Երևան
16 °C
Երեկ՝ Սերժ Սարգսյանի հրաժարականի լուրն առնելուն պես, կարելի է ասել ամբողջ Հայաստանը ցնծում էր: Հատկապես ոգեւորված էին երիտասարդները, որոնք «Քայլ արա, մերժիր Սերժին» շարժման հաղթանակի գլխավոր գրավականներից մեկն էին:
Նրանք երեկոյան Երեւանի Հանրապետության հրապարակում ու մերձակա տարածքներում էին, եկել էին, ինչպես Նիկոլ Փաշինյանն էր ցերեկը խոստացել, հաղթական հանրահավաքի: Այս անգամ հավաքի մասնակիցների դեմքերը փայլում էին, նրանք երջանիկ էին ու ապագայի նկատմամբ հույսով լցված:
Երեւանի Մխիթար Հերացու անվան բժշկական համալսարանի ուսանող Լեւոն Սարգսյանը, որը վերջին օրերին միացել է շարժմանը, ասաց, որ զգացողություններն աննկարագրելի են: «Առավոտվանից դասերին չեմ մասնակցել: Ժամը 15-ի կողմերը գնացինք համալսարան, որովհետեւ շատ էինք հոգնել, հետո հայրս տնից զանգահարեց, ասաց, որ վարչապետը հրաժարական է տվել: Գրադարանում էինք նստած: Ամբողջ գրադարանում այնպիսի աղմուկ բարձրացրինք, որպիսին երբեւէ չէր եղել այնտեղ: Հետո որոշեցինք գալ այստեղ»,- պատմեց ապագա ստոմատոլոգը:
Բժշկական համալսարանն, ըստ էության, միայն այդ օրն է մեծ դասադուլ արել: Ուսանողները ֆեյսբուքում խումբ են ստեղծել: Շարժմանը միանալու պատրաստակամություն է հայտնել 1500 սովորող, ու նրանք դուրս են եկել փողոց: Մինչ այդ, 5-րդ կուրսի ուսանող Լեւոնը ցույցերին մասնակցել է դասերից հետո: Այժմ նա լիահույս է, որ վաղը բոլորովին ուրիշ Հայաստան է լինելու: «Ես համարում եմ, որ համակարգ է փոխվել, միայն անուններ չեն: Մարդ կա՝ կարող է ասել՝ էվոլյուցիայով է զարգանում պետությունը: Նաեւ ռեւոլյուցիան է պետության զարգացման ձեւ: Ես շատ ուրախ եմ, որ զոհ չեղավ: Ցանկացած դեպքում դա անընդունելի կլիներ»,- ասաց երիտասարդը:
Մասնագիտությամբ երաժիշտ Նարեկ Ղազարյանն էլ նշեց, թե այսքան շուտ հաղթանակ չէր սպասում: «Իմ կարծիքով երկրի գերագույն գլխավոր հրամանատարը շատ խելացի է: Այսքան շուտ չէր հանձնվի: Կամ ինչ-որ մի խաղ է խաղում, կամ իրոք հասկացավ, որ ժողովուրդը ուժեղ է: Ես կարծում եմ՝ ավելի հավանական է երկրորդը»,- նկատեց նա:
«Մի տեսակ հավատս չի գալիս այս ամենին, բայց հպարտությամբ եմ էստեղ: Ու վստահ եմ, որ յուրաքանչյուրս հպարտ ենք, որ էստեղ ենք ու հպարտ ենք, որ հայ ենք: Չգիտեմ, շատ ուրախ եմ, ինչ-որ անբացատրելի զգացողություն է: Եթե անկեղծ, շարժմանը երեկվանից եմ միացել: Այդ ընթացքում ուսմանը զուգահեռ աշխատանք եւ այլն, բայց երեկվանից մինչեւ հիմա ժողովրդիս կողքին եմ: Ինչպես ասում են՝ հազիվ հասա»,- հաղթանակում իր լուման ներդնելուց գոհ էր «Գլաձոր» համալսարանում ֆինանսներ եւ վարկ մասնագիտությամբ երրորդ կուրսի ուսանող Թագուհի Մարգարյանը: Նա հույս ունի տեղի ունեցած թավշյա հեղափոխությունից հետո ապրել նոր Հայաստանում: «Վաղը սպասում ենք նորովի Հայաստան, որը այսքան ժամանակ չի եղել: Նոր, ավելի գունեղ, ավելի պայծառ: Ինչպես որ այսօր են մարդիկ ուրախ, որ նայում ենք, բոլորի դեմքին ժպիտներ կան, թող այս ժպիտները միշտ լինեն ու իրենց դեմքից չպակասեն երբեք»,- բարեմաղթեց Թագուհին:
Թագուհին աջից առաջինն է:
«Ինչ հարց էլ որ տաք, պատասխանը հաղթանակ է»,- իրեն ուղղելիք հարցերը փորձեց կանխել Թատրոնի եւ կինոյի պետական ինստիտուտի ուսանող Մհեր Ալաբեկյանը, որը շարժմանը մասնակցել է օրեր շարունակ: «Այս հաղթանակին սպասում էինք: Երեկվանից հետո, երբ առանց Նիկոլի շարժումը չդադարեց ու նույնիսկ ավելի շատ մարդ դուրս եկավ փողոց, արդեն սպասում էինք, որ Սերժ Սարգսյանի հրաժարականը լինելու է: Արդեն սպասում էինք, որ կրելու ենք, վե՛րջ: Այսինքն՝ սա միայն Նիկոլի պայքարը չէր, նա ուղղակի նախաձեռնող եղավ, բայց մնացածը ժողովրդի կրածն է: Ինքն էլ՝ մեզ հետ: Հաղթանակած Հայաստանում սպասում ենք լիքը բարեփոխումներ: Դրսից ինչքան լավ մարդ կա, վերադառնա: Ինձ որ մնար, մեր կաթողիկոսին էլ կհեռացնեինք, որովհետեւ հիմա նա պետք է հայերի կողքին կանգնած լիներ: Ու «Սասնա ծռերի» տղերքին է պետք հանել շատ շուտ»,- կարծիք հայտնեց թատերական ինստիտուտի ուսանողը:
Բժշկական համալսարանի մեկ այլ ուսանող Դալար Թումասյանը, որը հանրահավաքին մասնակցում էր սպիտակ խալաթով, նույնպես ասաց, որ զգացողություններն աննկարագրելի էին. «Չէինք հավատում, անկեղծ: Երբ կարդացինք Սերժ Սարգսյանի հրաժարականի մասին, մտածեցինք կարող է սուտ լուրեր են տարածվում, հետո տեսանք, որ հավաստի է, ու շատ էինք ուրախացել: Դուք պիտի տեսնեիք՝ ինչպես էին բոլորը ժպտում, երեւի երկար ժամանակ հայ ժողովուրդը այսքան ժպտացած ու այսքան ուրախ չէր եղել, բոլորը երջանիկ էին ու կարծես ամբողջ Հայաստանը ցնծում էր: Առավոտյան սկսած երթով հասել էինք հրապարակ, երբ իմացանք, որ Սերժ Սարգսյանը հրաժարական է տվել: Սպասում եմ, որ Հայաստանը հիմա կլինի միանշանակ ավելի լավը, ավելի ազատ, ավելի բարեկեցիկ, ավելի քիչ անապահով ընտանիքներով, լքված տներով, որբ երեխաներով»:
27-ամյա տնտեսագետ Դավիթ Խոջայանը շարժմանը մի քիչ ուշ է միացել: Ընկերների լավատեսությամբ դժվարությամբ է վարակվել, բայց այսօր համոզվել է, որ չի սխալվել: «Ֆանտաստիկ լավ ենք զգում: Հա՜, շատ լավ: Սա մի օր պետք է լիներ: Նամանավանդ ընկերս շատ էր հավատում: Էսօր էստեղ չէ, չի հասցրել գալ, կամ էլ չենք կարողանում գտնել: Ես Ճիշտն ասած առաջին անգամ ֆեյսբուքում եմ տեսել այս շարժման մասին (դե ես ֆեյսբուք ընդհանրապես շատ ուշ-ուշ եմ մտնում), պատահական մտա, տեսա՝ ինչքան ընկեր ունեմ (խելքը գլխին, էլի), այստեղ է: Էդ օրը սկսեցի հավատալ»:
Դավիթը ձախից առաջինն է
Ինչ վերաբերում է վաղվանից ունեցած սպասելիքներին, Դավիթը նկատեց. «Կարծում եմ, որ վաղը կլինի ավելի արդար, մարդիկ՝ երջանիկ, ժպտերես, ինչպես էսօր: Էն տրամադրությունն ու ոգեւորվածությունը, որ հիմա կա, եթե կարողանան պահպանել ու փոխանցել պետության բոլոր մակարդակներում, ինձ թվում է շատ լավ կլինի թե տնտեսությունը, թե ամեն ինչը: Պետք է այդ էներգիայով աշխատել, փոխել, մի բան կառուցել, ոչ թե տուրիզմը զարգացնել՝ 400 հազար դոլարանոց բիոզուգարաններով»:
Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է
Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին
Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)
Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)
Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
© 2024 Հայկական ժամանակ