Ինչու են Երեւանում պայքարում հենց Սերժ Սարգսյանի, այլ ոչ ՀՀԿ-ի դեմ. Euronews-ի անդրադարձը

Euronews-ը ծավալուն հոդված է հրապարակել՝ Հայաստանում կատարվող ներքաղաքական իրադարձությունների, կառավարման խորհրդարանական համակարգին անցում կատարելու, Արմեն Սարգսյանի նշանակման, Սերժ Սարգսյանի՝ վարչապետի պաշտոնում առաջադրման եւ վերջին օրերի ցույցերի ու հանրահավաքների մասին:

 Հոդվածի սկզբում խոսվում է այն մասին, որ Հայաստանը նոր՝ չորրորդ նախագահ ունի: Նա արդեն երդվել է ծառայել ժողովրդին ու անցել իր պաշտոնին: Ապրիլի 17-ին խորհրդարանը քվեարկությամբ կընտրի երկրի վարչապետին, որն այսուհետ լինելու է երկրի փաստացի ղեկավարը: ՀՀկ կուսակցությունն առաջադրել է արդեն նախկին նախագահին՝ Սերժ Սարգսյանին, որը, ըստ Euronews-ի, լավ կապեր ունի միջազգային կառույցներում, հարթակներում ու նաեւ ղեկավարման փորձ, իսկ ՀՀԿ-ականները նրա առաջադրումը կապում են Հայաստանի սահմանային անվտանգության պահպանման հետ:

Սահմանադրական բարեփոխումները, որոնք կատարվել են 2014-ի հանրաքվեի արդյունքներով, երբ մարդկանց 63 տոկոսը «այո» է ասել այդ փոփոխություններին, բողոքարկվել են ընդդիմության կողմից, դրանք որակվելով որպես փորձ՝ ընդմիշտ մնալ իշխանության ղեկին:

2016 թվականին «Սասնա ծռեր» խմբավորման կողմից ՊՊԾ գնդի գրավումն ու որպես ազատելու պահանջ՝ Ս. Սարգսյանի հրաժարականի պահանջն այդպես էլ չկատարվեց, խմբավորման անդամները դատապարտվեցին, զոհվել էր 3 ոստիկան:

Այս իրադարձություններից հետո ձեւավորվեց նոր կառավարություն ու վարչապետ դարձավ Կարեն Կարապետյանը:

Այս ամենի նկարագրությունից հետո անդրադարձ է կատարվում ընդդիմության ցույցերին:

Euronews-ի հոդվածում խոսվում է, որ քաղաքական մի շարք ուժեր ու հասարակական շարժումներ միասին փորձում են սկսել դեմոկրատական գործընթաց, անցկացվում են խաղաղ ցույցեր՝ Սերժ Սարգսյանի վարչապետացումը կանխելու համար:

Շարժման ակտիվիստներից Դավիթ Սանասարյանը նշել է, որ ցույցերի արդյունքների մասին կարելի կլինի խոսել, երբ հասկանալի լինի, թե ինչ քանակի մարդիկ են իրենց աջակցում, հաջողությունը կախված է հասարակության ակտիվությունից: «Որպես խաղաղ պայքարի կողմնակից, ես հուսով եմ ամեն ինչ կարվի՝ զինված դիմադրություն կանխելու համար»:

Հաշվի առնելով, որ ՀՀԿ-ն ու նրա դաշնակից ՀՅԴ-ն խորհրդարանական մեծամասնություն են, դժվար թե ստացվի որեւէ կերպ կանխել Ս. Սարգսյանի վարչապետ դառնալու գործը: Խորհրդարանական մյուս ուժը՝ ԲՀԿ-ն, որը ղեկավարում է բիզնես-մագնատ գագիկ Ծառուկյանը, ձեռնպահ է մնում կարծիք հայտնելուց կամ ընդդիմությանն աջակցելուց:

Լենա Նազարյանը, Euronews-ի հետ զրույցում ներկայացրել է, թե ինչու է կարեւոր պայքարել հենց վարչապետի նշանակման դեմ, թեկուզ եթե իշխող կուսակցությունը մնա. «Իշխող ղեկավարությունը կենտրոնացած է 1 մարդու ձեռքին, որը կարող է ուղղորդել ու հավասարակշռության բերել մյուսներին, բայց երբ այս համակարգը կորցնում է իր գլուխը, ներքին տարաձայնություններից ու խուճապից փլուզվում է», - ասել է Նազարյանը: Նա նաեւ մեղադրել է նախկին նախագահին՝ կոռուպցիայով ուղեկցված ընտրությունների համար, ասելով, որ գրեթե միշտ ընտրություններից անպակաս են եղել կաշառքները:

Ի պատասխան, բոլոր մեղադրանքները հերքել է ՀՀԿ կուսակցության ղեկավարի տեղակալ Արմեն Աշոտյանը: Խոսելով ՀՀԿ-ի ձեռքին իշխանությունը կենտրոնացնելու մասին, Աշոտյանը նշել է, որ խորհրդարանի 40 տոկոսը կազմում է ընդդիմությունը, ղեկավար մարմինների 25 տոկոսն ու մշտական կոմիտեների 33 տոկոսը նրանց ներկայացուցիչներն են զբաղեցնում: Վերջին երկուսը, սակայն, ԲՀԿ կուսակցության մասին է խոսքը:

Ըստ Աշոտյանի, երբ 2017-ին իրենք ու իրենց դաշնակիցը դարձան խորհրդարանական մեծամասնություն, դա արդեն իսկ նշանակում է, որ քաղաքական որոշումները կայացնում են իրենք՝ ներկայացնելով իրենց օգտին քվեարկած քաղաքացիների դիրքորոշումը:

Միաժամանակ, Euronews-ի հետ զրույցում քաղաքագետ Հրանտ Միքայելյանը ընդդիմության շանսերը բավական ցածր է գնահատել, քանի որ ըստ նրա, հասարակությունը հավասարապես հիասթափված է ինչպես իշխանությունից, այդպես էլ ընդդիմությունից:

Տպել
5713 դիտում

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից