Ազատել տնտեսությունը քաղաքականությունից. խմբագրական

Երեկ կառավարության նիստի ժամանակ ՀՀ վարչապետ Նիկոլ Փաշինյանը հայտարարեց, որ ՀՀ պետական եկամուտների կոմիտեի նախագահ Վարդան Հարությունյանը զբաղեցրած պաշտոնից ազատվելու դիմում է ներկայացրել: Դրա հիման վրա Հարությունյանը ազատվեց այդ պաշտոնից, եւ ՊԵԿ նախագահ նշանակվեց Դավիթ Անանյանը (նկարում), որը մինչ այդ ՀՀ ֆինանսների փոխնախարարն էր:

Կառավարության ձեւավորումից հետո սա թերեւս ամենակարեւոր որոշումն էր, որը վերաբերվում է տնտեսությանը: Գործարար շրջանակներում կար որոշակի անորոշություն, որը այս նշանակմամբ էականորեն կցրվի:

Իհարկե, մինչեւ արտահերթ խորհրդարանական ընտրությունները գործող այս կառավարության առաջնային խնդիրների շարքում ընտրական օրենսգրքում փոփոխություններ կատարելն է, եւ արտահերթ խորհրդարանական ընտրությունների անցկացումը այնպես, որ դրանց արդյունքների նկատմամբ կասկածներ չլինեն:

Բայց կան նաեւ տնտեսության ոլորտում իրականացվելիք առաջնային խնդիրներ: Փաշինյանի ներկայիս կառավարությունը չի ստանձնել սոցիալական վիճակի կտրուկ ու անհապաղ բարելավման խնդիր: Նման հասարակական ընդգծված պահանջ էլ չկա, որովհետեւ հասկանալի է, այդ խնդիրը պետք է դրվի ապագա կառավարության առջեւ, որը կձեւավորվի առաջիկա արտահերթ խորհրդարանական ընտրությունների արդյունքում: Սակայն դա չի նշանակում, թե արդեն գործող կառավարությունը չունի տնտեսական ոլորտին առնչվող խնդիրների լուծման պարտավորություն: Եթե փորձենք մի նախադասությամբ բնորոշել այդ խնդիրների շրջանակը, ապա դա թերեւս կհնչի այսպես՝ տնտեսության վրա քաղաքական ազդեցության հնարավորինս նվազեցում: Ի՞նչ է դա նշանակում:

Հայաստանի տնտեսությունը ամբողջությամբ կառուցված էր ՀՀ քաղաքական վերնախավի շահերի սպասարկումը իրականացնելու համար: Հենց այդ նպատակով էին ստեղծվել մոնոպոլիաներն ու օլիգոպոլիաները: Հայաստանի ֆինանսատնտեսական ռեսուրսների մեծագույն մասը կենտրոնացած էր եւ հիմա էլ դեռ կենտրոնացած է մի քանի ընտանիքների ձեռքում: Սրա իմաստը շատ պարզ է: Նախ դա թույլ է տալիս վերնախավի ձեռքում կենտրոնացնել հսկայական հարստություն: Բայց միակ նպատակը հարստությունը չէ: Այդ մոնոպոլիաների ու օլիգոպոլիաների մյուս գործառույթը իշխանության վերարտադրության ապահովումն էր: Գործազրկության չափազանց բարձր մակարդակ ունեցող Հայաստանում օլիգարխների մոտ աշխատող քաղաքացիները աշխատանքը կորցնելու վախից դառնում էին խիստ կառավարելի եւ քվեարկությունների ժամանակ հլու-հնազանդ քվեարկում էին այն անձի կամ քաղաքական ուժի օգտին, որը նախընտրելի էր օլիգարխ գործատուի համար:

Բացի դրանից, հենց օլիգարխներն էին իրենց վրա վերցնում իշխանական ուժի նախընտրական բոլոր ծախսերը: Շտաբների գործունեության ապահովում, ընտրակաշառք եւ այլն: Ահա այսպիսի բազում ծառայությունների դիմաց օլիգարխները ստանում էին որոշակի ինդուլգենցիաներ. օրինակ, իրենց բիզնեսների մի մասը ստվերում պահելու, իրենց բիզնեսը մրցակցությունից պաշտպանելու եւ այլն: Գործող կառավարության առաջ տնտեսական ոլորտին առնչվող առաջնային խնդիրը հենց այս սխեմայի հիմնահատակ կործանումն է: Սա ինքնին արդեն որոշակի ռեսուրս է տնտեսության աշխուժացման համար որոշակի խթաններ ստեղծելու համար: Օլիգարխներին իշխանական հովանավորչությունից զրկելը մի կողմից կկրճատի ստվերը, մյուս կողմից հնարավորություն կստեղծի նրանց կողմից մինչեւ հիմա վերահսկվող շուկաներում նոր տնտեսվարողների հայտնվելուն:

Սակայն սրա հետ մեկտեղ գործող կառավարության առջեւ կանգնած ամենահրատապ խնդիրը բյուջեի նախատեսված մուտքերի ապահովումն է: Թե ինչ վիճակ է այսօր հարկային մուտքերի տեսանկյունից, կարելի է պատկերացում կազմել պաշտոնական ցուցանիշներից: Ապրիլին հարկային մուտքերը էականորեն գերազանցել են ամսական պլանը, եւ դա այն դեպքում, երբ այդ ամսվա երրորդ տասնօրյակը մեր տնտեսությունը ապրել է հեղափոխության պայմաններում: Կարելի է կանխատեսել, որ առաջիկայում էլ հարկերի հավաքագրման տեմպը եթե էլ ավելի չմեծանա, ապա կմնա բավարար մակարդակի վրա: Գործող կառավարությունը օլիգարխների վայելած հովանավորչությունը, անշուշտ, վերացրել է, հաստատել մրցակցության հնարավորություն այլ տնտեսվարողների համար, միեւնույն ժամանակ չի իրականացնում վրեժխնդրություն այդ օլիգարխների նկատմամբ եւ չի պատրաստվում գույքի արհեստական վերաբաշխումներ իրականացնել, ինչը երաշխիք է, որ տնտեսությունը նախկին արատավոր կառուցվածքից նորմալ կառուցվածքի կանցնի առանց ցնցումների:

Հաջորդ հրատապ խնդիրը, որ կանգնած է գործող կառավարության առջեւ, ծագեց հենց երեկ՝ վերջնական ձեւավորված կառավարության առաջին նիստի ժամանակ: Նախքան օրակարգին անցնելը վարչապետը հետաքրքրվեց, թե ի՞նչ տեղեկություններ կան կարկտահարության դեպքերի եւ վնասների չափերով: Գյուղատնտեսության նախարար Արթուր Խաչատրյանը նշեց, որ առաջին կարկտահարությունը եղել է մայիսի ութին, եւ տուժել են Արմավիրի, Արագածոտնի եւ Արարատի մարզի համայնքները, ընդհանուր վնասված տարածքը կազմել է մոտ 350 հեկտար, եւ վնասի չափը քսանից մինչեւ ութսուն տոկոս է կազմել, որոշ տեղերում՝ 50-90 տոկոս: Վնասի ֆինանսական գնահատականը կլինի մոտ մեկ շաբաթից: ՀՀ գյուղատնտեսության նախարարը հայտնել է, որ 2015 թ. կարկտահարությունից վնասների չափը կազմել է մոտ ութ միլիարդ, 2016 թ.՝ 33,2 միլիարդ, անցած տարի՝ 12,2 միլիարդ դրամ: Այսինքն, անընդհատ ծագելու են օպերատիվ լուծումներ պահանջող խնդիրներ՝ կարկուտներ, երաշտ, հեղեղներ որոնց հասցրած վնասների ամբողջական կամ մասնակի փոխհատուցումներ են պահանջվելու: Բայց երեկ վարչապետն ու գյուղատնտեսության նախարարը խոսեցին, մասնավորապես, կարկուտների կանխարգելման եւ դրանց վնասների չեզոքացման հնարավոր լուծումների վերաբերյալ: Խոսքը կարկտաբեր ամպերի ցրման ավելի էֆեկտիվ միջոցների կիրառման եւ հակակարկտային ցանցերի կիրառման խթանումը ապահովող միջոցառումների մասին է: Բայց դա շատ ավելի երկարատեւ հեռանկարում լուծվելիք խնդիր է:

Տպել
3721 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում