-րդ զանգի հեղինակը նշում էր, որ Բաղդադյանը, ԱԻՆ նախարար, ՀԱՕԿ գլխավոր քարտուղար Հրաչյա Ռոստոմյանը, որը նաեւ ըմբշամարտի ֆեդերացիայի նախագահի պաշտոնակատարն է, ֆեդերացիայի նախկին փոխնախագահ Հրանտ Ենոքյանը, նրա որդին՝ Էդգար Ենոքյանը, որն ազատ ոճայինների ընտրանու մարզիչներից է, ազատոճայինների գլխավոր մարզիչ Հաբեթնակ Կուրղինյանը պատշաճ կերպով չեն ղեկավարում ազատ ոճի ըմբշամարտը, իսկ ՀԱՕԿ նախագահ Գագիկ Ծառուկյանին ճիշտ ինֆորմացիա չեն տալիս մարզաձեւում տիրող իրավիճակի մասին:

«Ըմբշամարտը քանդել են Ենոքյանն ու Բաղդատյանը: Պետք է հանեն մարզչին (խմբ. Կուրղինյանին) ու տեղակալին (խմբ. Էդգար Ենոքյանին)»,- նշեց զանգողը:

Բաղդադյանն իր հերթին ընդգծում է, որ ֆեդերացիայում ոչ մի խնդիր չկա: Աշխատանքներն ընթանում են իրենց հունով: Հավաքական թիմերը մարզվում են, հավաքներ անցկացնում, հաջողությամբ մրցաշարերի մասնակցում: Անանուն բողոքողներին նա թափթփուկներ է համարում ու նշում, որ, եթե խնդիր ունեն, թող բացեիբաց ասեն: Եթե իրենք էլ տեսնեն, որ ինչ-որ հարցում թերանում են, կշտկեն:

«Եթե բողոքում են, անանուն չէ էլի: Եթե մեկը կա, որ կարող է ավելի լավն անել, պատրաստ ենք, թող գա: Թող գա ծրագրով, ասի՝ սա եմ անելու, Եվրոպայի առաջնությունից 5 մեդալ եմ բերելու մյուս տարի: Ես էլ գլխավոր քարտուղարն եմ, եթե պետք է, էլ չեմ նստի: Շատ ուրախ կլինեմ, որ մեկը գա անի: Թող ազատ ոճում Եվրոպայի ու աշխարհի առաջնություններից չեմպիոն բերեն: Ազատ ոճում Եվրոպայից ու աշխարհի առաջնությունից չեմպիոն բերելը շատ դժվար է այսօր: Եթե Եվրոպայի առաջնությանը հետեւել եք, տեսել եք՝ Օսեթիայից, Դաղստանից, Չեչնիայից ինչքան ըմբիշներ են մասնակցում... այդ մարդկանց միայն կարող եմ ասել թափթփուկ»,- ասաց Բաղդադյանը՝ ավելացնելով, որ պատկերացում չունի՝ ով կարող է լինել բողոքողը:

2017-ի հունվարին ազատ ոճի ըմբշամարտի հավաքականը գլխավորել էր Ատլանտայի Օլիմպիական խաղերի արծաթե մեդալակիր Արմեն Մկրտչյանը: Նույն տարվա մայիսին Սերբիայում կայացած Եվրոպայի առաջնությունում, նրա գլխավորությամբ, բրոնզե մեդալակիրներ դարձան Վալոդյա Ֆրանգուլյանը (61 կգ քաշային կարգում), Գրիգոր Գրիգորյանը (74 կգ) եւ Լեւան Բերիանիձեն (125 կգ): Եվրոպայի առաջնությունից մոտ 1 ամիս անց նա ազատման դիմում ներկայացրեց ֆեդերացիա՝ հիմնավորելով, որ դուստրն առողջական խնդիրներ ունի, եւ ինքը չի կարող բավարար ժամանակ տրամադրել այս աշխատանքին: ՀԺ-ն գրել էր, որ նա հեռացել է, քանի որ Ծառուկյանը նյութական միջոցներ է խոստացել ու չի տվել: Նա հաստատել էր: ՀԺ զանգողը նույնպես ասաց, որ նման բան է եղել: Նշեց, որ պատճառ է եղել նաեւ տիրող մթնոլորտը, որի մեղավորները վերը նշված անձիք են:

«Մկրտչյան Արմենի հանդեպ ոչ մի բան չի եղել: Մինչեւ իմ գալն ինքն աշխատում էր, ես եկա, նա աշխատել է: Եվրոպայի առաջնությունից հետո նա նույնիսկ չի վերադարձել, թիմը եկել է, նա չի եկել: 1 ամիս հետո եկել ասել է՝ խնդիր կա երեխայի առողջականի հետ կապված: Ես էլ ասացի՝ դուրս մի արի, գնա-արի, մենք կաջակցենք, դու գնա-արի, քո աղջկա հետ կապված հարցերը լուծիր, արի աշխատի: Ասաց՝ չէ՛, ես չեմ կարող: Դիմումներ է գրել, Կարեն Գիլոյանն էլ (խմբ. ֆեդերացիայի մամուլի քարտուղար) հրապարակել է: Ես հո այստեղ ամենակարո՞ղը չեմ, սպորտային ղեկավարություն կա, նախարար ունենք, օլիմպիական կոմիտե ունենք, աժիոտաժ են սարքում, դա թափթփուկ մասսան է, ուրիշ բան չեմ կարող ասել»,- ասաց Բաղդադյանը:

Որպես հիմնավորում, որ ազատ ոճի ըմբշամարտի ներկայիս մարզչական շտաբով թիմը տապալվում է, զանգահարողն ուշադրություն հրավիրեց Եվրոպայի այս տարվա առաջնության արդյունքների վրա: ՀՀ ազատոճայինները Կասպիյսկում կայացած մրցաշարից Հաբեթնակ Կուրղինյանի ղեկավարությամբ վերադարձան ձեռնունայն՝ անցած տարվա 3 մեդալների փոխարեն: Բաղդադյանը, սակայն շեշտում է, որ դա ոչ թե Արմեն Մկրտչյանի, այլ իր աշխատանքի արդյունքն է եղել:  

«Դա Արմենի աշխատանքը չէր, դա Բաղդատյան Արայիկի աշխատանքն էր: Արմենը 2 հավաք է արել, Բաղդատյան Արայիկն այդ տղաներին պատրաստել է 8 տարի, նույն Ֆրանգուլյան Վալոդյային, նույն Բերիանիձեին: Մկրտչյան Արմենը նոր ինքնաթիռ չհնարեց, թող մնար ինքնաթիռ հնարեր: Դա իմ աշխատանքն է, ու 2 հավաքով Եվրոպայի առաջնություն գնաց, ու 3 մեդալ եղավ: Ոչ մի մարզիչ վունդերկինդ չէ, որ 2 ամսում....»,- ասաց նա:

Այս շրջանում՝ Եվրոպայի 2018 թ. առաջնությունից հետո մեծահասակները հանգստանում են: Հունիսի 15-16-ից վերսկսելու են մարզումները: Հավաք են անցկացնելու Ծաղկաձորում: Պատրաստվելու են Թբիլիսիում կայանալիք միջազգային մրցաշարի:

Տպել
3005 դիտում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը