Դերասանուհի Լալա Մնացականյանը, որը հայտնի է նաեւ իր ընդդիմադիր քաղաքական հայացքներով, այս օրերին մասնակցում էր Նիկոլ Փաշինյանի ղեկավարած քաղաքացիական շարժմանն ու մշտապես կանգնած էր քաղաքացիների կողքին: Համաժողովրդական պայքարի հաղթանակի եւ հետագա սպասելիքների մասին ՀԺ-ն զրուցեց Լալա Մնացականյանի հետ:

- Տիկին Մնացականյան, դուք այն արվեստագետների թվում եք, ովքեր մշտապես աջակցում են ժողովրդին եւ սատարում իրենց կոչերով ու հորդորներով: Սպասո՞ւմ էիք, որ ժողովուրդն այսպես կհամախմբվի:

- Ժողովուրդը զարթնել է, ինքը հասկացել է, վայրկյանական վեր է թռել, ո՞նց ես քնից արթնանում ու լույս է բացվում՝ այդպես մարդիկ վեր են կացել ու հասկացել, որ իրենք կարող են շատ բան անել, որ իրենք կարող են փոխել, իրենք կարող են որոշել: Ես ուրախ եմ, որ այս շարժումն ի վերջո առաջնորդում էր ազնիվ մարդ: Ինձ համար Նիկոլը ազնիվ, կարգին մարդ է, ժողովրդին սիրող մարդ, իսկապես սիրող, եւ դա շատ կարևոր բան է: Ժողովուրդը չի գնում այն մարդու հետևից, որը չգիտի սիրում է, թե՛ չի սիրում, որը չգիտի՝ ինչ է ուզում: Ժողովուրդը գնում է այն մարդու հետևից, որին վստահում է եւ գիտի, թե նա ինչ է ուզում: Նիկոլը կոնկրետ ուզում է ինչ-որ բան անել այս երկրի համար, մարդիկ էլ գնում են կոնկրետ մարդու հետևից, կոնկրետ նպատակի համար: Մարդիկ տեսան, որ Նիկոլն էլ իրենցից մեկն է, մարդ է, որը չի թալանել, չի սպանել, օլիգարխ չի, իրենց նման հասարակ մարդ է, որը շիտակ է, որը սիրում է, հասկանում՝ ինչ է կատարվում: Նիկոլը գիտի՝ ինչ է ուզում, շիտակ ձևով տարիներ շարունակ պայքարել է եւ այսօր տեսնում է իր աշխատանքի արդյունքը:

- Դուք սպասու՞մ էիք նման դրական հանգուցալուծման: Սպասո՞ւմ էիք, որ Սերժ Սարգսյանը կհրաժարվի վարչապետի պաշտոնից:

- Չէ, իր մարդկային տեսակից ելնելով՝ ես դա չէի սպասում, մտածում էի, որ էսքան հեշտ հնարավոր չի լինի: Ասում է՝ վիշապը մեռնում է, բայց վիշապը գլուխներ ունի չէ՞, ինքը թողել է իշխանությունը, բայց իր հետևից թողել է իր կուսակիցներին, որոնք ամեն ինչ կանեն, որպեսզի երկարաձգեն, բայց ի վերջո դա խելամիտ չէ: Երկարաձգել չի կարելի, անգամ շունչը փչելու ժամանակ ուզում է մի վնաս տա՝ նոր գնա: Չգիտեմ, երկիր մոլորակը մի պահ կանգ առավ, Աստված էլ ասաց՝ վայ, ինչ լավ ժողովուրդ եք, եկեք օգնեմ ձեզ ու օգնեց, մի խոսքով, կարող եմ ասել, որ սա հրաշք էր:

- Ինչպե՞ս կբնութագրեք Սերժ Սարգսյանի կառավարման տարիներին Հայաստանի վիճակը եւ արդյո՞ք հնարավոր կլինի արագ տեմպերով ոտքի կանգնեցնել երկիրն այդքան հարվածներից հետո:

- 20 տարի խմեցին մեր արյունը, էս ի՞նչ արեցին: Ես կարծում եմ, որ Սերժ Սարգսյանը հայրենանվեր գործ արեց, որ հեռացավ, որովհետև մենք Հայաստանը փրկեցինք: Երբ ես բազմաթիվ ելույթներ էի ունենում դրսում, կոչ էի անում, որ մարդիկ ոտքի կանգնեն եւ քայլեր ձեռնարկեն, սրա դեմն առնեն, ես հույս ունեի, որ իսկապես իմ ձայնը լսելի կդառնա, որովհետև գնալով դատարկվում էր Հայաստանը, սա ազգադավ գործողություն էր իշխանությունների կողմից՝ բազմիցս ասել եմ: Նժդեհի ասածը, որ ազգի ամենամեծ թշնամին ինքներս ենք, սա ապացուցում էր:

- Ի՞նչ սպասելիքներ ունեք:

- Սպասելիքների մասին դեռ չեմ ուզում խոսել, քանի որ հարցի մեջ հուսահատության նոտաներ կան: Անկախ ամեն ինչից, ես այս մարդուն հավատում եմ: Մենք պետք է իր հետևից գնանք, մեր ընտրածի համար պատասխան տանք, մենք էլ ենք պատասխանատու եւ պիտի օգնենք: Քանի որ հեքիաթը իր մեջ պարունակում է ժողովրդի իմաստնությունը, իսկ հեքիաթները ժողովրդների իմաստնությունն են, իսկ հեքիաթի հերոսը միշտ հաղթում է, որովհետև հերոսի մեջքի հետևում կանգնած է իր ժողովուրդը: Հերոսն այս դեպքում ժողովրդի բերած հավաքական եւ սիրելի կերպարն է, իսկ ժողովուրդը թույլ չի տա, որ իր հերոսը չհաղթի:

- Մշակույթի ոլորտում, ձեր ոլորտում ի՞նչ հիմնական կետեր կառանձնացնեիք, որոնք արդիական են եւ անհապաղ ուշադրության եւ լուծման կարիք ունեն:

- Քանի որ մեր երկիրը մինչ այս բռնապետական էր, մշակույթը չուներ ազատություն, եւ երբ մեզ մոտ նշանակվում էին Մշակույթի նախարարներ՝ անում էին այն, ինչն իրենց թելադրվում էր վերևից, նրանցից ոչ մեկը երբևէ չի կարողացել ինքնուրույն որոշումներ կայացնել: Նշանակել են նախարար, բայց նախարարը ոչ մի որոշում եւ ոչ մի անկախ քայլ չի կարողացել ձեռնարկել: Հիմա ես կարծում եմ, որ մեր երկրում կլինի ազատ մրցակցություն, կշահի նաև մշակույթը: Քանի որ այնպիսի երկրում, որն ավելի շատ գնում էր բռնապետական ճանապարհով, չէր կարող մշակույթ զարգանալ, դա բացառված է: Այստեղ կարող են զարգանալ փոքրիկ հումորային ծրագրեր: Իսկ ի՞նչ է պետք ժողովրդին՝ ուտելիք եւ զվարճանք՝ փորձում են այնպես անել, որ դրանից ավելի ոչինչ չհասկանա մեր սերունդը: Երբ ամեն մի ոլորտ ղեկավարեն բանիմաց եւ գիտակ նախարարներ, որոնք ազատ կլինեն իրենց ընտրությունների մեջ, կախվածություն չեն ունենա քմահաճույքներից՝ բնականաբար մշակույթը շատ ավելի առաջ կգնա, որովհետև հիմա, երբ նայում եմ, թե համատարած ինչ է կատարվում, դա աբսուրդ է: Իհարկե, թատրոնները կան, կինոն կա, բայց դրանք երբեք առաջնային պլան չեն մղվել, առաջնային պլան են մղվել շոու ծրագրերը, զվարճանքը, որը մշակույթ չի կարող լինել: Մեզ մոտ դարձել էր ախպերական պետություն՝ դե կզանգեմ ախպորս, ախպերս կլուծի: Բարեկամ - խնամիական մոտեցումները սարսափելի բան են: Այն երկիրը, որտեղ թագավորել է վախը, մշակույթ լինել եւ զարգանալ որպես այդպիսին բացառվում է, չկա: Ստրկամտության, պնակալեզության եւ վախի պարագայում առաջին հարվածը գալիս է մշակույթին, իսկ աշխարհում ինտեգրվելու համար առաջնային քայլերից մեկն է մշակույթը: Թատրոնները ակամայից  վերածվել են պալատական թատրոնների, որովհետև ղեկավարներ մնում էին միայն այն մարդիկ, որոնք իշխանամետ էին, ես չեմ տեսել մի թատրոն, որը ղեկավարեր ընդդիմադիրը: Թատրոնները ղեկավարողներից շատերը ոչ թե իշխանամետ են, այլ պարզապես թատրոնը պահելու համար ստիպված պետք է լինեն իշխանամետ, չնայած կարող է լրիվ այլ կարծիք ունեն, բայց ստիպված են: Մի մարդ իր այդ սիստեմով կաթվածահար է արել երկիրը՝ իր ամբողջ բնագավառներով, երկիրը կաթվածահար է եղել: Սակայն ես վստահ եմ, այսուհետ մարդիկ չեն վախենա իրենց կարծիքն արտահայտել, իրենց տեսակետն ունենալ:

  Աղունիկ Հովհաննիսյան

Տպել
8548 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)