Գիա Կանչելիին նվիրված երեկո՝ Մալթայի միջազգային փառատոնի շրջանակներում

Մալթայի միջազգային երաժշտական փառատոնը հյուրընկալել է մեր ժամանակների լեգենդար կոմպոզիտոր Գիա Կանչելիին։ Ապրիլի 17-ի երեկոյան Հայաստանի պետական սիմֆոնիկ նվագախումբը՝ դիրիժոր Սերգեյ Սմբատյանի ղեկավարությամբ, հանդես է եկել Գիա Կանչելիին նվիրված համերգով։

Վրացական դասական երաժշտության ներկայացուցիչ Գիա Կանչելին Մալթայում առաջին անգամ է։ «Ես շատ շնորհակալ եմ փառատոնի կազմակերպիչներին, այսօրվա համերգի մենակատարներին, հիանալի դիրիժոր Սերգեյ Սմբատյանին»,- ասաց Գիա Կանչելին։ Համերգին նախորդած մամուլի ասուլիսում մաեստրո Կանչելին նշել է, որ ուրախ է Հայաստանի պետական սիմֆոնիկ նվագախմբի հետ հերթական համագործակցության համար՝ ավելացնելով, որ հայոց հողում նա գրել է իր 6 սիմֆոնիաները, իսկ անցած տարի Երևանում անցկացվեց իրեն նվիրված փառատոն։

Վրացի կոմպոզիտորի ստեղծագործությունները Հայաստանի պետական սիմֆոնիկ նվագախմբի հետ կատարել են իտալացի ջութակահար Անդրեա Կորտեսին և վրացի ալտահար Գեորգի Զագարելին։  

«Ի սկզբանե ինձ դժվար էր պատկերացնել, որ ես կկարողանամ նվագել Կանչելիի երաժշտությունը,- խոստովանում է Անդրեա Կորտեսին,- ժամանակ պահանջվեց, որպեսզի հասկանամ ստեղծագործության մեղեդայնությունը և անկրկնելիությունը։ Եվ հասկացա, որ ցանկանում եմ կատարել Կանչելիի երաժշտությունը մշտապես։ Այսպես սկսվեց մեր համագործակցությունը»։

Ալտահար Գեորգի Զագարելին շեշտեց, որ ուրախ է Հայաստանի պետական սիմֆոնիկ նվագախմբի հետ ելույթ ունենալու համար, քանի որ այս կոլետիվի երաժիշտներն ունեն երիտասարդ կատարողներին հատուկ էներգետիկա, ինչը փոխանցվում է մենակատարին և ունկնդիրներին։

«Երաժշտությունն ինքնին կյանքն է» խորագրով համերգի ծրագրում ընդգրկված էին Կանչելիի՝ տարբեր տարիների ստեղծագործությունները՝ «Նամակներ՝ ընկերներին», «Chiaroscuro»։ Կոմպոզիտորը նշում է, որ այս երկու գործերը պատկանում են տարբեր ժանրերի՝ առաջինում ինքը կատարել է ներկայացումների և ֆիլմերի հեղինակների կամքը, իսկ «Chiaroscuro»-ն երաժշտություն է, որ նա գրել է իր համար։

Երեկոյի ընթացքում հնչել է նաև «Տանգոյի փոխարեն» ստեղծագործությունը ջութակի, ալտի, դաշնամուրի և լարային նվագախմբի համար։

Հիշեցնենք, որ այս օրերին Մալթայի մայրաքաղաք Վալետայում ընթանում է Մալթայի միջազգային երաժշտական փառատոնը, որի պաշտոնական նվագախումբն է Հայաստանի պետական սիմֆոնիկ նվագախումբը։ Փառատոնը կազմակերպել է Մշակույթի աջակցության եվրոպական հիմնադրամը։

Տպել
822 դիտում

ԱՆ քրեակատարողական ծառայությունում մի շարք գնման գործընթացներ իրականացվել են օրենքի խախտումներով. ՊՎԾ

Հայկ Սարգսյանի տվյալներով՝ Չեխիայի արդարադատության նախարարը եղբորը արտահանձնելու վերաբերյալ համաձայնություն չի տվել

Հրդեհ Արմավիր քաղաքում.այրվել է ավտոմեքենա

Ներդրումներ է տապալել. ԱԱԾ-ն բացահայտել է Սյունիքի նախկին մարզպետ Սուրիկ Խաչատրյանի ապօրինությունները

ՍԴ-միակ մարմինն է, որ ունի վերջնական իշխանություն՝ մեկնաբանելու այս պետության ամենաքաղաքական ակտը՝ Սահմանադրությունը

Բարձրագույն դատական խորհրդի անդամի թեկնածուն ընտրվելու դեպքում պատրաստ է առաջինը ենթարկվել վեթինգի

ՈՒԵՖԱ-ի նախկին նախագահ ֆրանսիացի Միշել Պլատինին ձերբակալվել է

Արցախում զինծառայողը ճանապարհատրանսպորտային պատահարի է ենթարկվել. նա մահացել է հիվանդանոցում

Կաջակցի՞ արդյոք ԿԽՄԿ ՀՀ-ում իրականացվող բարեփոխումներին. Մհեր Գրիգորյանն ընդունել է Քլեր Մեյթրոյին

Պարտադրանքը, որ եղել է նախկինում, պետք է փոխվի. Հայկակ Արշամյան

Դել Բոսկեն Հայաստանում է. նա կարծում է՝ վերջին հաղթանակները վստահություն կներշնչեն ՀՀ ընտրանուն

Գեղամ Գևորգյանը Մոսկվայում կմասնակցի Մրցակցության հարցերով միջազգային կլոր սեղան-խորհրդակցությանը

«Հայաստան» համահայկական հիմնադրամը պետք է դառնա մեր համազգային բյուջեն. Նիկոլ Փաշինյան

Նարեկ Բաբայանը դիմել է դատարան՝ Մանվել Գրիգորյանի կողմից պետությանը գույք նվիրելու հարցով

Չեմ թաքցնելու, որ ընկերներ ունեմ «Իմ քայլ»-ում, բայց երդում տալու պահից դատավորներն այլեւս ընկերներ չեն ունենում

Սահմանադրական դատարանում պետք է գործի 9 հավասար դատավորների կարգավորումը․ Վահե Գրիգորյան

Մանվել Գրիգորյանը կրկին դատարան չբերվեց. դատախազը միջնորդեց նրա նկատմամբ փորձաքննություն նշանակել

Բանտարկված աղվեսներն առգրավվել են եւ բաց են թողնվել վայրի բնություն

Զրպարտության մասով դիմելու եմ դատարան. Խառատյանը՝ Մալյանի «անհեթեթությունների» մասին

Ուզում ենք այնպես անել, որ միլիարդավոր ներդրումներ անելու ցանկության դեպքում անգամ կարիք չլինի վարչապետին տեղյակ պահել